IMAMAT 13:45 - Susula Malalaok Hehelu Palak Ma Hehelu Beuk

⁴⁵ Hataholi esa hapu he'di lou mangalauk soona, muse ana pake bua-lo'a saik, ma ana po'ilotak langadoon-na nanggangganu. Muse ana ko'oketu mata-panan, ma ana nggasi-nggasi mesan nae, “Manggenggeok! Manggenggeok!”

IMAMAT 13:45 ပူးပေါင်းရင်းမြစ်များ

KEJADIAN 37:29

Lelek Ruben fali leo oedolu ndia neu te, ta nita Yusuf nai ndia so'on boema, ana sii sii-lulu'i bua-lo'an nanahu dalen-na he'di sa.

2 SEMUEL 13:19

Boema, Tamar tao afu neu langan lain, ana siiba'e ba'du manalun-na, de ana la'o no ana ko'o ketu mata-panan nenik liman duas, ma ana kii noi-noi.

2RAJA-RAJA 7:3

Nai faik ndia, hataholi ha'di lou mangalauk 4 lai Samaria lelesuinan-na deak. Esa kokolak no esa nae, “Sosoak hata, ita bee-na mai ia, fo tahani mamates-sa do?

AYUB 1:20

Boema, Ayub fo'a napadeik, de ana sii-sii lulu'i bua papaken-na ma ana nggeu polik langan-na, da'di ta'du-tana dale-he'dik. Basa boema ana senek,

AYUB 42:6

Hu ndia de, au afandele basa au hala-kokolang lalaena soona, au mae, ma no nasasale dalek, au angatuuk nai dae sopuk ma afu dale.”

MAZMUR 51:3

Sue-lai au, ou Manetualain, nanahu O sue-lai mahele au, lose heni au sala-singong nanahu O susue-lalai matuainam-ma.

MAZMUR 51:5

Nana au manaku au salang-ngala, au afandendelek au sala-singong tataas esa.

YESAYA 52:11

Muu leona! La'oela kota Babel-la, hai emi fo, manaho'i meni Manetualain uman-na, lou-lan! Boso koila'e buas fo, manggenggeok: emi beita la'o fa te, tao malalao-malalafu emi aoinam-ma.

YESAYA 6:5

Boema, au kokolak ae, “Soe! Ketu au namahehenang-nga, nana au kokolak dede'a manggenggeok nanahu sala-singok-ka, ma au leo nai leoina-la boeo leondiak boe. Leomae leondiak boe, au ita matang Manek fo nde Manetualain Fo Manakoasa!”

YESAYA 64:6

Ami basa-basam-mala nde been-na, hataholi manggenggeok, nakalenak ami tatao-nono'i malolem-ma boeo, ta kandaak ma maggenggeok. Neukose mopok ami, nanahu ami tatao-nono'i mangalaum-ma, sama leo anin-na fuu neni akidook-ka.

YEREMIA 3:25

Da'di, nemen-na fo, ami lu'a-lepa bibii-mamaek, ma nemen-na fo, ami da'di matasi'da-matasaek. Nana, ami ma ami bei-ba'i kaim-mala, masala-masingo basa neu ami Amam Manetualain so, ma ami ta tunga mita paletan-na fa.”

YEREMIA 36:24

Leomae Elnatan, Delaya, ma Gemarya dokodoe no namahenak nanseli, fo ela manek-ka boso hotuheni susulak nanalunuk ndia, tehu ana ta nau namanene fas. Leomae manek-ka do basa mauli-malangan fo manamamanene susulak ndia isin-na boeo, ala ta bii do lasasale dale fa.

RATAPAN 4:15

Hataholi-la lafa'da lae, “La'o meme ia mai! Emi manggenggeok, de boso mafaloe ami!” Boema ala la'o, de laleu-lalaak leme leoina esa leo leoina esa leu, tehu ta hapu hataholi esa boen, fes loak fo leo lahele fa.

YESKIAL 24:17

Boso nalosa o kii masakeke'du fo, hataholi namanene. Pake o fefeo langam-ma, ma pake o ta'bu eim-ma, boso poti ketu o mata-panam, ma boso mu'a loti fafaluk-ka.”

YESKIAL 24:22

Boema neukose, emi tao sama leo au taon besak ia boe. Neukose emi ta poti ketu emi mata-panam, do mi'a loti fafaluk-ka fa.

YOEL 2:13

Siiba'e o dalem-ma, te boso siiba'e o bua papakem-ma.” Fali leo Manetualain fo o Manetualaim mai. Ana ta haelai namanasa, ma manasue-laik dale malole ma dale manakasian. Ana hii fe do'o do ampon, ma Ana ta nau huku-doki fa.

IMAMAT 10:6

Boema Musa nafa'da Harun no ana fe'en-nala, fo nde Eleazar ma Itamar nae, “Boso po'ilotak emi langa doom-ma nanggangganu, ma boso sisii-lulu'i emi bua papakem-ma, fo matu'du mae emi susa, ma emi falu. Metema emi tao leondiak soona, neukose mate emi, ma Manetualain namanasa la'iesak hataholi Israel-la. Tehu hataholi Israel fe'ek-kala, bole falu soaneu hataholi manamatek ka duak-kala, nanahu ha'i-a neme Manetualain mai.

IMAMAT 13:44

imam-ma muse nafa'da nae, hataholi ndia, manggenggeok, nanahu ana hapu he'di lou mangalauk nai langan-na.

IMAMAT 21:10

Imam Matuaina nde been-na, nanandoo ei basak, nenik po'a mina feta neu langan lain, ma nenik paken bua papake imam matuaina so. Hu ndia de, ana ta bole po'ilotak langadoon-na nggafu-nggafu, do ana sii-sii lulu'i bua papaken-na, fo da'di leo ta'du-tana manafaluk.

MIKHA 3:7

Hataholi-hataholi fo lafa'da memak fai manamaik-ka nenini na, neukose ala hapu mamaek, nanahu lafa'da memak-ka, ta la'e fan. Mopo basa-basas mata-panan, nanahu Manetualain ta nataa fas.

BILANGAN 5:2

“Fe hataholi Israel-la paleta nde ia nae: Basa hataholi fo ana hapu he'di lou mangalauk, do he'dis-sa nai mamaen-na, do hataholi manakoila'e mamates-sa, muse kalua henin neme hataholi Israel-la mamana ofun-na mai.

LUKAS 17:12

Lelek ana masok nala nggolok esa dalek boema, hataholi he'di lou mangalauk sanahulu ala mai. Lapadeik lai doo ka,

LUKAS 5:8

Lelek Simon nita ndia boema, ana sene-do'ok neu Yesus mata na boema nae, “La'oela au Lamatuak! Nana au hataholi masala-masingok!”