IMAMAT 1:9 - Susula Malalaok Hehelu Palak Ma Hehelu Beuk

⁹ Boema, hataholi ndia muse safe sapi ndia tei-aten, ma sakibolon-na, fo imam malalau-maoono-la, muse tunu la'iesak-kana. Tutunu-hohotuk ndia boon-na, nandaa no Manetualain dalen-na.

IMAMAT 1:9 ပူးပေါင်းရင်းမြစ်များ

KEJADIAN 8:21

Tutunu-hohotuk ndia, boomenin-na tao namahoko Manetualain dalen-na, boema Ana dodoo nai dalen dalen-nae, “Neukose Au ta soo-supa seluk daebafak ia so'on, hu kande hataholi daebafak-ka tatao-nono'in; Au bubuluk, hataholi daebafak-ka dudu'a-aafin ndia, mangalauk neme bei muli-solun-na mai. Neukose, Au ta tao amopo-amate basa mahahae maso'dak, fo bei kaso'dak-kala so'on, sama leo besak-ka Au taok ia.

1 TAWARIKH 6:34

Elkana, Yeroham, Eliel, Toah,

2TAWARIKH 4:6

Manek Salomo boeo taon-na bokol matuaina sanahulu, fo ana tao lima neu Manetualain Uman-na boboan konan-na, ma lima neu boboan kiin-na. Bokol sila-la sosoan-na soaneu safe paa bibiak fo sanga tunun da'dileo utunu-hohotuk. Oe manai mamana natanoe liti matuaina ndia nanasadiak ba'eneu imam-imam-mala soaneu ala safe ei-liman.

MAZMUR 51:6

Soaneu O, ka'da soaneu O mesam-ma, au asala-asingo, ma au tao hata fo O mafa'da mae mangalauk. Hu ndia de, nandaa O huku au, O naketu-nala'dim, ndoos ma matetuk.

MAZMUR 66:15

Au tunu-hotu fe O, tutunu-hohotu nanatunuk, neme bana nanahelek-ka mai, bi'hiik bi'ilopo ma sapi mane fo ha'i masun-na, masu-masu leo lalai neu.

KELUARAN 12:9

Muse dala la'iesak bi'ilopoana ndia no langan-na, ein-nala ma tei-aten. La'a paa nanadala basak ndia, boso la'a matak do nasu paa ndia nggelok.

KELUARAN 29:18

Tunu-hotu bi'ilopo mane ndia paan-na lala'en-na neu mei tunu-hotuk lain, soaneu da'di tutunu-hohotu nanatunuk. Tutunu-hohotuk ndia boon-na nandaa no Au daleng-nga.

KELUARAN 29:25

Boema ho'i-ma loti ndia neme sila liman dale mai, fo tunun nai mei tunu-hotuk lain, fo nai tutunu-hohotu nanatunuk ndia lain. Tutunu-hohotuk ndia boon-na nandaa no An daleng-nga.

YEREMIA 4:14

Yerusalem, tu'u-tapa heni dudu'a-aafi mangalauk-ka, neme o dalem dale mai, fo ela o hapu maso'da. O sanga pe'da dudu'a-aafi mangalauk sila-la nai o dalem dale, losa faihi'da?

YESKIAL 20:28

Au os leo nusak fo, Au helu basa, Au fen leo sila neu so. Lelek fo, ala lita pupuku mademaina-ma, ma ai matuaina-la, doon-nala leloaka, boema leu tunu-hotu tutunu-hohotu nai mamanak sila-la. Ala tao-la Au amanasa, nanahu sila tutunu-hohotu nanatunun-nala, ma tutunu-hohotu angon-nala.

YESKIAL 20:41

Metema, Au o basa emi kalua neme nusa-nusak fo, nai bee emi nanatao tapasasalak-ka soona, neukose Au tao akabubua emi, ma Au sipo la'iesak emi tutunu-hohotu nanatunum lala'en-na. Soona besak-ka, basa leoina-kala bubuluk, lae Au ia, Manetualain Fo Malalao-malalafuk nanseli.

YESKIAL 40:38

Nai uma so'dan deak, hapu kama nanatamak esa, nai lelesuina dalek-ka, boboan kii. Nai kama nanatamak ndia, hapu lelesu esa leo kama matuaina neu. Basa bana soaneu tutunu-hohotu nanatunuk-ka, nanasafek lai ndia.

IMAMAT 1:13

Boema hataholi ndia muse safe bana ndia tei-aten ma sakibolon-na. Basa soona, imam-ma muse tunu-hotu la'iesak paa ndia nai mei tunu-hotuk lain soaneu Manetualain. Tutunu-hohotuk ndia boon-na, nandaa no Manetualain dalen-na.

IMAMAT 1:17

Basa soona, muse siin neu manupui ndia li'da huun-na, tehu ta bole ketu heni li'dan-na fa. Soona, muse tunu manupui ndia, nai mei tunu-hotuk lain. Tutunu-hohotuk nanatunuk ndia boon-na, nandaa no Manetualain dalen-na.

IMAMAT 2:16

Imam-ma muse tunu gandum ma mina ndia seli ma boomenin-na lala'en-na, fo da'di leo ta'du-tana, nae basa-basan lala'en-na, nanatunu-hotu basak soaneu Manetualain so.

IMAMAT 2:2

Muse nenin leo imam-imam fo Harun tititi-nonosin-nala neu. Imam malalau-maoonok-ka muse ho'in-na ha'desopuk ndia nafanggetek esa, no mina setun-na, ma boomenin-na lala'en-na, fo tunun nai mei tunu-hotuk lain, fo da'di leo ta'du-tana, nae basa-basan lala'en-na, nanatunu-hotuk basak soaneu Manetualain so. Tutunu-hohotu nana'ak ndia boon-na, nandaa no Manetualain dalen-na.

