IMAMAT 1:3 - Susula Malalaok Hehelu Palak Ma Hehelu Beuk

³ Metema, nanatunu-hotuk ndia sapi esa soona, bana ndia muse mane, ma ta lu'u-la'ak fa. Muse neni sapi ndia leo Manetualain Lalaa Teman-na lelesun-na neu, fo ela Manetualain dalen-na nahiik hataholi ndia.

IMAMAT 1:3 ပူးပေါင်းရင်းမြစ်များ

KEJADIAN 22:13

Boema, Abraham mete leo boboa-kaisun neu, de nita bi'ilopo mane esa, susulan-na kai nai makatemak dale. Abraham ho'un-na bi'ilopo ndia, boema ana tunu-hotu fen neu Manetualain, da'di neu tutunu-hohotu nanatunuk, nggati anan-na.

KEJADIAN 22:2

Boema Manetualain nae, “Moo o anamane kisa susuem-ma, fo meu leo dae Moria meu. Neukose, Au atu'du o, letek esa nai ndia, fo nai letek ndia lain, o tunu-hotu o anam-ma, da'di neu tutunu-hohotuk nanatunuk fe Au.”

KEJADIAN 22:8

Boema, Abraham nataa nae, “Neukose, Manetualain nde sadia bi'ilopoana ndia.” Boema duas la'ok lakandoo.

KEJADIAN 8:20

Boema, Noh taon-na mei tunu-hotuk esa, soaneu Manetualain. Ana ho'un-na manupui mata-matak-kala beke esak, ma bana fe'e-fe'ek fo bole na'a paan-na, beke esak, boema ana tunu-hotun da'di leo tutunu-hohotuk nanatunuk nai mei tunu-hotuk ndia lain.

2TAWARIKH 29:32

Leni sapi mane hituhulu, bi'ilopo natun esa, ma bi'ilopo ana natun dua, boema ala tunu-hotun soaneu da'di tutunu-hohotu nanatunuk neu Manetualain.

2TAWARIKH 35:12

Kelompok teidale-bobongik manai sila-la, esan-na hapu bana esa neme bana fo neukose nanatunu-hotuk da'di leo tutunu-hohotu nanatunuk. No enok ndia, ala hapu fe tutunu-hohotuk tunga nakanenetek fo nanasulak nai Musa susula hoholo-lalanen dale.

MAZMUR 110:3

Nai faik o mai no koasa, nai pupukuk malalao-malafuk-ka, o laum-mala tutulumatak no sila hihii-nanau mesan-na. Sama leo dinis-sa nai fai fafain-na, basa touana muli-soluk-kala, ala mai leo o mai.

MAZMUR 40:8

Boema au afa'da ae, “Au nde ia, nai susula nanalunuk fo nanasulak la'eneu au.

KELUARAN 12:5

Emi bole hele bi'ilopo do bi'ihiik, tehu muse hele bi'i mane, besak-ka teuk esa, ma ta lu'u-la'ak fa.

KELUARAN 24:5

Boema Musa nadenu hataholi muli-soluk de'ubee fo leu tunu-hotu tutunu-hohotu nanatunuk soaneu Manetualain, boema ala ta'ti sapi de'ubee soaneu tutunu-hohotu mole-dame.

KELUARAN 29:18

Tunu-hotu bi'ilopo mane ndia paan-na lala'en-na neu mei tunu-hotuk lain, soaneu da'di tutunu-hohotu nanatunuk. Tutunu-hohotuk ndia boon-na nandaa no Au daleng-nga.

KELUARAN 29:4

Madenu Harun no anan-nala mai leo Au Lalaa Temang-nga lelesun-na mai, fo ala safe-saa aoinan-nala.

KELUARAN 29:42

Basa soona, soaneu tepo-lelek lala'en-na, tutunu-hohotuk nanatunuk ndia muse nanatunu-hotuk nai Au matang-nga, fo nai Au Lalaa Temang-nga lelesun-na. Nai ndia nde, neukose Au atongo o Au anang-ngala, ma Au kokolak o o.

