IMAMAT 11:39 - Susula Malalaok Hehelu Palak Ma Hehelu Beuk

³⁹ Ba'eneu see, fo ana koila'e bana mates fo ta nalulik fa, soona nanggenggeo losa le'do tenak.

IMAMAT 11:39 ပူးပေါင်းရင်းမြစ်များ

YESKIAL 4:14

Tehu au ataa ae, “Awi, Manetualain Fo Mademaina! Neme au bei anang-nga mai, losa besak ia, au beita tao anggenggeo au aoinang-nga, nenik au u'a bana mates popolan-na, do bana fuik-kala la'a ela paa-la fa. Au beita u'a ita nana'ak fo, nanakena-ka'ik-ka.”

IMAMAT 11:24

Hataholi esa da'di hataholi manggenggeok losa le'do tenak, metema ana koila'e bana sila-la esa popolan-na: bana fo maeifangak, ta'da fe'e eifangan-na naba'e ma ana doa fo ana aale, ma bana fo ein 4, ma eifangan-na matane. Ba'eneu see, fo ana ho'i neni bana matak leondiak-ka popolan-na soona, muse ana safe bua papaken-na, tehu bei nanggenggeo losa le'do tenak.

IMAMAT 11:31

Ba'eneu see, fo ana koila'e bana sila-la do ana koila'e popolan-nala soona, hataholi ndia manggenggeok losa le'do tenak.

IMAMAT 11:38

Tehu metema, aide'ek ndia bei enen nai oe dale, boema bana mates ndia tu'da la'en, soona aide'ek ndia da'di nanggenggeo.

IMAMAT 11:40

Hataholi fo ana ho'i neni do na'a bana mates ndia paan-na soona, ana muse sefe bua papaken-na, tehu nanggenggeo nahele losa le'do tenak.

IMAMAT 14:46

Nai lelek, uma ndia bei nananggoek, boema su'di see, ana masok leo dalek neu soona, nangenggeo losa le'do tenak.

IMAMAT 15:15

Imam-ma muse tunu-hotu manupui esa, soaneu tutunu-hohotuk fo sala-singok hapu do'o do ampon, ma esa seluk soaneu tutunu-hohotu nanatunuk. No enok ndia, imam-ma tao hataholi ndia feta nalalao-nalalafun, nai Manetualain matan.

IMAMAT 15:5

Ba'eneu see, fo ana koila'e do nangatuuk neu hataholi manamoe nanak ndia mamana tutuun-na, do ana mu'di apen-na la'en soona, muse ana safe bua papaken-na ma nadiu oe, tehu ana da'di manggenggeok losa le'do tenak

IMAMAT 16:26

Hataholi fo neu po'i bi'ihiik-ka ba'eneu Azazel nai moo solokaek-ka, ana beita fali ma'in leo mamana ofuk-ka mai fa, te muse ana safe liman-na, ma nadiu oe.

IMAMAT 17:15

Ba'eneu hataholi Israel-la, do hataholi nusa dea, na'a bana manamate aok-ka paan-na, do maten, hu kande bana makaak-kala kaa lisan soona, muse ana safe bua papaken-na, boema nadiu oe, ma nahani losa le'do tenak, fo besak-ka ana da'di balisi.

IMAMAT 22:4

Harun tititi-nonosin esa hapu he'di lou mangalauk, do he'dis-sa nai mamaen-na de ana moe nanak soona, kena-ka'in fo boso na'a tunu-hotu malalao-malalafuk-ka, metema beita nananafa'dak, ana lea-hai fa. Imam esa, ana da'di nanggenggeo, metema ana koila'e hata esa manggenggeok, hu kande hata ndia la'e mamates-sa so. Ndia da'di nanggenggeo boe, metema bini-nggen ana kalua,

IMAMAT 22:6

No enok mata beek ndia boe, imam esa da'di nanggenggeo soona, manggenggeok nahele losa le'do tenak. Ma le'do tenak basa so, tehu metema ana beita nadiu oe fa soona, ana beita bole na'a nana'ak fo nanatunu-hotuk soaneu Manetualain fa.

IMAMAT 22:8

Imam ndia nanakena-ka'ik soaneu na'a bana manamate aok paan-na, do bana fo bana makaak-kala kaa lisan, paan-na. Metema na'an soona, nanggenggeo. Au nde Manetualain.

BILANGAN 19:11

Hataholi fo, aon-na la'e mamates-sa, nanggenggeo faik hitu dalen-na.

BILANGAN 19:16

Ba'eneu hataholi fo, aon-na la'e mamate nisalalak, do hataholi fo ana mate aon nai tina soona, nanggenggeo fai hitu dalen-na. Leondiak boe, ba'eneu hataholi fo, ana koila'e lates do hataholi manamatek duin-na.

BILANGAN 19:7

Basa soona, imam-ma muse safe bua papaken-na, ma nadiu oe. Basa ndia soona, ana masok leo lalaa oofuk dale neu, tehu bei nanggenggeo losa le'do tenak.