IMAMAT 1:4 - Susula Malalaok Hehelu Palak Ma Hehelu Beuk

⁴ Boema, muse ana lalaa liman-na neu bana ndia langan lain, soona neukose Manetualain sipok tunu-hotun fo sala-singon hapu do'o do ampon.

IMAMAT 1:4 ပူးပေါင်းရင်းမြစ်များ

KELUARAN 28:38

Harun muse pa'a bunga lilopilas isik ndia neu dedein-na, fo ela Au, Manetualain, nau sipo basa tutunu-hohotuk fo hataholi Israel-la leni fen neu Au, leomae nai leni tutunu-hohotuk sila-la dalek, ala tao basa salak so.

KELUARAN 29:10

Basa soona, o muse hela meni sapi mane ndia leo Au Lalaa Temang-nga matan-na neu. Harun no anan-nala muse lalaa liman-nala neu bana ndia langan lain.

KELUARAN 29:15

Basa soona, ho'i-ma bi'ilopo manek-ka duak sila-la. Fo Harun no anan-nala muse lalaa liman-nala neu bana sila-langan lain.

KELUARAN 29:19

Ho'i-ma bi'ilopo mane esa, fo nde bi'ilopo mane soaneu feta ndo eik-ka. Madenu Harun no anan-nala lalaa sila liman-nala neu bana ndia langan lain.

KELUARAN 29:33

Sila muse la'a nana'ak fo nanatunu-hotuk nai feta sala-singok hapu do'o do ampon nai fai ndo eik-ka. Ka'da imam-mala nde bole la'a nana'ak fo nanafe hehelik soaneu Au ndia.

YESAYA 56:7

“Neukose Au o emi leo Sion, leo Au pupukung fo, malalao-malalafuk-ka neu, ma Au fe namahoko-seteleek, nai Au uma mamasong-nga Tutunu-hohotuk fo, emi tunu-hotun nai Au mei tunu-hotung lain-na, neukose Au sipok-kana. Neukose loke Au Umang-nga soona lae, uma huhule-haladoik soaneu leoina lala'en-na.”

DANIAL 9:24

Teuk hituhulu la'i hitu ndia nde faik fo Manetualain naketun soaneu Ana soi-po'i o leoinam-ma, ma o kotam fo malalao-malalafuk ndia neme sala-singok ma tatao-nono'i mangalauk-ka mai. Basa sala-singok lala'en-na, neukose hapu do'o do ampon ma napadedeik natetu ndoos ma matetuk fo manaketu basa taak-ka, nalosa ninitak ma hala nafa'da elak ndia, neukose ala da'di, ma Manetualain Uman fo malalao-malalafuk ndia, neukose pake falik-kana soaneu Manetualain.

IMAMAT 16:21

Muse ana lalaa liman duas neu bi'ihiik ndia langan lain, no ana manaku la'iesak leoina Israel-la salan-na, sala-singon ma lala'olenan-nala. No enok ndia, basa leoina Israel-la salan-nala, nanalali henik leo bi'ihiik ndia langan lain neu. Boema, muse nadenu hataholi esa, fo ana usi heni bi'ihiik ndia leo moo solokaek-ka neu.

IMAMAT 16:24

Boema, muse nadiu oe nai mamanak esa nanahele hehelik, fo ana pake ndia papaken-na. Basa ndia soona, muse ana kalua, fo ana tunu-hotu tutunu-hohotuk soaneu ndia mesak-kana sala-singon, ma leoina Israel-la sala-singon hapu do'o do ampon

IMAMAT 22:21

Metema hataholi esa tunu-hotu fe Manetualain tutunu-hohotuk mole-dame, fo ana bae nasar do ana fe tutunu-hohotuk no dale hihii-nanau mesan-na soona, bana ndia ta bole lu'u-la'ak fa, fo ela bana ndia bisa nanasipok.

IMAMAT 3:13

Nai ndia, muse ana lalaa liman-na neu bi'ihiik ndia langan lain, boema ana do'don nai Lalaa Temak-ka matan-na. Imam-ma muse pisi bana ndia daan-na neu mei tunu-hotuk-ka boboan haas.