KELUARAN 32:6

Balahaa fafaianak te, hataholi Israel-la leni bana de'ubee soaneu tutunu-hohotu nanatunuk, ma de'ubee seluk soaneu tutunu-hohotu mole-dame. Langatuuk de la'a ma linu mafuk, boema ala fo'a de ala dole dasa.

KELUARAN 35:21

de su'di see fo dalen-na nakababale soona, neni tutunu-hohotuk leo Manetualain neu, fo tao natetu Manetualain Lalaa Teman-na bua-lo'an. Sila boeo leni basa hata fo paluun soaneu makaluku-makatele ma soaneu imam-ma bua papaken-na.

KELUARAN 35:29

Basa hataholi Israel-la no sila dale hihii mesan-na, leni sila tunu-hotun leo Manetualain neu soaneu tatao-nono'ik fo Manetualain paletan tunga Musa.

KELUARAN 35:5

Meni fe Manetualain tutunu-hohotuk. See fo dalen-na nakababale soona, muse ana tunu-hotu lilopilas, lilofulak ma liti,

KELUARAN 36:3

Musa fes basa hata lala'en fo hataholi Israel-la tulu-falin soaneu Manetualain Lalaa Teman-na nafofo'an-na. Tehu leoina Israel-la tunga-tunga fafain-na, ka'da bei leni lahele tunu-hotuk sila leo Musa neu.

KELUARAN 38:1

Bezaleel ho'in-na ai akasia, boema ana tao mei tunu-hotuk soaneu tutunu-hohotu nanatunuk. Mei tutunu-hohotuk ndia balakak, nanalu loloan metel dua senti 20, ma dedeman-na metel esa senti 30.

YESAYA 1:11

Manetualain nafa'da nae, “Emi maedaenga, Au ahiik basa tutunu-hohotuk fo emi tunu-hotu makandondoo henin fe Au sila-la do? Au malua emi tutunu-hohotu nanatunu bi'ilopom-ma, ma emi sapianam-mala minan-na. Au ta ahiik emi sapi manem, bi'ilopo ma bi'ihiim-mala daan-na fa.

YESKIAL 20:40

Nana nai dae Israel-la, fo nai Au lete malalao-malalafung-nga poin-na, emi basa-basam-mala, fo leoina Israel-la, neukose sene-do'ok neu Au. Nai naa, neukose Au amahoko, fo Au sipok emi tutunu-hohotum, emi tunu-hotum malolem-mala, emi fe-fe hehelim-mala.

YESKIAL 40:39

Hapu mei haa lai kama matuaina ndia dalek, fo boboan esa-na, mei dua. Nai mei sila-la lain nde, ala do'do bana soaneu tutunu-hohotu nanatunuk, do tutunu-hohotuk fo, sala-singok hapu do'o do ampon, do tutunu-hohotu bae hutak.

IMAMAT 1:10

Metema, bana nanatunu-hotuk ndia bi'ilopo esa, do bi'ihiik esa soona, bana ndia muse mane, ma ta lu'u-la'ak fa.

IMAMAT 14:10

Neu fai ka falun-na soona, hataholi ndia muse neni bi'ilopo maneanak dua, ma bi'ilopo tenaanak esa, teuk esa, ma basa-basas ta lu'u-la'ak fa. Fe'ek neme ndia mai boe, muse neni ha'desopu nanasese'dok mina setun kilo telu, ma mina setun ba'e teluk liter esa.

IMAMAT 16:7

Muse neni hataholi Israel-la fe bi'hii mane ka duak-kala leo Manetualain Lalaa Teman-na lelesun-na, bafan-na neu.

IMAMAT 17:8

Metema hataholi Israel esa, do hataholi nusa dea esa, ana leo nahele nai hataholi Israel-la tala'da, ana tunu-hotu tutunu-hohotu nanatunuk, do tutunu-hohotu fe'ek

IMAMAT 17:9

fe Manetualain soona, muse ana tunu-hotun nai Manetualain Lalaa Teman-na lelesun-na, bafan-na. Metema ana tunu-hotun nai mamana fe'ek soona, ana ta da'di Manetualain anan-nala so'on.

