IMAMAT 13:2 - Susula Malalaok Hehelu Palak Ma Hehelu Beuk

² Metema, hataholi esa loun-na kasipopoto, do bisu, do loun-na kokoto fulak, fo ana bisa da'di he'di lou mangalauk soona, muse noo hataholi ndia leo imam fo Harun tititi-nonosin neu.

IMAMAT 13:2 ပူးပေါင်းရင်းမြစ်များ

2 SEMUEL 3:29

Nemen-na, fo huku Yoab no teidalen-nala, hu kande tatao-nono'in ndia. Sa'di leo been-na, nai Yoab teidalen-nala dalek, neme bobongik leo bobongik neu, hapu hataholi, ana hapu he'di lou mangalauk tataas esa, do touk be'i-balakai tak, do maten nai natee-natatik dale, do ala to'a-taa nana'a-nininuk.”

2RAJA-RAJA 5:1

Naaman nde been-na, Siria malanga solda'du manai lain-na, fo Mane Siria sue-lain, ma ana fe ha'da-holomata neun. Nana, Manetualain fe solda'du Siria-la sengi musun-nala, tunga Naaman. Naaman nde been-na, malanga solda'du manai lain esa, aon-na makadelek, tehu ana hapu he'di lou mangalauk.

2RAJA-RAJA 5:27

Hu kande, o sipo buas sila-la, de neukose, o sipo Naaman he'di-laun boe. Nakalenak, losa dodoon-na, o tititi-nonosim boeo, neukose ala hapu he'di-laus ndia!” Lelek Gehazi kalua neme uma dale mai boema, ana hapu he'dis-sa nai loun-na – de loun-na, fula mangale'dok.

YESAYA 1:6

Neme emi langam-ma, losa emi eim-ma, ta hapu so'da-la'dak fa. Emi aom-ma henuk no peta-paek, bisu piik ma bisu mesa-mesan. Emi bisum sila-la, beita nanasafe balisik do nanapopoti-papaluk, ma ta nanapuli-namo'dok nenik mina boen.

YESAYA 3:17

Tehu neukose Au hukus; neukose langan-nala henuk no kosulouk, ma langan-nala nananggeu dilak.”

IMAMAT 13:1

Manetualain fe Musa no Harun nakanenetek-kala nde ia nae:

IMAMAT 13:3

Imam-ma, muse palisak he'dis manai hataholi ndia loun-na. Metema, buluk manai mamanak ndia da'di fulak, ma he'dis-sa mamanan-na kiki'da leo dalek neu soona, hataholi ndia, hapu he'di lou mangalauk. Imam-ma muse naketu, nae hataholi ndia, manggenggeok.

IMAMAT 13:8

Imam-ma muse palisak seluk-kana, de metema, memak he'din-na sii dapa-dapa soona, muse nafa'da nae, hataholi ndia, manggenggeok; nana ana hapu he'di lou mangalauk.

IMAMAT 14:3

fo imam-ma noon leo mamana oofuk-ka deak neu. Metema, tunga imam-ma palisan-na nae, hataholi ndia lea-hai so, soona

IMAMAT 14:35

Ba'eneu see, fo ana hapu pulu po'ok nai uman dale soona, muse nafa'da dede'ak ndia neu imam-ma.

MALEAKHI 2:7

Memak basa imam mala bela-ba'un nde, soaneu lanoli hata ndoos-sa la'eneu Au, Manetualain fo Mademaina. Laun-na muse latane sila, Au hihii-nanaung leobeek, nanahu Au hataholi nadedenung-ngala nde sila.

BILANGAN 12:10

Lelek ko'as ndia, la'oela Manetualain Lalaa Teman-na boema, Miryam hapu he'di lou mangalauk; loun-na fulak, sama leo abas-sa. Lelek Harun lipa leo Miryam neu te, nita he'dis ndia la'e Miryam so,

BILANGAN 12:12

Boso po'ilotak-kana, da'di sama leo ni'iana fo bongin te, maten de hihii nae, naboo so.”

MATEOS 8:4

Boema Yesus nafa'dan nae, “Mafandendelek! Boso tui hataholi esa boen. Tehu besak ia mu leo ima ma mu fo moken nafa'da nae, tete'e ka o hai so. Basa ndia soona, fe tutunu-hohotuk tunga Musa paleta na, fo ana da'di buti esa soaneu hataholi la bubuluk lae, te'e-te'e o lea-hai so!”

MARKUS 1:44

“Mafandendelek fo boso tui hataholi esa boen, te ka'da mu leo ima ma mu fo moken ana palisak o, tete'e ka o lea-hai so. Boema soaneu o hahaim ndia de, o fe tutunu-hohotuk tunga hata fo Musa paleta ka, fo ana dadi neu buti soaneu hataholi la lae, o hai te'e-te'e so.”

LUKAS 17:14

Lelek Yesus mete nitas boema nae, “Meu leo ima mala, fo mokes ala palisak emi ao ma.” Ala bei bela'o te he'di nala lea-hai so.

LUKAS 5:14

Boema Yesus ka'i hataholi ndia fo ela ana boso tui dede'ak ndia neu su'di see a boen. Nafa'dan nae, “Mu leo ima ma mu leona, fo moken soaneu nafa'da tete'e ka, o lea-hai so. Boema mu fo fe tutunu-hohotuk sama leo Musa paleta ka, fo da'dileo buti neu hataholi la lae, o hai te'e-te'e so.”

ULANGAN 24:8

Metema, hapu he'di lou mangalauk, fo imam-mala paleta emi tao beek soona, taon no malolen-na; tunga natutu'duk fo, au fen neu imam sila-la.

ULANGAN 28:27

Neukose, Manetualain huku emi nenik bisunggumak, fo sama leo Ana taon neu hataholi Masir-ra. Emi aom-ma, neukose henuk no bisu-a, ma kosolouk fo emi aom-ma nakaa, tehu ta hapu mo'do-akidoon-na fa.