IMAMAT 10:2 - Susula Malalaok Hehelu Palak Ma Hehelu Beuk

² Boema Manetualain nakona ha'i-a mai, de ana hotu nisas nai Manetualain Lalaa Teman dale.

IMAMAT 10:2 ပူးပေါင်းရင်းမြစ်များ

2 SEMUEL 6:7

Nai hatematak ndia boe, Manetualain namanasa Uza, nanahu tatao-nono'in ndia, nalupa nakamumulu-nakamamaek esa neu Manetualain. Boema, Ana taonisa Uza neme mamanak ndia, deka no Peti Hehelu-balataak-ka.

1RAJA-RAJA 13:28

Ana nita nabi fo maneme Yehuda mai ndia popolan-na bei lee-lee nai enok lain no keledei na ma singa nai boboan-na. Singa ndia ta kaa keledei ndia fa, ma ta na'a popolak ndia boen.

1RAJA-RAJA 18:38

Boema Manetualain haitua ha'i a neme lalai mai, de ana hotu naputu tutunu-hohotuk ndia no ai ha'i na, batu nala ma daen-na boema anan-nahaa nama'da oe manai oelolok ndia dalek-ka.

2RAJA-RAJA 1:10

Boema, Elia nata nae, “Metema, memak au ia Manetualain atan soona, ela leo been-na, ha'i-a kona neme lalai mai, fo ana hotunisa, o moo basa o solda'du anam-mala!” No hatematak ndia boe, ha'i kona mai, de ana hotunisa malanga solda'du manai lain ndia, no solda'du anan ka 50-nala.

2RAJA-RAJA 1:12

Boema Elia nataa nae, “Metema, memak Manetualain atan au soona, ela leo been-na, ha'i-a kona neme lalai mai, fo ana hotunisa o moo basa o solda'du anam-mala!” No hatematak ndia boe, ha'i neme Manetualain mai, de ana hotunisa malanga solda'du manai lain ndia, no solda'du anan ka 50-nala.

1 TAWARIKH 13:10

Hatematak ndia boe, Manetualain namanasa Uza, nanahu tatao-nono'in ndia nalupa nakamumulu-nakamamaek esa neu Manetualain. Boema Ana taonisa Uza neme ndia. Boema mulai neme ndia mai, ala foi mamanak ndia na'de “Peres-Uza”. Dauk namanasa nanahu Manetualain taonisa Uza.

1 TAWARIKH 15:13

Lelek Peti ndia nanalaliheok makasososan-na, emi ta ndia fo so'un fan. Hu ndia de Amak, fo ita Manetualain na huku ita, nana ita ta sene-do'ok kana ta nandaa no hihii-nanaun fa.”

AYUB 1:16

Lelek ana bei kola-kola te, ata ka dua, ana mai de nafa'da nae, “Ta'tas-sa ho'i Tuan bi'ilopon-nala loo basa manafoo-la, de mate la'iesak-kasa. Ela ka'da atam-ma mesak-kana naso'da, de atam-ma mai nafa'da Tuan.”

MAZMUR 50:3

Ita Manetualain-na, Ana mai te Ana ta pe'dak lima-ein fa, Ha'i manapila masalolo'dek-ka, ana mai nakahuluk-kana, ma ani-sangu matuaina, okofefeo-nan.

KELUARAN 24:1

Basa boema, Manetualain nafa'da Musa nae, “Kae leo lain mai fo mataa Au, sama-sama moo Harun, Nadab ma Abihu, ma leoina mauli-malanagan ka hituhulun-nala, fo sene-do'ok neu Au, tehu boso deka Au.

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

IMAMAT 10:5

Boema ala mai, de ko'o-la duas popolan fo ndia te ala bei pake bua papakek sila-la, de lenin leo mamana ofu-a deak neu, sama leo Musa paletan-na.

IMAMAT 16:1

Mate basa Harun anan duas nai lelek ala tunu-hotu ha'i fo Manetualain nape'da dale nasak-kana fa, Manetualain kokolak no Musa

IMAMAT 9:24

No kaiboik, Manetualain nakona ha'i mai, de hotu heni tutunu-hohotu nanatunuk-kala, ma paa bibiak mamina manai mei tunu-hotuk lain-na. Lelek hataholi Israel-la litan boema, ala eeki-latadale ma ala sene-do'ok.

BILANGAN 16:35

Boema Manetualain fe ha'i mai, de na'a naputu la'iesak hataholi ka natun dua limahuluk fo, manatunu-hotu boomenik sila-la.

BILANGAN 16:49

Lelek ndia, hataholi manamatek-kala, hataholi 14.700, ta nanalekek no hataholi manamatek nai lelek Korah la'ban Musa paletan-na fa.

BILANGAN 26:61

Mate Nadab ma Abihu, ndek lelek ala tunu-hotu ha'i, fo Manetualain nape'da dale nasak-kana fa.

HATAHOLI 5:10

No hatematak ndia boe, Ananias saoinan ndia ana bala neu de maten nai Petrus mata na. Lelek touana muli solu kala ala leo dalek leu de ala mete te, maten so. Boema ala ndolo la popola na de leu latoin neu saotou na boboa na.

HATAHOLI 5:5

Leondiak Ananias namanene dede'ak ndia, tutika ana bala neu de maten. Basa hataholi mana lamanene dede'ak ndia, ala bii lanseli.

1 KORINTUS 10:11

Ala hapu basa manda'dik sila la, fo ela ana da'di natutu'duk esa soaneu hataholi fe'e kala. Ala sulak ela basa dede'ak sila la, fo ela ana da'di nasanene'dak esa soaneu ita, nana ita taso'da nai le'do fai mate'e ka nde ia so.

SEMUEL SUSULAK-KA ESAN-NA 6:19

Tehu, hu kande hataholi Bet-Semes sila-la titino leo Manetualain Peti Hehelu-balataan dalek neu, de Manetualain taonisa sila hataholin hituhulu. Boema laun-na falu, nana Manetualain fe soe matuina tuni nalas.