IMAMAT 3:2

Hataholi manatunu-hotuk-ka, muse lalaa liman-na neu bana ndia langan lain, boema ana ta'tin nai Manetualain Lalaa Teman-na, lelesun-na matan-na. Imam-imam fo Harun tititi-nonosin-nala, muse pisi bana ndia daan-na neu mei tunu-hotuk-ka boboan haas.

IMAMAT 3:8

Nai ndia, ana muse lalaa liman-na neu bi'ilopo ndia langan lain, boema ana do'don nai Lalaa Temak-ka matan-na. Boema, imam-ma muse pisi bi'ilopo ndia daan-na, neu mei tunu-hotuk-ka boboan haas.

IMAMAT 4:15

Basa mauli-malangan leoina, muse lalaa sila liman-nala neu bana ndia langan lain, boema ala ta'tin nai mamanak ndia.

IMAMAT 4:20

Tataon-na sama leo tunu-hotu sapi mane soaneu tutunu-hohotuk fo sala-singok hapu do'o do ampon. Tataon-na leondiak, ba'eneu Imam Matuaina tunu-hotu tutunu-hohotuk soaneu salanik-ka sala-singon-nala, soona neukose, Manetualain fe do'o do ampon neu sala-singok sila-la.

IMAMAT 4:24

Muse, ana lalaa liman-na neu bana ndia langan lain, boema ana do'don nai mei tunu-hotuk-ka boboan kii, fo nai mamana do'do bana, soaneu tutunu-hohotu nanatunuk.

IMAMAT 4:26

Basa soona, muse tunu la'iesak bana ndia minan-na nai mei tunu-hotuk lain, sama leo tutunu-hohotu mole-dame-a boe. Imam-ma tataon-na leondiak, soaneu ana fe tutunu-hohotuk ba'eneu hataholi manakoasa esa, soona neukose, Manetualain fe do'o do ampon neu hataholi ndia sala-singon.

IMAMAT 4:29

Muse, ana lalaa liman-na neu bana ndia langan lain, boema ana do'don nai mei tunu-hotuk-ka boboan kii, fo nai mamana do'do bana, soaneu tutunu-hohotu nanatunuk-ka.

IMAMAT 4:31

Muse, ana ho'in-na la'iesak bana ndia minan-na, sama leo tutunu-hohotu mole-dame-a boe. Imam-ma, muse tunu bana ndia minan-na nai mei tunu-hotuk lain, fo daenga boon-na nandaa no Manetualain dalen-na. Imam-ma tataon-na leondiak, soaneu ana fe tutunu-hohotuk ba'eneu hataholi lauingu esa sala-singon, soona neukose Manetualain fe do'o do ampon neu hataholi ndia.

IMAMAT 4:33

Muse, ana lalaa liman-na neu bana ndia langan lain, boema ana do'don nai mei tunu-hotuk-ka boboan kii, fo mamana do'do bana soaneu tutunu-hohotu nanatunuk-ka.

IMAMAT 4:35

Basa soona, muse ana ho'i-na la'iesak bana ndia minan-na, sama leo tutunu-hohotu mole-dame-a boe. Muse tunu bana ndia minan-na nai mei tutunuk-hohotuk lain, sama-sama no tutunu-hohotu nana'ak fo nanatunu-hotuk neu Manetualain. Imam-ma tataon-na leondiak, soaneu ana fe tutunu-hohotuk ba'eneu hataholi ndia sala-singon, soona neukose, Manetualain fe do'o do ampon neu hataholi ndia.

IMAMAT 4:4

Muse neni sapi ndia leo Manetualain Lalaa Teman-na, lelesun-na neu. Imam Matuaina ndia, muse ana lalaa liman-na neu bana ndia langan lain, boema ana ta'tin nai Lalaa Temak-ka matan-na.

IMAMAT 5:6

Ma soaneu sala-singon nanasoi-tefak, muse neni bi'ilopo esa, do bi'ihiiina esa, soaneu Manetualain. Imam-ma muse tunu-hotu tutunu-hohotuk ndia, fo ela hataholi ndia sala-singon, hapu do'o do ampon.

IMAMAT 6:7

Imam-ma tunu-hotun soaneu hataholi ndia, soona neukose, Manetualain fe do'o do ampon neu hataholi ndia.

IMAMAT 8:14

Basa ndia boema, Musa hela-na sapi maneanak esa, soaneu tutunu-hohotu sala-singok hapu ampon. Harun no anan-nala, lalaa liman-nala neu bana ndia langan lain.

