IMAMAT 10:12 - Susula Malalaok Hehelu Palak Ma Hehelu Beuk

¹² Musa nafa'da Harun ma anan duas, fo Eleazar ma Itamar nae, “Ho'i-ma gandum lenak-ka, neme nana'ak fo nanatunu-hotuk soaneu Manetualain. Tao loti, fo ta pake laluteik, neme ha'desopuk ndia mai, fo mi'an nai mei tunu-hotuk-ka boboan-na, nanahu, tutunu-hohotuk ndia malalao-malalafuk nanseli.

IMAMAT 10:12 ပူးပေါင်းရင်းမြစ်များ

2TAWARIKH 31:14

Kore fo Yimna anan-na da'di manamanea-la malangan nai Manetualain Uman-na Lelesuinan Dulu, ana hapu bela-ba'uk soaneu sipo boa-boa fo nanafek neu Manetualain-na, boema ana baba'e boa-boa sila-la.

EZRA 7:5

Abisua, Pinehas, Eleazar, Imam Matuaina Harum-ma.

KELUARAN 29:2

Ho'i ha'desopu neulauk fo kamen, tehu boso kamen no laluteik. Ho'i-ma ha'desopuk nanakamek ndia seli, fo tao loti nenik mina setun, ma seli boso pake mina, ma ha'desopu ela-ka, taon neu kokis fo lose mina neu.

KELUARAN 29:33

Sila muse la'a nana'ak fo nanatunu-hotuk nai feta sala-singok hapu do'o do ampon nai fai ndo eik-ka. Ka'da imam-mala nde bole la'a nana'ak fo nanafe hehelik soaneu Au ndia.

KELUARAN 6:23

Korah anatoun telu, fo nde: Asir, Elkana ma Abiasaf. Fo leo-ingu Korah bei-ba'i kain nde hataholi sila.

YESKIAL 44:29

Sila muse laso'da leme tutunu-hohotu gandum, tutunu-hohotuk fo, sala-singok hapu do'o do ampon, ma tutunu-hohotu bae huta-bu'uk-ka mai; basa hata lala'en fo, nanafe hehelik neu Au, muse fes leo sila neu.

IMAMAT 10:13

Emi muse mi'a loti ndia nai mamana malalao-malalafuk, nana neme nana'ak fo nanatunu-hotuk soaneu Manetualain-na, o moo o anatoum-mala baba'em-ma nde loti ndia. Manetualain fe au paleta leo ndiak.

IMAMAT 21:22

Tehu, ana bole na'a nana'ak nanatunu-hotuk, nau tutunu-hohotu nana'ak malalao-malalafuk, do tutunu-hohotu nana'ak fo malalao-malalafuk nanseli boe.

IMAMAT 24:9

Loti ndia nde been-na, soaneu Harun no tititi-nonosin. Ala muse la'an nai mamanak malalao-malalafuk, nanahu loti ndia nalupa loti malalao-malalafuk nanseli, neme tutunu-hohotu nana'ak fo nanatunu-hotuk neu Manetualain, fo soaneu imam-mala.

IMAMAT 7:9

Tutunu-hohotu nanatunuk fo tunun nai mamana tutunuk dale, do nasun nai uledae dale, do nanadalak-ka, imam manatunu-hotuk-ka baba'en ndia.

BILANGAN 3:2

Harun anatoun haa, de uluk na'de Nadab, basa boema Abihu, Eleazar ma Itamar.