IMAMAT 1:14 - Susula Malalaok Hehelu Palak Ma Hehelu Beuk

¹⁴ Metema, nanatunu-hotuk ndia manupui esa soona, muse manupui kateu, do kaluaana.

IMAMAT 1:14 ပူးပေါင်းရင်းမြစ်များ

KEJADIAN 15:9

Manetualain nataa nae, “Pa'a-ma sapi ina esa, bi'ihii ina esa, ma bi'ilopo mane esa, teuk beke teluk, ma boeo, manupui kateu esa ma manupui kalua esa soaneu Au.”

IMAMAT 12:8

Metema, inak ndia ta hapu sadia bi'ilopoana esa fa soona, muse neni manupui kaluaana dua, do manupui kateuana dua; fo esa soaneu tutunu-hohotu nanatunuk, ma esa seluk soaneu tutunu-hohotuk fo sala-singok hapu do'o do ampon. Imam-ma muse tao feta soaneu lose heni inak ndia manggenggeon-na, soona ana da'di balisi.

IMAMAT 5:10

Basa ndia soona, Imam-ma tunu-hotu manupui ka dua, fo soaneu tutunu-hohotu nanatunuk-ka, nandaa no nakanenetek-ka. Enon-na leondiak, imam-ma tunu-hotu tutunu-hohotuk soaneu hataholi ndia, soona neukose, Manetualain fe do'o do ampon neu hataholi ndia sala-singon.

IMAMAT 5:11

Metema, hataholi masalak-ka ta nalak sadia manupui kateu dua, do manupui kalua dua, soaneu tutunu-hohotuk sala-singok hapu do'o do ampon fa soona, muse neni ha'desopuk kilo esa. Ha'desopuk ndia, ta bole nanasese'dok mina setun, do tao boomenik neu fa, nana tutunu-hohotuk ndia nde been-na, tutunu-hohotuk sala-singok hapu do'o do ampon, te ta tutunu-hohotuk nana'ak fa.

IMAMAT 5:7

Tehu, metema hataholi masalak-ka, ta nalak sadia bi'ilopo do bi'ihiik soaneu soi-tefa sala-singon fa soona, muse neni manupui kateu dua, do kalua ana dua, fo esa soaneu tutunu-hohotuk sala-singok hapu do'o do ampon, ma esa seluk, soaneu tutunu-hohotu nanatunuk.

MATEOS 11:29

Tunga Au paleta nga, ma manoli neme Au a mai. Nanahu Au dale nga mangana'uk, ma taidaek, de neukose emi hapu namahokok ma seteleek.

MATEOS 21:12

Basa boema Yesus masok leo Manetualain Uman dale neu, de Ana usiheni basa hataholi mase'o banasak ma nai sila la lala'ena. Ana fae nalenga-natono hataholi mana tuka doi kala mei nala, ma ana soli natu'u, mana mase'o kalua sina la bangu nala.

LUKAS 2:24

Sila boeo dudu'a fe tutunu-hohotuk, fo nde kateu pasan esa, do kalua ana pasan esa, sama leo nananaketu basak nai Manetualain hoholo-lalanen dale so.

2 KORINTUS 8:12

Metema te'e-te'e emi nau fe soona, neukose Manetualain sipok emi fefeem ndia, tunga hata fo emi manuun, te ta tunga hata fo emi ta manuu fan.

IBRANI 7:26

Da'di Yesus ndia nde Imam Matua Ina fo ita paluu ka. Yesus malalao-malalafuk. Ta hapu salak do sala-singok faa anak boen nai Yesus fa. Yesus fe'ek neme hataholi masala-masingo kala mai, ma nanaso'uk losa mamanak fo dema lenaheni lalai lala'ena.