IMAMAT 14:46 - Susula Malalaok Hehelu Palak Ma Hehelu Beuk

⁴⁶ Nai lelek, uma ndia bei nananggoek, boema su'di see, ana masok leo dalek neu soona, nangenggeo losa le'do tenak.

IMAMAT 14:46 ပူးပေါင်းရင်းမြစ်များ

IMAMAT 11:31

Ba'eneu see, fo ana koila'e bana sila-la do ana koila'e popolan-nala soona, hataholi ndia manggenggeok losa le'do tenak.

IMAMAT 11:32

Metema, mate bana sila-la esa, fo ana tu'da la'e buas esa soona, buas ndia da'di naggenggeo. Nakanenetek ndia ana da'di soaneu basa hata lala'en fo taon neme ai, si'di, ai louk, bana louk, do kalong, ma basa hata fo paken soaneu su'di beek-ka boe. Muse ene buas sila-la leo oe dale neu, tehu bei langgenggeo lahele losa le'do tenak.

IMAMAT 11:39

Ba'eneu see, fo ana koila'e bana mates fo ta nalulik fa, soona nanggenggeo losa le'do tenak.

IMAMAT 11:40

Hataholi fo ana ho'i neni do na'a bana mates ndia paan-na soona, ana muse sefe bua papaken-na, tehu nanggenggeo nahele losa le'do tenak.

IMAMAT 14:47

Ba'eneu see, fo ana sungu do na'a-ninu nai uma ndia dalek soona, muse ana safe bua papaken-na.

IMAMAT 15:10

Ba'eneu see, fo nangatuuk neu buas esa lain, fo hataholi kamahe'dis ndia nangatuuk hai neme buas ndia lain so, soona ana da'di manggenggeok, losa le'do tenak. Hataholi manaso'u buas ndia, muse ana safe bua papaken-na, ma nadiu oe, tehu nanggenggeo losa le'do tenak.

IMAMAT 17:15

Ba'eneu hataholi Israel-la, do hataholi nusa dea, na'a bana manamate aok-ka paan-na, do maten, hu kande bana makaak-kala kaa lisan soona, muse ana safe bua papaken-na, boema nadiu oe, ma nahani losa le'do tenak, fo besak-ka ana da'di balisi.

IMAMAT 22:6

No enok mata beek ndia boe, imam esa da'di nanggenggeo soona, manggenggeok nahele losa le'do tenak. Ma le'do tenak basa so, tehu metema ana beita nadiu oe fa soona, ana beita bole na'a nana'ak fo nanatunu-hotuk soaneu Manetualain fa.