IMAMAT 12:7 - Susula Malalaok Hehelu Palak Ma Hehelu Beuk

⁷ Imam-ma muse fe inak ndia tutunu-hohotun leo Manetualain neu, ma ana tao feta soaneu lose heni inak ndia manggenggeon-na, nalosa inak ndia da'di balisi. Da'di, nai lelek inak esa, ana bongi basa soona, muse ana tao leondiak.

IMAMAT 12:7 ပူးပေါင်းရင်းမြစ်များ

AYUB 1:5

Metema basa feta esa soona, Ayub fo'a fafaianak tatas esa, fo ana tunu-hotu tutunu-hohotuk soaneu anan-nala esa-esak, fo ela Manetualain fes do'o do ampon. Nana Ayub dodoo nae, bole da'di anan sila-la tao basa sala-singok, ma ta lame'da fa te, lakamumulu-lakamamaek Manetualain so.

AYUB 14:4

Ade, hapu hataholi daebafak masala-masingok-ka, bisa neni hata fo, matetu-mandaak do?

IMAMAT 1:4

Boema, muse ana lalaa liman-na neu bana ndia langan lain, soona neukose Manetualain sipok tunu-hotun fo sala-singon hapu do'o do ampon.

IMAMAT 12:6

Basa faik fo tao nalalao-nalalafu aoinan-na, nau hu kande ana bongi anatouk do anainak boe, soona inak ndia muse neni tutunu-hohotuk leo imam-ma, nai Manetualain Lalaa Teman-na lelesun-na, bafan-na. Tutunu-hohotuk ndia nalupa leo bi'ilopoana esa, teun esa soaneu tutunu-hohotu nanatunuk, ma manupui kaluaana esa, do kateuana esa, soaneu tutunu-hohotuk fo sala-singok hapu do'o do ampon.

IMAMAT 12:8

Metema, inak ndia ta hapu sadia bi'ilopoana esa fa soona, muse neni manupui kaluaana dua, do manupui kateuana dua; fo esa soaneu tutunu-hohotu nanatunuk, ma esa seluk soaneu tutunu-hohotuk fo sala-singok hapu do'o do ampon. Imam-ma muse tao feta soaneu lose heni inak ndia manggenggeon-na, soona ana da'di balisi.

IMAMAT 15:15

Imam-ma muse tunu-hotu manupui esa, soaneu tutunu-hohotuk fo sala-singok hapu do'o do ampon, ma esa seluk soaneu tutunu-hohotu nanatunuk. No enok ndia, imam-ma tao hataholi ndia feta nalalao-nalalafun, nai Manetualain matan.

IMAMAT 4:20

Tataon-na sama leo tunu-hotu sapi mane soaneu tutunu-hohotuk fo sala-singok hapu do'o do ampon. Tataon-na leondiak, ba'eneu Imam Matuaina tunu-hotu tutunu-hohotuk soaneu salanik-ka sala-singon-nala, soona neukose, Manetualain fe do'o do ampon neu sala-singok sila-la.

IMAMAT 4:26

Basa soona, muse tunu la'iesak bana ndia minan-na nai mei tunu-hotuk lain, sama leo tutunu-hohotu mole-dame-a boe. Imam-ma tataon-na leondiak, soaneu ana fe tutunu-hohotuk ba'eneu hataholi manakoasa esa, soona neukose, Manetualain fe do'o do ampon neu hataholi ndia sala-singon.

IMAMAT 4:31

Muse, ana ho'in-na la'iesak bana ndia minan-na, sama leo tutunu-hohotu mole-dame-a boe. Imam-ma, muse tunu bana ndia minan-na nai mei tunu-hotuk lain, fo daenga boon-na nandaa no Manetualain dalen-na. Imam-ma tataon-na leondiak, soaneu ana fe tutunu-hohotuk ba'eneu hataholi lauingu esa sala-singon, soona neukose Manetualain fe do'o do ampon neu hataholi ndia.

IMAMAT 4:35

Basa soona, muse ana ho'i-na la'iesak bana ndia minan-na, sama leo tutunu-hohotu mole-dame-a boe. Muse tunu bana ndia minan-na nai mei tutunuk-hohotuk lain, sama-sama no tutunu-hohotu nana'ak fo nanatunu-hotuk neu Manetualain. Imam-ma tataon-na leondiak, soaneu ana fe tutunu-hohotuk ba'eneu hataholi ndia sala-singon, soona neukose, Manetualain fe do'o do ampon neu hataholi ndia.

ROMA 3:23

Basa hataholi la lasala-lasingo, de lalai la'oela Manetualain fo manafes maso'dak ndia so.

ROMA 3:26

Tehu besak ia, Ana ta tao mangana'uk neu sala-singo ka fo natu'du ndo matetu na. No enok ndia, natu'du ndo matetu na; ma hataholi fo namahele neu Yesu sa nananafa'dak da'dileo hataholi fo ana malole falik no Manetualain so.

1 KORINTUS 7:14

Nana tou kamahehele ta ka, nandaa soaneu ana da'di Manetualain hataholi kamahehele nala ei liman, nana ana sao na inak fo mana da'di Manetualain nuun so. Leondiak boe, saoina kamahehele ta ka, nandaa soaneu ana da'di Manetualain hataholi kamahehele nala ei liman, nana ana sao na touk fo mana da'di Manetualain nuun so. Metema ta leondiak fa soona, tao leo bee o, ana nala sama leo ni'iana dinitiu, te se'kona ni'iana sila la, landaa dadi Manetualain hataholi kamahehele nala ei liman boe.

GALATIA 3:28

Nai dede'ak ia dalek, hataholi Yahudi no hataholi ta Yahudi, ata no malanga na, ma tou ka no ina ka, sama so. Emi basa-basa mala da'di esa, hu ka nde Kristus Yesus.