IMAMAT 10:15 - Susula Malalaok Hehelu Palak Ma Hehelu Beuk

¹⁵ Muse ho'i meni bana tutunu-hohotu hehelik-ka sakibolon-na, ma bana tutunu-hohotu natutu'duk-ka tenen-na, sama-sama no minan-na, soaneu tutunu-hohotu nanatunuk-ka, fo da'di leo tunu-hotu hehelik ba'eneu Manetualain. Paa bibiak sila-la, ala da'di o ma o anam-mala nuun, losa dodoon-na, sama leo Manetualain paletan-na.”

IMAMAT 10:15 ပူးပေါင်းရင်းမြစ်များ

KEJADIAN 13:15

Neukose Au fe basa dae, fo o mitak ndia neu o, ma neu o tititi-nonosim, fo ela ana da'di o pusakam losa dodoon-na.

KEJADIAN 17:13

Hataholi lala'en-na, muse nanasunat, fo neukose, ndia da'di ta'du-tana aopak, fo natu'du nae, Au hehelu-balataang no o ndia, manaketu-basa taak.

KEJADIAN 17:17

Boema, Abraham senek leona, tehu ana hika, nai lelek fo ana dodoo nae, “Hapu nai bee, touk esa, teun natun esa so, tehu ana bei bongi anak? Hapu nai bee, Sara bisa bongi nai teun siohulu dalek?”

KEJADIAN 17:8

Neukose, Au fe dae ia neu o, ma o tititi-nonosim, fo nde dae fo besak ia, o leon da'di leo hataholi manamai. Basa dae Kanaan-na lala'en-na, neukose da'di o upu-anam pusakan, losa dodoon-na, ma neukose, Au da'di sila Manetualain-na.”

KELUARAN 29:27

Nai feta ndo eik imam-mala dalek, muse tunu-hotu bi'ilopo mane fo paken nai feta ndia, sosolon-na, ma sakibolon-na da'dileo tutunu-hohotu natutu'duk ba'eneu Au, de pe'da fe'en soaneu basa imam-mala.

KELUARAN 29:28

Au nakeketung fo ta hapu nggati fan-na nde ia: Nai lelek Au anang-ngala mai fo ala tunu-hotu tutunu-hohotu mole-dame soona, bana ndia sosolon-na no sakibolon-na nde been-na, basa imam-mala baba'en-na nde ndia. Au anang-ngala tutunu-hohotun soaneu Au-a, nde ndia.

IMAMAT 2:3

Tutunu-hohotuk nana'a lenak-ka nde been-na, soaneu basa imam-mala. Tutunu-hohotuk ndia malalao-malalafuk nanseli, nanahu ho'in neme nana'ak fo tunu-hotu basan soaneu Manetualain so.

IMAMAT 3:17

Hataholi Israel-la, ta bole la'a minak do daak makandondook fa. Nakanenetek ndia, nanapakek losa dodoon-na, de hataholi Israel-la muse tungan, leomae ana leo su'di nai bee boe.

IMAMAT 7:34

Tenen-na ma sakibolo konan-na nde been-na, tutunu-hohotu hehelik, fo Manetualain ho'in neme leoina Israel-la tutunu-hohotu natutu'dun-na mai, de Ana fen neu basa imam-mala. Fo ndia nde leoina Israel-la tutulu-fafalin ba'eneu basa imam-mala, losa dodoon-na.

BILANGAN 5:9

Neme su'di beek fo hataholi Israel-la tunu-hotu fen neu Manetualain-na, tunu-hotu hehelin-na, da'di imam manasipo tunu-hotuk ndia, nuun.