IMAMAT 10:19 - Susula Malalaok Hehelu Palak Ma Hehelu Beuk

¹⁹ Boema Harun nataa nae, “Memak faik ia, hataholi Israel-la fe basa tutunu-hohotuk fo sala-singok hapu do'o do ampon, ma tutunu-hohotu nanatunuk soaneu Manetualain so. Leomae leondiak boe, soe ia tuni la'e au. Sa'di leo been-na, faik ia, au u'a paa tutunu-hohotuk fo sala-singok hapu do'o do ampon ndia boe, soona, ade, neukose Manetualain ta namahoko fa do?”

IMAMAT 10:19 ပူးပေါင်းရင်းမြစ်များ

YESAYA 1:11

Manetualain nafa'da nae, “Emi maedaenga, Au ahiik basa tutunu-hohotuk fo emi tunu-hotu makandondoo henin fe Au sila-la do? Au malua emi tutunu-hohotu nanatunu bi'ilopom-ma, ma emi sapianam-mala minan-na. Au ta ahiik emi sapi manem, bi'ilopo ma bi'ihiim-mala daan-na fa.

YESAYA 1:15

Metema, emi so'uk emi limam-ma, fo emi hule-haladoi soona, Au ta nau taoafik neu fan. Au ta paluu emi huhule-haladoim dede'un-na de'ubee fa, ma Au ta nau amanene fan, nana emi manisa la'i ba'uk-ka nenik emi limam ndia so.

YEREMIA 14:12

Leomae ala oka aon-nala boeo, Au ta nau taoafik neu sila nalolou fo loke tutulu-fafalik fa; ma leomae ala fe Au tunu-hotu nanatunuk ma tunu-hotu gandum, boeo neukose Au ta amahoko neu hataholi sila-la fa. Nasafalin-na neukose Au tao amate-amopos nenik natee-natatik, la'a-ndoes ma he'di-laus.”

YEREMIA 6:20

Sosoak hata, sila leni fe Au boomenik neme Syeba mai, do bumbu-bumbu-la leme nusa dook mai? Au daleng-nga ta hii sipo sila tunu-hotun fa. Au ta hii sila tutunu-hohotu nanatunun-na fa.

HOSEA 9:4

Nai nusak sila-la, neukose emi ta hapu tunu-hotu angol, ma tutunu-hohotu bana-manu soaneu tao mamahoko Manetualain Manakoasa dalen-na. Neukose emi nana'am-ma, ana tao-na basa hataholi mana'ak-kala, da'di langgenggeo, sama leo na'a nana'ak manai feta natoi mamates-sa. Nana'ak ndia, sosoa-ndandaan nde ka'da, soaneu tao-na emi makabete. Neukose, emi ta meni faaanak boen, leo Manetualain Uman neu, fo tunu-hotun nai naa fa.

IMAMAT 10:20

Musa name'da-nana, natataak ndia dai so.

IMAMAT 9:12

Basa boema, Harun do'do bana, fo soaneu tutunu-hohotu nanatunuk-ka, ba'eneu ndia. Harun anan-nala leni fen bana ndia daan-na, de ana pisin neu mei tunu-hotuk-ka, boboan haas.

IMAMAT 9:8

Boema, Harun neu leo mei tunu-hotuk-ka neu, de ana ta'ti sapi mane fo sanga nanatunu-hotuk, soaneu ndia sala-singo mesan-na, hapu do'o do ampon.

MALEAKHI 1:10

Manetualain Fo Manakoasa, nafa'da nae, “Malole lenak, Au Umang-nga lelesun-na nanakenak, nana sosoa-ndandaan ta la'iesak-kana, emi mapila ha'i nai Au mei tunu-hotung lain. Au ta hii emi, ma Au ta nau sipok emi tutunu-hohotum fa.

MALEAKHI 1:13

Emi mafa'da mae, ‘Ita malua basa sila-la so’, ma emi heheta-aa'i Au. Emi meni banan-nakok, bana lu'u eik, do kamahe'dik, fo tunu-hotu fe Au. Emi maedaenga, Au nau sipo emi tutunu-hohotum sila-la do?

MALEAKHI 2:13

Ma emi tatao-nono'i fe'em-ma nde ia. Emi tao mahenu Manetualain mei tunu-hotun nenik luuoe; emi kii ma makaleleu, nanahu Manetualain ta nau sipok emi tutunu-hohotuk so'on.

ULANGAN 12:7

Nai mamanak ndia boe, fo nai emi Manetualaim-ma matan-na, emi sama-sama moo emi teidalem-mala, muse mi'a-minu no namahokok, soaneu emi sosota-mamangum buna-boan, nanahu emi Manetualaim-ma ba'e-pala basa sila-la so.

ULANGAN 26:14

Au ta u'a tunu-hotuk ndia faaanak boen, nai lelek au falu mamates, do nai lelek au anggenggeo de, au ta leo nai uma dale fa, do au temfei leo mamates neu. Au tunga Manetualain so; basa hata lala'en fo, O paletan neu au-a, au tao la'iesak-kasa so.

FILIPI 4:4

Ela leo bee na, emi mamahoko tataas esa, nana hu emi maso'da da'di esa mo Lamatua ka so. La'i esa seluk au afa'da: mamahoko leona!

IBRANI 7:27

Ana ta sama leo imam matua ina fe'e kala fa, fo tunga faik, muse ala fe tutunu-hohotuk nakahuluk nana sila sala-singo nala, fo besa ka soaneu hataholi kamahehele kala sala-singon. Tehu Yesus fe tutunu-hohotuk ka'da la'iesa mesa kana, soaneu losa dodoo na, nai lelek Ana tunu-hotu ao ina na mesa kana, da'dileo tutunu-hohotuk.

IBRANI 9:8

Hu no ito-ato leondia ka, de Manetualain Dula Dale na nafa'da no manga le'dok nae, metema uma lopo ndia uluk bei napadeik nahele nai ndia soona, enok leo Kama Malalao-Malalafu ka dalek neu a, ta nanasoik fa.