IMAMAT 14:14 - Susula Malalaok Hehelu Palak Ma Hehelu Beuk

¹⁴ Imam-ma muse ho'in-na bi'ilopoana ndia daan faaanak, fo losen neu hataholi fo sanga nafa'dan nae ana lea-hai ndia, di'idoo konan-na, limaku'uina konan-na, ma eiku'uina konan-na.

IMAMAT 14:14 ပူးပေါင်းရင်းမြစ်များ

KELUARAN 29:20

Boema do'do bi'ilopo mane ndia, fo ho'i-ma daan faaanak fo losen neu Harun no anan-nala di'idoo konan-na, neu lima ku'uina konan ma ei ku'uina konan-nala. Daak fo bei elak ndia, muse pisin neu mei tunu-hotuk-ka boboan haas.

YESAYA 1:5

Tao le'e de, emi ka'da mase'i makandoo? Ade emi nau huku emi belak-ka seluk bai do? Emi langam-ma bisu-bisu mesan so, emi dalem-ma, ma emi dudu'a-aafim he'dis.

IMAMAT 14:19

Basa soona, imam-ma muse tunu-hotu tutunu-hohotuk fo sala-singok nanafe do'o ampon, fo ela hataholi manggenggeok ndia, lea-hai. Basa ndia soona, muse ana do'do bana soaneu tutunu-hohotu nanatunuk,

IMAMAT 14:25

Boema, imam-ma muse do'do bi'ilopoana ndia, fo ana lose daan faaanak neu hataholi fo sanga nafa'dan nae ana lea-hai ndia di'idoo konan-na, limaku'uina konan-na ma eiku'uina konan-na.

ROMA 12:1

Tolano-tolanoo ngala lemin! Manetualain malole na ba'u na seli neu ita. Hu ndia de au oke anseli fo ela leo bee na, emi fe emi so'da ma da'dileo tutunu-hohotu maso'da hehelik soaneu Manetualain fo nandaa no dale na. Emi huhule-haladoim neu Manetualai na, muse leondiak.

ROMA 6:13

Boso fe emi ao paa ma neu sala-singo ka fo ana paken, soaneu tao-no'i tatao-nono'i mangalau ka. Te fe emi so'da ma leo Manetualain neu, sama leo hataholi manalali neme mamate sa leo maso'da ka dalek neu. Fe la'iesak emi so'da ma leo Manetualain neu, fo Ana paken soaneu makalala'ok hihii-nanaun.

ROMA 6:19

Hu ka nde emi malela ma beita dai fa de, au pake dede'a ata ndia, fo ana da'di natutu'duk esa soaneu emi, fo sue kande emi malelak sosoa-ndandaan lai-lai. Makahulu na tatao-nono'i manggenggeok ma tatao-nono'i mangalau kala, ala tao emi da'di ata soaneu tao tatao-nono'i mangalau kala. Leondiak boe besak ia, ela leo been-na emi fe la'iesak emi so'da ma neu Manetualain fo da'di ata soaneu tunga hihii-nanaun.

1 KORINTUS 6:20

Manetualain asa na emi de Ana bae ketun so. Hu ndia de, pake matalolole emi ao paa ma fo ela Manetualain nanakoa-kiok.

2 KORINTUS 7:1

Tolanoo susue ngala lemin! Basa hala heheluk sila la ala fen neu ita. Hu ndia de ela leo bee na tao talalao aoina tala neme basa hata fo tao nanggenggeo ita ao paa samanen. Ela leo bee na ata fe ha'da-holomata neu Manetualain, ma sanga enok fo taso'da mateu-mandaak sama na leo Ndia.

ULANGAN 24:8

Metema, hapu he'di lou mangalauk, fo imam-mala paleta emi tao beek soona, taon no malolen-na; tunga natutu'duk fo, au fen neu imam sila-la.

FILIPI 1:20

Fo au ahiik ma au amahena ka nde, fo ela au ue-osang nini buna-boak. Dede'a nasafali na, au amahena fo ela tunga faik, lena-lenak besak ia, au apalani, nalosa no au ao paa samaneng nai lelek fo au aso'da do au mate boeo Kristus nanakoa-kiok.

1 PETRUS 2:5

Emi sama leo batu maso'dak. Hu ndia de, ela leo bee na emi nau nanapakek soaneu mafofo'a Manetualain Uma samane na. No enok ndia, emi da'di imam, fo emi maso'da hehelik soaneu Manetualain, ma tunga Yesus Kristus, de emi fe tutunu-hohotu samanek neu Manetualain, fo nandaa no Manetualain dale na.