IMAMAT 1:10 - Susula Malalaok Hehelu Palak Ma Hehelu Beuk

¹⁰ Metema, bana nanatunu-hotuk ndia bi'ilopo esa, do bi'ihiik esa soona, bana ndia muse mane, ma ta lu'u-la'ak fa.

IMAMAT 1:10 ပူးပေါင်းရင်းမြစ်များ

KEJADIAN 4:4

Habel boeo, ho'un-na bi'ilopon esa ana ulun-na, de ana do'don, boema ana ho'i-na paa neulauk-kala, de ana tunu-hotu fen neu Manetualain. Boema Manetualain namahoko nanseli neu Habel no tutunu-hohotun,

KEJADIAN 8:20

Boema, Noh taon-na mei tunu-hotuk esa, soaneu Manetualain. Ana ho'un-na manupui mata-matak-kala beke esak, ma bana fe'e-fe'ek fo bole na'a paan-na, beke esak, boema ana tunu-hotun da'di leo tutunu-hohotuk nanatunuk nai mei tunu-hotuk ndia lain.

KELUARAN 12:5

Emi bole hele bi'ilopo do bi'ihiik, tehu muse hele bi'i mane, besak-ka teuk esa, ma ta lu'u-la'ak fa.

YESKIAL 43:22

Balahaa soona, o muse tunu-hotu bi'ihii mane esa, ta lu'u-la'ak, soaneu tutunu-hohotuk fo, sala-singok hapu do'o do ampon. Tao malalao-malalafu mei tunu-hotuk ndia, nenik bi'ihiik ndia daan-na, sama leo o taon nenik sapi maneanak ndia.

IMAMAT 14:10

Neu fai ka falun-na soona, hataholi ndia muse neni bi'ilopo maneanak dua, ma bi'ilopo tenaanak esa, teuk esa, ma basa-basas ta lu'u-la'ak fa. Fe'ek neme ndia mai boe, muse neni ha'desopu nanasese'dok mina setun kilo telu, ma mina setun ba'e teluk liter esa.

IMAMAT 16:3

Ka'da no enok fo tunu-hotu sapi maneanak, soaneu tutunu-hohotuk fo sala-singok hapu do'o do ampon, ma bi'ilopo mane esa soaneu tutunu-hohotu nanatunuk-ka, Harun bole masok leo Kama Malalao-malalafuk nanseli-a dalek neu.”

IMAMAT 16:5

Boema hataholi Israel-la, muse fe Harun bi'ihii mane dua, soaneu tutunu-hohotuk fo sala-singok hapu do'o do ampon, ma bi'ilopo mane esa, soaneu tutunu-hohotu nanatunuk.

IMAMAT 23:12

Nai faik fo emi tunu-hotu gandum ndia, emi muse tunu-hotu soaneu tutunu-hohotu nanatunuk-ka, bi'ilopo maneanak esa teun esa boe, ma ta lu'u-la'ak fa.

IMAMAT 3:1

Metema, hataholi esa tunu-hotu sapi esa, soaneu tutunu-hohotuk mole-dame soona, sapi ndia bole sapi mane, ma bole sapi ina, tehu ta bole la'u-la'ak fa.

IMAMAT 4:23

boema no lai-laik name'da-nan soona, muse ana tunu-hotu bi'ihii mane esa, ta lu'u-la'ak, soaneu sala-singon hapu do'o do ampon.

IMAMAT 4:3

Metema manatao sala-singok-ka nde Imam Matuaina, nalosa basa leoina Israel-la tao salak soona, muse ana tunu-hotu fe Manetualain, sapi maneanak esa, ta lu'u-la'ak fa, fo ela sala-singon hapu do'o do ampon.

IMAMAT 5:15

Metema, hataholi esa ta name'da fa te ana tao sala-singok, nanahu nafandele henin, de ana ta fe tutunu-hohotun fo muse ana fen leo Manetualain neu fa, soona hataholi ndia, muse neni tutunu-hohotuk bae hutak. Tutunu-hohotuk ndia, muse bi'ilopo esa, do bi'ihii mane esa, ta lu'u-la'ak fa, ma puku belin-na, sama no belik fo nanapakek nai Manetualain Lalaa Teman-na.

IMAMAT 9:2

Musa nafa'da Harun nae, “Pa'a-ma sapi maneanak esa, ma bi'ilopo mane esa, duas ta lu'u-la'ak fa. Tunu-hotu bana ka duak sila-la soaneu Manetualain, fo sapi mane-a, soaneu tutunu-hohotuk sala-singok hapu ampon, ma bi'ilopo mane-a, soaneu tutunu-hohotuk nanatunuk.

MALEAKHI 1:14

Soo-supak be'eneu manake'di-ndiuk, fo ana tunu-hotu fe Au bana beli tak, metema bei hapu bana neulauk nai banan-nala dalek, fo ana helu basa, ana fen neu Au so! Nana Au nde Mane Matua-madema, ma nanafe ha'da-holo mata neme basa leoina-la mai.”

BILANGAN 19:2

fo ala fe nakanenetek ia-la, leo leoina Israel-la neu nae: meni sapi ina pilas esa, ta lu'u ei-la'di limak, ma beita paken fo fua bua-lo'as fa.

BILANGAN 6:14

ma neni fe Manetualain bana telu, ta mana lu'u-la'ak fa: bi'ilopo maneanak esa, besak-ka teuk esa, soaneu tutunu-hohotu nanatunuk, bi'ilopo tenaanak esa, besak-ka teuk esa, soaneu tutunu-hohotuk fo sala-singok hapu do'o do ampon, ma bi'ilopo mane esa, soaneu tutunu-hohotu mole-dame.

YOHANIS 1:29

Balahaa boema, Yohanis nita Yesus mai boema nae, “Mete mitak, Manetualain Bi'ilopo Anan, fo mana kokaheni daebafa ka sala singo na, ana mai nde ndia.

1 PETRUS 1:19

tehu nanabaek ninik hata esa beli na seli, fo nde Kristu saoina na, fo Ana da'dileo bi'ilopo masalak ma hina-dila tak, fo nanatunu-hotuk soaneu Manetualain.