IMAMAT 23:12

Nai faik fo emi tunu-hotu gandum ndia, emi muse tunu-hotu soaneu tutunu-hohotu nanatunuk-ka, bi'ilopo maneanak esa teun esa boe, ma ta lu'u-la'ak fa.

IMAMAT 23:18

Leoina Israel-la muse tunu-hotu bi'ilopoana hitu, teuk beke esak, sapi maneanak esa, ma bi'ihiik dua, sama-sama no loti ndia. Ta bole hapu bana lu'u-la'ak nai basa bana sila dalek fa, ma muse nanatunu-hotuk soaneu tutunu-hohotu nanatunuk, no tutunu-hohotu nana'ak ma tutunu-hohotu angol-la ba'eneu Manetualain. Tutunu-hohotuk sila-la, boon-na nandaa no Manetualain dalen-na.

IMAMAT 3:1

Metema, hataholi esa tunu-hotu sapi esa, soaneu tutunu-hohotuk mole-dame soona, sapi ndia bole sapi mane, ma bole sapi ina, tehu ta bole la'u-la'ak fa.

IMAMAT 4:15

Basa mauli-malangan leoina, muse lalaa sila liman-nala neu bana ndia langan lain, boema ala ta'tin nai mamanak ndia.

IMAMAT 4:23

boema no lai-laik name'da-nan soona, muse ana tunu-hotu bi'ihii mane esa, ta lu'u-la'ak, soaneu sala-singon hapu do'o do ampon.

IMAMAT 4:3

Metema manatao sala-singok-ka nde Imam Matuaina, nalosa basa leoina Israel-la tao salak soona, muse ana tunu-hotu fe Manetualain, sapi maneanak esa, ta lu'u-la'ak fa, fo ela sala-singon hapu do'o do ampon.

IMAMAT 4:32

Metema hataholi esa tunu-hotu bi'ilopo esa, soaneu sala-singon hapu do'o do ampon soona, bi'ilopo ndia, muse bi'ilopoina ma ta lu'u-la'ak fa.

IMAMAT 5:15

Metema, hataholi esa ta name'da fa te ana tao sala-singok, nanahu nafandele henin, de ana ta fe tutunu-hohotun fo muse ana fen leo Manetualain neu fa, soona hataholi ndia, muse neni tutunu-hohotuk bae hutak. Tutunu-hohotuk ndia, muse bi'ilopo esa, do bi'ihii mane esa, ta lu'u-la'ak fa, ma puku belin-na, sama no belik fo nanapakek nai Manetualain Lalaa Teman-na.

IMAMAT 5:18

Soaneu tutunu-hohotuk bae hutak-ka, muse neni bi'ilopo esa, do bi'ihii mane, fo ta lu'u-la'ak fa, ma puku belin-na tunga belik fo nanapakek nai Manetualain Lalaa Teman-na. Imam-ma tunu-hotun soaneu hataholi ndia sala-singon, soona Manetualain fe do'o do ampon neun.

IMAMAT 6:2

Hataholi esa, muse ana tunu-hotu tutunu-hohotuk, metema nasala-nasingo neu Manetualain, nanahu ana ta nau fe falik nonoo hataholin-na buan, fo ana fen pe'da lalain, do ana tipu-dai hataholi, namanako bua-lo'an, do ana helen-na bua manamopok, tehu nalelesi nenik soo-supak.

IMAMAT 6:8

Manetualain nadenu Musa

IMAMAT 7:16

Metema, hataholi esa neni tutunu-hohotuk mole-dame, fo ana tao natetu hala hehelun neu Manetualain, do soaneu tutunu-hohotuk neme dale nameme'dan-na mai, soona ta paluu la'a basa paa ndia, nai faik ndia dalen-na fa. Bole na'a paa bei elak-kala, nai fai balahaan-na.

IMAMAT 8:18

Basa boema, Musa hela-na bi'ilopo mane fo soaneu tutunu-hohotu nanatunuk-ka, de Harun no anan-nala lalaa liman-nala neu bi'ilopo ndia langan lain.

