IMAMAT 1:1 - Susula Malalaok Hehelu Palak Ma Hehelu Beuk

¹ Manetualain naloo Musa neme Lalaa Teman dale mai, de Ana fen nakanenetek-kala nde ia,

IMAMAT 1:1 ပူးပေါင်းရင်းမြစ်များ

2RAJA-RAJA 16:13

Boema, ana tunu-hotu tutunu-hohotu bana, ma tutunu-hohotu gandum, nai mei tunu-hotuk ndia lain. Ana po'a angol nanatunu-hotuk, ma bana tutunu-hohotu mole-dame daa-na, neu mei tunu-hotuk ndia lain boe.

2TAWARIKH 29:32

Leni sapi mane hituhulu, bi'ilopo natun esa, ma bi'ilopo ana natun dua, boema ala tunu-hotun soaneu da'di tutunu-hohotu nanatunuk neu Manetualain.

KELUARAN 19:3

de Musa kae leo letek ndia lain neu, fo natongo no Manetualain. Manetualain kokolak no Musa neme letek ndia lain mai, de nadenun fo ana po'a-benga Yakob tititi-nonosin neu hataholi Israel-la,

KELUARAN 24:12

Basa boema, Manetualain nafa'da Musa nae, “Mai leo Au mai, nai letek lain. Nai ndia, neukose Au fe o batu dua, Au sulak basa Au hoholo-lalaneng-ngala nai dalek. Basa hoholo-lalanek sila-la, da'di nanolik ba'eneu leoina ndia.”

KELUARAN 25:22

Nai mamanak ndia nde neukose Au atongo o o, ma neme tatanan lain mai fo nai kerub ka duak sila-la tala'da, neukose Au fe Au hoholo-lalaneng neu leoina Israel-la tunga o.”

KELUARAN 29:42

Basa soona, soaneu tepo-lelek lala'en-na, tutunu-hohotuk nanatunuk ndia muse nanatunu-hotuk nai Au matang-nga, fo nai Au Lalaa Temang-nga lelesun-na. Nai ndia nde, neukose Au atongo o Au anang-ngala, ma Au kokolak o o.

KELUARAN 3:4

Manetualain, nita Musa neu deka no mamanak ndia, boema naloo bou-bou neme makatemak ndia tala'da mai, ma nae, “Musa! Musa!” Boema, Musa nataa nae, “Au nde ia.”

KELUARAN 33:7

Metema leoina Israel-la ofu soona, Musa ho'in-na Lalaa Temak fo napadedeik-kana dodoo faa neme hataholi Israel-la mamana ofun-na mai. Loke Lalaa Temak ndia soona lae, Manetualain Lalaa Teman-na, de see hii noke Manetualain nanoli-nafa'dan soona, neu leo ndia neu.

KELUARAN 39:32

Mate'en-na, Manetualain Lalaa Teman-na tatao-nono'in, basa la'iesak-kana. Hataholi Israel-la tao basa hata lala'en-na, sama leo hata fo Manetualain paletan neu Musa.

KELUARAN 40:29

ma ana pe'da mei tunu-hotuk soaneu tutunu-hohotuk nanatunuk-ka nai lelesu ndia matan-na. Ana tunu-hotu tutunu-hohotu nanatunuk ma tutunu-hohotu nanasadiak-ka nai mei tunu-hotuk ndia lain.

IMAMAT 7:38

Manetualain fe Musa paleta sila-la, neme Letek Sinai-a, fo nai lelek nadenu leoina Israel-la, tunu-hotu tutunu-hohotuk nai mook solokaek Sinai-a.

IMAMAT 9:16

Basa boema, ana ho'i-na bana, fo soaneu tutunu-hohotu nanatunuk-ka boe, de ana tunu-hotun tunga nakanenetek-ka.

BILANGAN 1:1

Nai hataholi Yahudi-la bula ka dua-na fain esa, fo nai lelek hataholi Israel-la la'oela Masir boema, Manetualain kokolak no Musa neme Manetualain Lalaa Teman dale, nai Letek Sinai-a. Nae,

BILANGAN 7:89

Metema Musa neu leo Manetualain Lalaa Teman dale neu, fo ana kokolak no Manetualain soona, namanene Manetualain kokolak non neme Peti Hehelu-balataak-ka tatanan lain mai, fo Peti Hehelu-balataak ndia, nai mahahae nusa so'da ka duak-kala dodoki-dudulan tala'da.

YOHANIS 1:17

Ita sipo Manetualain Hoholo-lalanen tunga Musa. Tehu lafa'da Manetualain susue-lalain, ma liinekan, tunga Yesus Kristus.

ULANGAN 27:6

nana emi mapadedeik fe emi Manetualaim-ma, mei tunu-hotuk-ka, muse nanataok neme batu katemak mai. Emi muse tunu-hotu, tutunu-hohotu nanatunuk nai mai tutunu-hohotuk ndia lain.