IBRANI 9:7 - Susula Malalaok Hehelu Palak Ma Hehelu Beuk

⁷ Imam mana masok leo uma lopo ndia kama mate'e na neu a, ka'da imam matua ina mesa kana. Teuk esa soona, ana leo kama ndia dalek, ka'da la'i esa. Neu soona, nini bana daa, fo ana tunu-hotu fe Manetualain, soaneu ndia sala-singon, ma soaneu hataholi kamahehelek see, fo ta name'da fa te ana tao sala-singok so.

IBRANI 9:7 ပူးပေါင်းရင်းမြစ်များ

2 SEMUEL 6:7

Nai hatematak ndia boe, Manetualain namanasa Uza, nanahu tatao-nono'in ndia, nalupa nakamumulu-nakamamaek esa neu Manetualain. Boema, Ana taonisa Uza neme mamanak ndia, deka no Peti Hehelu-balataak-ka.

2TAWARIKH 33:9

Manasye taon-na laun Yehuda-la tao sala-singok fo mangalau-na lena neme sala-singok leoina fo Manetualain usihenis leme Kanaan mai, nai lelek Manetualain anan-nala masok nusak ndia, tao-no'ik-ka.

MAZMUR 19:12

Basa sila-la, ala fe nasanene'dak neu O atam-ma: ngga'di matuaina, nanasadiak ba'eneu hataholi fo, manatungan-nana.

MAZMUR 95:10

Au pela-maluas, teuk haahulu dalen-na, Au afa'da ae, Tete'ek-ka, leoina ndia, ta lilineka fa! Ala ta taoafik neu Au paletang-ngala fa.

KELUARAN 30:10

Harun muse tao nalalao-nalalafu mei tunu-hotuk-ka teuk esa la'iesa nenik ana pisi mei tunu-hotuk-ka bana susulan haas nenik bana fo nanatunu-hotuk soaneu sala-singok hapu do'o do ampon, daan-na. Ana muse tao leondiak tunga teuk ma neme bobongik leo bobongik neu. Mei tutunu-hohotuk ndia muse malalao-malalafuk ma nanafe hehelik soaneu Au.”

YESAYA 28:7

Boeo nabi-nabi ma imam-imam fo ala mafuk, nanahu linu ala-lalu ba'uk-ka naseli. Ala la'ok laleu-lilok, ma lakatunu bee poko nanahu dudu'a-aafin-nala sese'do-babalik so. Nabi-la, ta lalelak ninitak fo, Manetualain fen neu sila, sosoa-ndandaan so'on. Imam-mala ta hapu laketu-lala'di dede'a-dede'ak fo, nanakalaak neu sila so'on.

YESAYA 29:14

Hu ndia de, neukose Au tao anggengek-kasa, nenik fefepak fo hahaek ta. Hataholi fo manatee-tenok-ka, neukose ana da'di nggoak, ma basa sila malelan-nala, neukose sosoa-ndandaan ta.”

YESAYA 3:12

Neukose hataholi fo lakabubunak doin-nala, ala tuni-ndeni Au anang-ngala, ma hataholi manada'di kelumatuk-kala, lakatutu'dak-kasa. Neukose Au anang-ngala mauli-malangan, ala tao-la Au anang-ngala latofa-latalak, nalosa ala ta bubuluk, ala muse la'ok tunga enok beek-ka so'on.”

YESAYA 9:16

Leoina ndia, ana kalua neme agama dalek mai, ma nalutu ha'da-tataon, ma hala-kokolan-nala mangalauk. Hu ndia de, Manetualain ta po'ilotak ta'eanan-nala, esa naladeak boen. Ana ta sue-lai basa faluina-anamaak-kala fa. Tehu Manetualainbei namanasa, de Ana huku nahele.

HOSEA 4:12

Emi moke natutu'duk neme ai bibiak esa mai! Ai tete'ek esa, nafa'da emi hata fo emi hii bubuluk-kana! Emi sama leo saoinak esa, ana da'di manasosoa-piaok; Emi la'oela Au, de emi fe emi aoinam-ma neu lamatua daebafak fe'ek-kala.

IMAMAT 16:34

Muse tao feta ndia la'i esa, nai teuk esa dalen-na, soaneu tao nalalao-nalalafu leoina Israel-la neme sila sala-singon lala'en-na mai. Nakanenetek sila-la, nde muse ala tungan losa dodoon-na. Musa tao tungan, sama leo hata fo Manetualain paleta neun.

IMAMAT 5:18

Soaneu tutunu-hohotuk bae hutak-ka, muse neni bi'ilopo esa, do bi'ihii mane, fo ta lu'u-la'ak fa, ma puku belin-na tunga belik fo nanapakek nai Manetualain Lalaa Teman-na. Imam-ma tunu-hotun soaneu hataholi ndia sala-singon, soona Manetualain fe do'o do ampon neun.

AMOS 2:14

Manamalai makamiuk-kala boeo, neukose ta laladeak fa. Hataholi balakaik-kala, neukose mopo balakain-na, ma hataholi ao kahelek-kala, neukose ta lala huhukuk-ka deak fa.

BILANGAN 15:25

Boema imam-ma muse tao feta sala-singok hapu do'o do ampon soaneu hataholi Israel-la. Soona neukose, ala hapu do'o do ampon, hu kande ta lame'da fa te, ala tao salak so, ma hu kande leni basa tutunu-hohotu sala-singok hapu do'o do ampon, boema tutunu-hohotu nanatunuk neu Manetualain so.

EFESUS 4:18

Dudu'a-aafi nala makahatuk so. Ala ta lalelak maso'dak fo Manetualain fe ka fa, nana ala ta lalelak Manetualain faa anak boen. Ala da'di tao leondiak nanahu lalanga batu lanseli.

IBRANI 10:3

Tehu see ko na tunga teuk ala fe tutunu-hohotuk sila la, ka'da lini nasanene'dak fe hataholi a sala-singo nala,

IBRANI 6:19

Ita namahenan ndia, sama leo naka fo nana pa'ak dema na seli nai oe dale, ma nalupa hoho'u matea, ma nee-nee-lino-linok, ba'eneu ita so'da na. Namahenak ndia, ana tola seli tema maloa manai Kama Malalao ka, nai Manetualain Uman manai nusa so'da ka.

IBRANI 7:27

Ana ta sama leo imam matua ina fe'e kala fa, fo tunga faik, muse ala fe tutunu-hohotuk nakahuluk nana sila sala-singo nala, fo besa ka soaneu hataholi kamahehele kala sala-singon. Tehu Yesus fe tutunu-hohotuk ka'da la'iesa mesa kana, soaneu losa dodoo na, nai lelek Ana tunu-hotu ao ina na mesa kana, da'dileo tutunu-hohotuk.

IBRANI 9:3

Nai dalek, fo nai tema maloa kama kadua dea na, hapu kama esa nai ndia, fo ala foi kama ndia na'de, Kama Malalao-Malalafuk.