IMAMAT 2:9

Imam-ma ho'in-na nana'ak ndia seli, fo ana tunun nai mei tunu-hotuk lain, da'di leo ta'du-tana, nae basa-basan lala'en-na nanatunu-hotuk basak soaneu Manetualain so. Boon-na nandaa no Manetualain dalen-na.

IMAMAT 3:11

Imam malalau-maoonok-ka, muse tunu la'iesak paa sila-la nai mei tunu-hotuk lain, soaneu tutunu-hohotuk nana'ak neu Manetualain.

IMAMAT 3:5

Muse tunu basa sila-la, sama-sama no tutunu-hohotuk fe'ek-kala, nai mei tunu-hotuk lain. Tutunu-hohotuk nana'ak ndia boon-na, nandaa no Manetualain dalen-na.

IMAMAT 4:31

Muse, ana ho'in-na la'iesak bana ndia minan-na, sama leo tutunu-hohotu mole-dame-a boe. Imam-ma, muse tunu bana ndia minan-na nai mei tunu-hotuk lain, fo daenga boon-na nandaa no Manetualain dalen-na. Imam-ma tataon-na leondiak, soaneu ana fe tutunu-hohotuk ba'eneu hataholi lauingu esa sala-singon, soona neukose Manetualain fe do'o do ampon neu hataholi ndia.

IMAMAT 6:14

Nakanenetek la'eneu tutunu-hohotu nana'ak ba'eneu Manetualain nde ia. Harun tititi-nonosin esa, muse neni tutunu-hohotuk ndia leo mei tunu-hotuk-ka matan-na neu.

IMAMAT 8:28

Basa ndia boema, Musa ho'i-na nana'ak sila-la neme Harun no anan-nala liman-na mai, de ana tunus nai mei tunu-hotuk lain, sama-sama no tutunu-hohotu nanatunuk soaneu tutunu-hohotu ndo ei imam-ma. Tutunu-hohotu nana'ak ndia, boon-na nandaa no Manetualain dalen-na.

IMAMAT 9:14

Basa boema, ana safe bana ndia tei-aten ma sakibolon-na, de ana tunun no tutunu-hohotu nanatunuk-ka, nai mei tunu-hotuk lain.

ZAKHARIA 13:7

Manetualain Fo Manakoasa, nafa'da nae, “Fo'a leon, hai tafaina, fo sapu-ma manafoo fo naue-nale'di fe Au! Taomisan leona, soona neukose bi'ilopo-la tapasasala. Neukose Au sapu-a Au anang-ngala,

BILANGAN 15:3

Soaneu tutunu-hohotu nanatunuk, do tutunu-hohotuk fo bae nasar, do tutunu-hohotuk no dale hihii-nanau mesan-na, do tutunu-hohotuk nai feta-feta biasa soona, emi bole tunu-hotu fe Manetualain: sapi mane, bi'ilopo mane, bi'ilopo do bi'ihiik. Tutunu-hohotuk sila boon-na, neukose nandaa no Manetualain dalen-na.

BILANGAN 28:11

Nai basa bulak lala'en-na, fain esa soona, tunu-hotu fe Manetualain, tutunu-hohotu nanatunuk, nalupa leo sapi maneanak dua, bi'ilopo mane esa, bi'ilopo maneanak hitu, besak-ka teuk beke esak, fo ta lu'u la'ak fa.

BILANGAN 28:7

Muse tunu-hotu bi'ilopoana ndia, sama-sama no angol litel esa boe, fo pisin leo mei tunu-hotuk lain neu.

BILANGAN 28:8

Bi'ilopoana, fo soaneu tunu-hotu le'donosok-ka, muse tunu-hotun sama leo tunu-hotu fafaik-ka, sama-sama no angol. Tutunu-hohotuk ndia boon-na, nandaa no Manetualain dalen-na.

2 KORINTUS 2:15

Nana ami nde bee na, sama leo kaboomini ka boo na, fo naboomini fo Kristus nde tunu-hotun soaneu Manetualai na. Ba'eneu hataholi fo nasasale matak no momopo-mamate sa, ami ia sama leo mamate ka'boo ka, fo boo na nanisa. Tehu ba'eneu hataholi fo bei hapu nanasoi-tefak, soona ami sama leo kaboominik fo boo mini na ninis leo maso'da ka neu. Naa, see ka nde tao natetu bela ba'uk ia?

EFESUS 5:2

Ela leo bee na, susu'e ka koasa emi so'da ma, sama leo Kristus boeo, Ana sue-lai emi. Ana fe heni ao ina na soaneu ita, da'dileo tutunu-hohotu kaboominik esa fo ana tao namahoko Manetualain dale na.

ULANGAN 12:27

Tutunu-hohotu nanatunuk ma tutunu-hohotuk fo, emi mi'a paan-na, muse nanatunu-hotuk nai emi Manetualaim-ma mei tunu-hotun lain, tehu po'aheni daan-na, leo mei tunu-hotuk ndia lain neu.

FILIPI 4:18

Au sipoalas te see ko na dai ma lena! Emi haitua fe au basa tutulu fafali kala, au sipo alas neme Epafroditus mai so. Besak ia, au hapu basa hata fo au paluu ka so. Emi fe feem sila la, sama leo tutunu-hohotu kaboo minik esa, fo ala fen leo Manetualai na neu de, Manetualain sipo nan no namahokok.