IMAMAT 14:12 - Susula Malalaok Hehelu Palak Ma Hehelu Beuk

¹² Imam-ma muse ho'in-na bi'ilopo maneanak esa, ma mina setun ba'e teluk liter esa, soaneu tutunu-hohotuk bae hutak, fo tunu-hotun da'di leo tutunu-hohotu natutu'duk ba'eneu Manetualain.

IMAMAT 14:12 ပူးပေါင်းရင်းမြစ်များ

KELUARAN 29:22

Ho'i-ma bi'ilopo mane ndia minan-na, iko maminan-na, mina teidalen-na, aten-na, boade'en duas no minan-na, ma sakibolo konan-na.

KELUARAN 29:24

Pe'da basa nana'ak sila-la neu Harun no anan-nala liman dale, fo madenus latu'dun neu Au da'dileo tunu-hotu natutu'duk.

KELUARAN 29:26

Ho'i-ma bi'ilopo mane ndia sosolon-na fo tunu-hotun soaneu da'di tutunu-hohotu natutu'duk ba'eneu Au. Fo o baba'em-ma nde ndia.

YESAYA 53:10

Manetualain nde nahiik, nae ana doi-doso-a, ma ana fe aoinan-na neu, fo da'di leo tutunu-hohotuk fo, sala singok hapu do'o do ampon. Boema, neukose teun-na namanalu, fo nita tititi-nonosin, Neukose Manetualain hihii-nanaun nanatao natetuk, tunga ndia.

IMAMAT 14:10

Neu fai ka falun-na soona, hataholi ndia muse neni bi'ilopo maneanak dua, ma bi'ilopo tenaanak esa, teuk esa, ma basa-basas ta lu'u-la'ak fa. Fe'ek neme ndia mai boe, muse neni ha'desopu nanasese'dok mina setun kilo telu, ma mina setun ba'e teluk liter esa.

IMAMAT 14:11

Boema, imam-ma muse noon sama-sama no tutunu-hohotun sila-la leo Manetualain Lalaa Teman-na lelesun-na, bafan-na neu.

IMAMAT 14:19

Basa soona, imam-ma muse tunu-hotu tutunu-hohotuk fo sala-singok nanafe do'o ampon, fo ela hataholi manggenggeok ndia, lea-hai. Basa ndia soona, muse ana do'do bana soaneu tutunu-hohotu nanatunuk,

IMAMAT 5:15

Metema, hataholi esa ta name'da fa te ana tao sala-singok, nanahu nafandele henin, de ana ta fe tutunu-hohotun fo muse ana fen leo Manetualain neu fa, soona hataholi ndia, muse neni tutunu-hohotuk bae hutak. Tutunu-hohotuk ndia, muse bi'ilopo esa, do bi'ihii mane esa, ta lu'u-la'ak fa, ma puku belin-na, sama no belik fo nanapakek nai Manetualain Lalaa Teman-na.