IMAMAT 9:2

Musa nafa'da Harun nae, “Pa'a-ma sapi maneanak esa, ma bi'ilopo mane esa, duas ta lu'u-la'ak fa. Tunu-hotu bana ka duak sila-la soaneu Manetualain, fo sapi mane-a, soaneu tutunu-hohotuk sala-singok hapu ampon, ma bi'ilopo mane-a, soaneu tutunu-hohotuk nanatunuk.

ZAKHARIA 13:7

Manetualain Fo Manakoasa, nafa'da nae, “Fo'a leon, hai tafaina, fo sapu-ma manafoo fo naue-nale'di fe Au! Taomisan leona, soona neukose bi'ilopo-la tapasasala. Neukose Au sapu-a Au anang-ngala,

MALEAKHI 1:14

Soo-supak be'eneu manake'di-ndiuk, fo ana tunu-hotu fe Au bana beli tak, metema bei hapu bana neulauk nai banan-nala dalek, fo ana helu basa, ana fen neu Au so! Nana Au nde Mane Matua-madema, ma nanafe ha'da-holo mata neme basa leoina-la mai.”

BILANGAN 15:3

Soaneu tutunu-hohotu nanatunuk, do tutunu-hohotuk fo bae nasar, do tutunu-hohotuk no dale hihii-nanau mesan-na, do tutunu-hohotuk nai feta-feta biasa soona, emi bole tunu-hotu fe Manetualain: sapi mane, bi'ilopo mane, bi'ilopo do bi'ihiik. Tutunu-hohotuk sila boon-na, neukose nandaa no Manetualain dalen-na.

BILANGAN 15:8

Metema nanatunu-hotuk ndia, sapi mane esa, soaneu tutunu-hohotu nanatunuk, do tutunu-hohotu bae nasar, do tutunu-hohotu mole-dame soona,

BILANGAN 19:2

fo ala fe nakanenetek ia-la, leo leoina Israel-la neu nae: meni sapi ina pilas esa, ta lu'u ei-la'di limak, ma beita paken fo fua bua-lo'as fa.

BILANGAN 23:19

Manetualain ta sama leo hataholi daebafak-ka fa, fo mu'dak la'iesak-kana, nasasale dale, ma Ana hii nasapepeko-nasandandali. Metema, Manetualain helu soona, tao leo bee-o, Ana tao natetun! Metema Ana kokolak soona, tao leo bee-o, neukose ana da'di!

BILANGAN 23:27

Boema Balak nae, “Mai fo, ata teu leo mamana fe'ek teu. See bubuluk, Manetualain po'ilotak o supa-soo Israel soaneu au, nai mamanak ndia.”

BILANGAN 23:3

Boema, Bileam nafa'da Balak nae, “Mapadeik deka moo Tuan, tutunu-hohotu nanatunun-na. Fo au mete, ade Manetualain nau natongon-no Au do ta. Mahani te, neukose au afa'da o, basa hata lala'en fo, Manetualain nafa'dan neu au.” Boema, Bileam mesak-kana neu leo pupukuk esa lain neu,

BILANGAN 23:30

Balak tao sama leo Bileam hala nafa'dan-na. De nai mei tunu-hotuk sila-la esa-esak lain, ana tunu-hotu sapi mane esa, ma bi'ilopo mane esa.

BILANGAN 28:11

Nai basa bulak lala'en-na, fain esa soona, tunu-hotu fe Manetualain, tutunu-hohotu nanatunuk, nalupa leo sapi maneanak dua, bi'ilopo mane esa, bi'ilopo maneanak hitu, besak-ka teuk beke esak, fo ta lu'u la'ak fa.

BILANGAN 28:19

Tunu-hotu fe Manetualain tutunu-hohotu nanatunuk, fo nalupa sapi maneanak dua, ma bi'ilopo maneanak hitu, besak-ka teuk beke esak, ma ta lu'u la'ak fa.

BILANGAN 28:31

Tutunu-hohotuk sila-la loo tutunu-hohotu angol-la, nalupa tatamak neu tutunu-hohotu nanatunuk, ma tutunu-hohotu nana'ak-ka.

BILANGAN 29:13

Nai fai makasososak-ka, tunu-hotu fe Manetualain tutunu-hohotu nanatunuk, nalupa sapi maneanak sanahulu telu, bi'ilopo maneanak dua, ma bi'ilopo ana maneanak sanahulu haa, besak-ka teuk beke esak, ma ta lu'u la'ak fa. Tutunu-hohotuk sila-la boon-na nandaa no Manetualain dalen-na.