IMAMAT 8:18

Basa boema, Musa hela-na bi'ilopo mane fo soaneu tutunu-hohotu nanatunuk-ka, de Harun no anan-nala lalaa liman-nala neu bi'ilopo ndia langan lain.

IMAMAT 8:22

Boema, Musa hela-na bi'ilopo mane esak-ka seluk, fo soaneu tutunu-hohotuk ndo ei imam-ma. Harun no anan-nala lalaa liman-nala neu bi'ilopo ndia langan lain,

IMAMAT 9:7

Basa ndia boema, nafa'da Harun nae, “Muu leo mei tunu-hotuk-ka muu, fo sadia tutunu-hohotuk sala-singok hapu do'o do ampon, ma tutunu-hohotuk nanatunuk-ka, fo ela Manetualain fe do'o do ampon neu o sala-singom ma salanik-ka sala-singon. Taon sama leo hata fo Manetualain paletan.”

BILANGAN 15:25

Boema imam-ma muse tao feta sala-singok hapu do'o do ampon soaneu hataholi Israel-la. Soona neukose, ala hapu do'o do ampon, hu kande ta lame'da fa te, ala tao salak so, ma hu kande leni basa tutunu-hohotu sala-singok hapu do'o do ampon, boema tutunu-hohotu nanatunuk neu Manetualain so.

BILANGAN 15:28

Imam-ma muse tao feta sala-singok hapu do'o do ampon, nai Manetualain, matan, fo ela hataholi ndia sala-singon, hapu do'o do ampon.

BILANGAN 25:13

Au aketu, Pinehas no tititi-nonosin da'di leo imam losa dodoon-na, hu kande no napalanik, nasala'e basa Au, fo ndia Manetualain-na, ma ana tao basa mole-dame ba'eneu hataholi Israel-la sala-singon so.”

BILANGAN 8:10

Hataholi Israel-la muse lalaa sila liman-na neu hataholi Lewi-la langan lain,

BILANGAN 8:12

Boema hataholi Lewi-la, muse lalaa sila liman-na neu sapi mane ka duak sila-la langan lain; muse tunu-hotu esa soaneu tutunu-hohotuk fo sala-singok hapu do'o do ampon, ma esak-ka, soaneu tutunu-hohotu nanatunuk. No feta ndia, de hataholi Lewi-la nanatao nalalao-nalalafuk.

ROMA 12:1

Tolano-tolanoo ngala lemin! Manetualain malole na ba'u na seli neu ita. Hu ndia de au oke anseli fo ela leo bee na, emi fe emi so'da ma da'dileo tutunu-hohotu maso'da hehelik soaneu Manetualain fo nandaa no dale na. Emi huhule-haladoim neu Manetualai na, muse leondiak.

ROMA 3:25

Manetualain feheni Kristus Yesus, fo ela no mamaten ndia, hataholi daebafa ka nanafa'dak natapo'i neme sala-singo ka mai, metema lamahele neun. Manetualain tao leondiak soaneu natu'du ndo matetu na. Nana nai tepo lele makahulu na, Manetualain ta haelai namanasa hataholi daebafa ka sala-singo nala fa, de nalosa Ana ta huku fas.

ROMA 5:11

Lenak neme ndia mai, ita boeo tamahoko nai Manetualain dalek, tunga ita Lamatuan Yesus Kristus. Nana besak ia ita hapu mole-dame ndia tunga Kristus.

FILIPI 4:18

Au sipoalas te see ko na dai ma lena! Emi haitua fe au basa tutulu fafali kala, au sipo alas neme Epafroditus mai so. Besak ia, au hapu basa hata fo au paluu ka so. Emi fe feem sila la, sama leo tutunu-hohotu kaboo minik esa, fo ala fen leo Manetualai na neu de, Manetualain sipo nan no namahokok.

IBRANI 10:4

nanahu memak sapi daa no bi'ihii mane daa, ala ta hapu loseheni sala-singok fa.

1 YOHANIS 2:2

No Yesus Kristus tunu-hotu ao ina na, de ita sala-singon hapu do'o do ampon. Tehu ta ka'da ita mesa tala sala-singon hapu do'o do ampon fa te, basa hataholi daebafa ka sala-singon boeo, hapu do'o do ampon.