IMAMAT 14:21 - Susula Malalaok Hehelu Palak Ma Hehelu Beuk

²¹ Metema hataholi ndia nuu taa-hata taak, soona tutunu-hohotuk soaneu bae huta-ka, hataholi ndia bole neni bi'ilopo maneanak ka'da esa, soaneu tutunu-hohotu natutu'duk ba'eneu Manetualain. Fe'ek neme ndia mai boe, muse neni ha'desopu nanasese'dok mina setun kilo esa, soaneu tutunu-hohotu nana'ak, ma mina setun ba'e teluk liter esa.

IMAMAT 14:21 ပူးပေါင်းရင်းမြစ်များ

AYUB 34:19

Ana ta nok manek-kala, do Ana bibinga-baba'e hataholi kamasu'ik-ka, neme hataholi matasi'da-matasaek-ka mai. Nanahu, sila basa-basas nde been-na, Ndia lima tataan mesa-mesan.

AMSAL 17:5

See hakinonoli hataholi nuu-taa hata-taak-ka soona, nakamumulu-nakamamaek Manetualain, fo manamakadada'dik-kana. See namahoko-setelee soaneu hataholi ua-nale poke-pake-a soona, tao leo bee-o, ana hapu huhukuk.

AMSAL 22:2

Hataholi kamasu'i-makabetek-ka, no hataholi nuu-taa hata-taak-ka, lanuu dede'ak esa, sama: fo nde, Manetualain nakadada'dik duas.

YESKIAL 46:7

Ana muse tunu-hotu gandum litel sanahulu hitu seselik, sama-sama no sapi mane esa ma bi'ihii mane esa, ma ana muse tunu-hotu gandum, tunga manatunu-hotuk ndia, dale hihiin-na, sama-sama no bi'ilopoana esa. Basa tutunu-hohotu gandum-mala, muse sama-sama no tutunu-hohotu mina setun, litel telu.

IMAMAT 1:14

Metema, nanatunu-hotuk ndia manupui esa soona, muse manupui kateu, do kaluaana.

IMAMAT 12:8

Metema, inak ndia ta hapu sadia bi'ilopoana esa fa soona, muse neni manupui kaluaana dua, do manupui kateuana dua; fo esa soaneu tutunu-hohotu nanatunuk, ma esa seluk soaneu tutunu-hohotuk fo sala-singok hapu do'o do ampon. Imam-ma muse tao feta soaneu lose heni inak ndia manggenggeon-na, soona ana da'di balisi.

IMAMAT 14:10

Neu fai ka falun-na soona, hataholi ndia muse neni bi'ilopo maneanak dua, ma bi'ilopo tenaanak esa, teuk esa, ma basa-basas ta lu'u-la'ak fa. Fe'ek neme ndia mai boe, muse neni ha'desopu nanasese'dok mina setun kilo telu, ma mina setun ba'e teluk liter esa.

IMAMAT 14:22

Boeo, muse neni manupui kaluaana dua, do kateuana dua: fo esa soaneu tutunu-hohotuk fo sala-singok hapu do'o do ampon, ma esa seluk, soaneu tutunu-hohotu nanatunuk.

IMAMAT 27:8

Metema, hataholi manafe nasar-ra, ta hapu hata esa boen, soaneu bae belik nananaketuk-ka fa soona, muse noo hataholi fo nanatunu-hotu basak soaneu Manetualain ndia, leo imam-ma neu. Imam-ma, muse naketu belin-na nai dae seluk, fo nandaa no hataholi ndia bebe'in-na.

IMAMAT 5:11

Metema, hataholi masalak-ka ta nalak sadia manupui kateu dua, do manupui kalua dua, soaneu tutunu-hohotuk sala-singok hapu do'o do ampon fa soona, muse neni ha'desopuk kilo esa. Ha'desopuk ndia, ta bole nanasese'dok mina setun, do tao boomenik neu fa, nana tutunu-hohotuk ndia nde been-na, tutunu-hohotuk sala-singok hapu do'o do ampon, te ta tutunu-hohotuk nana'ak fa.

IMAMAT 5:7

Tehu, metema hataholi masalak-ka, ta nalak sadia bi'ilopo do bi'ihiik soaneu soi-tefa sala-singon fa soona, muse neni manupui kateu dua, do kalua ana dua, fo esa soaneu tutunu-hohotuk sala-singok hapu do'o do ampon, ma esa seluk, soaneu tutunu-hohotu nanatunuk.

LUKAS 6:20

Yesus nanganalo ana manatunga nala boema nae, “Maua-manalek neu emi, fo nuu ta-hata ta kala, nanahu emi nde bee na, Manetualain hataholi kamahehele nala lima-ein!

2 KORINTUS 8:12

Metema te'e-te'e emi nau fe soona, neukose Manetualain sipok emi fefeem ndia, tunga hata fo emi manuun, te ta tunga hata fo emi ta manuu fan.

2 KORINTUS 8:9

Nana emi bubuluk tete'e ka, Yesus Kristus fo ita Lamatua na sue-lai na ita ba'u na seli. Yesus kamasu'ik, tehu Ana tao aoina na da'di nuu ta-hata tak, soaneu emi paluu ma, fo ela no nuu ta-hata tan ndia, emi da'di kamasu'ik.

SEMUEL SUSULAK-KA ESAN-NA 2:8

Ana so'u hataholi nuu taa-hata taak-ka neme doi-doson mai, Ana soi-po'i hataholi nananakadadaek-ka neme doidosok-ka mai. Ana taos da'di manefetoana-la tia-lain, ma Ana fes nangatuuk maha'da-holomatak Manetualain nde nanuu daebafak-ka buin-na, de nafofo'a daebafak-ka nai lain.