BILANGAN 29:2

Tunu-hotu fe Manetualain tutunu-hohotu nanatunuk, nalupa sapi maneanak esa, bi'ilopo mane esa, ma bi'ilopo ana maneanak hitu, besak-ka teuk beke esak, ma ta lu'u la'ak fa. Tutunu-hohotuk sila-la boon-na, nandaa no Manetualain dalen-na.

LUKAS 1:35

Ata nusa so'dak ndia nataa nae, “Manetualain Dula Dale na neukose ana mai neu o, ma Manetualain koasa na neukose poti na o. Hu ka nde ndia de, ni'iana fo neukose o bongin ndia loken lae, Malalaok, Manetualain Anan.

YOHANIS 1:36

Yohanis nita Yesus la'ok tunga ndia boema, ana kokolak nae, “Mete leona, te Hataholi ndia nde Manetualain Bi'ilopo Ana na.”

YOHANIS 10:7

Boema Yesus kokolak seluk nae, “Tete'e ka, Au hala-kokolang ia la'en: Au nde manafoo bi'ilopo la.

YOHANIS 10:9

Au nde lelesu a. See masok tunga Au soona, neukose naso'da, boema neu leo dalek neu ma ana leo deak neu fo ana hapu na'a-ninu.

2 KORINTUS 8:12

Metema te'e-te'e emi nau fe soona, neukose Manetualain sipok emi fefeem ndia, tunga hata fo emi manuun, te ta tunga hata fo emi ta manuu fan.

2 KORINTUS 9:7

Hataholi a esa-esak muse fe tunga dale hihii na. Ana boso fe no dale bibia-seselik, do hu ka nde laka-nakasetik, nana Manetualain sue-lai hataholi fo ana fe no dale namahokok.

EFESUS 2:18

Hu ka nde Kristus da'di lelete de, ita basa-basa – tala nau hataholi Yahudi do hataholi ta Yahudi – boe hu ka nde Manetualain Dula dalen fo kisak ndia de, ita hapu deka to Ama ka.

EFESUS 5:27

No enok ndia, Kristus tao na hataholi kamahehelek sila, lapadeik no matua-mademan ma matetu-mandaak nai mata na, fo ta hapu bu'u-ba'ek do bu'u-ba'e esa boen.

ULANGAN 12:27

Tutunu-hohotu nanatunuk ma tutunu-hohotuk fo, emi mi'a paan-na, muse nanatunu-hotuk nai emi Manetualaim-ma mei tunu-hotun lain, tehu po'aheni daan-na, leo mei tunu-hotuk ndia lain neu.

ULANGAN 15:21

Tehu, metema bana ndia ei lu'u la'ak, fo nde ei helak do mata pokek, do ana hapu he'di-laus matuaina fe'ek soona, emi ta bole tunu-hotu fen neu emi Manetualaim-ma fa.

ULANGAN 17:1

Boso tunu-hotu fe emi Manetualaim-ma sapi do bi'ilopo lu'u-la'ak, nanahu Ana nape'da dale nasak-kana fa.

IBRANI 7:26

Da'di Yesus ndia nde Imam Matua Ina fo ita paluu ka. Yesus malalao-malalafuk. Ta hapu salak do sala-singok faa anak boen nai Yesus fa. Yesus fe'ek neme hataholi masala-masingo kala mai, ma nanaso'uk losa mamanak fo dema lenaheni lalai lala'ena.

IBRANI 9:14

Naa, metema bi'i daa no sapi daa, ala hapu tao balisi hataholi a neme sala-singon mai soona, muda hata no Kristus daa na bai! Tunga Dula Dale mana ketu basa ta ka, de Kristus tunu-hotu aoina na da'dileo tutunu-hohotu matetu-mandaak soaneu Manetualain. Kristus daa na, ana tao nalalao ita dale na, neme agama ito ato mana da'di taan ndia mai, fo ita hapu talalau-taoono Manetualain fo maso'dak dia.