IMAMAT 10:14 - Susula Malalaok Hehelu Palak Ma Hehelu Beuk

¹⁴ Tehu o ma o anatou-anainam-mala, bole mi'a bana tutunu-hohotu natutu'duk-ka tenen-na, ma bana tutunu-hohotu hehelik-ka sakibolon-na. Basa sila-la nde da'di imam-mala baba'en-na neme leoina Israel-la tutunu-hohotu mole-damen-na mai. Emi bole mi'an su'di nai mamanak bee boe, sa'di ta manggenggeok fa.

IMAMAT 10:14 ပူးပေါင်းရင်းမြစ်များ

KELUARAN 29:33

Sila muse la'a nana'ak fo nanatunu-hotuk nai feta sala-singok hapu do'o do ampon nai fai ndo eik-ka. Ka'da imam-mala nde bole la'a nana'ak fo nanafe hehelik soaneu Au ndia.

YESKIAL 42:13

Touk ndia, nafa'da au nae, “Uma ka duak sila-la, uma malalao-malalafuk. Imam-mala bole lasasalematak loo Manetualain nai ndia, fo la'a tutunu-hohotu malalao-malalafuk-kala, fonde tutunu-hohotu gandum, tutunu-hohotuk fo, sala-singok hapu do'o do ampon, do tutunu-hohotu bae hutak.

IMAMAT 10:13

Emi muse mi'a loti ndia nai mamana malalao-malalafuk, nana neme nana'ak fo nanatunu-hotuk soaneu Manetualain-na, o moo o anatoum-mala baba'em-ma nde loti ndia. Manetualain fe au paleta leo ndiak.

IMAMAT 22:13

Tehu imam-ma anafe'on-na inafalu so, do ela henin so te anan ta, boema ana fali ne'un leo aman uman neu, de aman mete-nakanaen soona, bole na'a aman nana'a baba'en-na. Ka'da imam-ma teidale-bobongin mesak-kasa nde bole la'a tunu-hotuk ndia.

IMAMAT 9:21

Ana tunu-hotu bana sila-la tenen-na, ma sakibolo konan-na, fo da'di leo tutunu-hohotu natutu'duk ba'eneu Manetualain. Basa imam-mala baba'en-na nde ndia, sama leo Musa paletan-na.

BILANGAN 18:11

Basa tunu-hotu fe'ek lala'en, fo hataholi Israel-la fen neu Au-a, o nuum boe. Au fen neu o, boema neu o anatou-anainam. Nakanenetek ndia, paken losa dodoon-na. Ba'eneu o teidalem fo, ta manggenggeok fa soona, ana bole na'an.

BILANGAN 5:9

Neme su'di beek fo hataholi Israel-la tunu-hotu fen neu Manetualain-na, tunu-hotu hehelin-na, da'di imam manasipo tunu-hotuk ndia, nuun.

YOHANIS 4:34

Tehu Yesus nafa'das nae, “Au nana'a-nininung nde Au tunga Hataholi mana madenu Au a, hihii-nanaun, boema Au tao akababasak ue-le'dis fo Ana fen neu Au a.