IBRANI 9:4 - Susula Malalaok Hehelu Palak Ma Hehelu Beuk

⁴ Ala pe'da mei tutunu-hohotu ka nai kama ndia dalek. Mei ndia, ala tao neme lilopila sa, fo ala tunu-hotu boominik nai mei ndia lain. Ala pe'da Peti Hehelu-Balataa ka nai ndia boe. Lakadiditak lilopilas feo Peti ndia ao na lala'ena. Ala pe'da ule lilopilas esa nai Peti ndia dalek. Ule lilopilas ndia, isi na manna, Harun ai tete'e na, fo nanupu so, ma batu bebelak dua, fo Musa sulak Manetualain paleta kasanahulu na, nai batu kaduak sila la lain.

IBRANI 9:4 ပူးပေါင်းရင်းမြစ်များ

1RAJA-RAJA 8:21

Nai Manetualain Uman ndia dalek, au sadia basa mamanak soaneu Peti Hehelu-balataa ka fo isin-na batu hehelu-balataak neme Manetualain no ita bei-ba'i kai nala nai lelek Ana nos kalua leme Masir mai.”

1RAJA-RAJA 8:9

Nai Peti Hehelu-balataak ndia dalek, ta hapu hata esa boen, ka'da batu bebelak dua lai dalek. Musa tao batu sila-la leo dalek neu neme Lete Sinai fo lelek Manetualain tao hehelu-balataak no leoina Israel-la nai lelek lai leleo-lala'o nala dalek leme Masir leo Kanaan leu.

2TAWARIKH 5:10

Nai Peti Hehelu-balataak ndia ta hapu hata esa boen, te ka'da batu bebelak dua. Musa tao batu sila-la leo dalek neu neme Lete Sinai-a, lelek Manetualain tao hehelu-balataak no leoina Israel-la nai lelek lai leleo-lala'on-nala dalek leme Masir leo nusa Kanaan-na leu.

KELUARAN 26:33

Lolo'e temak ndia neu soloka'do makadadalak-kala dae, fo nai Lalaa Temak-ka lain. Muse pe'da Peti Hehelu-balataak fo batu ka duak-kala lai dalek ndia neu temak ndia dea. Temak ndia ta'da Kama Malalao-malalafuk-ka no Kama Malalao-malalafuk nanseli-a.

KELUARAN 31:18

Manetualain kokolak basa no Musa nai Letek Sinai lain boema, Ana fen batu bebelak dua, fo Manetualain sulak paletan-nala nai dalek.

KELUARAN 32:15

Musa kona falik neme letek ndia lain mai, ma neni batu bebelak ka duak fo Manetualain paletan-nala nanasulak nai boboan duas.

KELUARAN 34:29

Lelek Musa kona neme Letek Sinai lain mai, te neni Paleta ka Sanahuluk sila-la, mata-panan nandela-nasa'a nanahu ana kokolak no Manetualain so, tehu Musa ta bubuluk nae mata-panan nandela-nasa'a fa.

KELUARAN 37:25

Bezaleel tao mei tunu-hotuk esa neme ai akasia mai, soaneu mamana tutunu boomenik. Mei tutunu-hohotuk ndia balakak; nanalu loloan senti beke 45 ma dedeman-na senti 90. Nai bu'u kahaan lain, ana tao susulak sama leo bana susulak fo da'di esa no mei tunu-hotuk ndia.

KELUARAN 39:35

Peti Hehelu-balataak-ka no isin-na batu dua, no ai ndondolon-na, ma tatanan-na,

KELUARAN 40:3

Tao Peti Hehelu-balataak fo isin-na Paleta ka sanahuluk-kala leo dalek neu, fo tao temak tatanan-na neu uluk.

IMAMAT 16:12

muse ana ho'in-na, mamana ha'i-a neme mei tunu-hotuk-ka mai, fo ana tao nahenun nenik ha'ikaa manapila lo'a-lo'ak, ma boomeni sopuk, nafanggetek dua, fo nenin leo Kama Malalao-malalafuk nanseli-a, dalek neu.

BILANGAN 17:10

Basa boema, Manetualain nafa'da Musa nae, “Pe'da fali Harun ai tete'en-na, neu Peti Hehelu-balataak-ka matan-na. Muse pe'da ai tete'ek ndia, da'di leo nasanene'dak ba'eneu hataholi Israel fo, manalena-la'ban paleta sila-la, ma mae metema bemumu lakandoo soona neukose mates.”

BILANGAN 17:5

Hataholi fo Au helek-ka, neukose ai tete'en-na nanupu. No enok ndia, neukose Au ate'e hataholi fo bemumu loo emi tataas esa, haladoin-nala.”

BILANGAN 17:8

Balahaa, fo nai lelek Musa neu leo Manetualain Lalaa Teman dale neu, te nita Harun ai tete'en-na, fo nde leo Lewi-a ai tete'en-na, nanupu so. Ai tete'ek ndia napako, nabuna, de naboa ketapang boak, tehu boan-na lasik so!

ULANGAN 9:11

Hei, basa lele'dok haahulu ma le'odaek haahulu boema, Manetualain fe batu hehelu-balataak ka duak sila-la, leo au mai.

ULANGAN 9:9

Boema, au kae leo letek lain u, fo au sipo batu hehelu-balataak, fo Manetualain tao hehelu-balataak no emi. Lele'dok haahulu ma le'odaek haahulu, au leo eme letek ndia lain, ma au ta u'a-inu fa.

NINITAK 11:19

Boema Manetualain Uman manai nusa so'da ka natahuka, de Peti Hehelu Balataa ka nananitak nai dalek. Boema ndela sa tuti-nato, ma ta'ta sa nata'ta nakadedelek, boema dae manggengo ka ma u'da eis matuaina.

NINITAK 8:3

Ata nusa so'da fe'ek esa nini mango tutunu boominik lilopilas esa ana mai de napadeik neu mei tutunu-hohotu ka mata na. Ala fen boominik makadotok nanseli fo ana po'an neu basa Manetualain hataholi kamahehele nala huhule-haladoin fo ana tunu-hotus nai mei tutunu-hohotu lilopilas manai kandela mane ka mata na.