IBRANI 9:11 - Susula Malalaok Hehelu Palak Ma Hehelu Beuk

¹¹ Tehu Kristus mai basa da'dileo Imam Matua Ina neme dede'a-dede'a malole nanatao na kala so. Manetualain Uma Lopon fo nai bee, Ana tao-no'i bela-ba'un da'dileo Imam Matua Ina nde bee na, Uma Lopo fo matua-mademan lena ma matetu-mandaan lena. Hataholi daebafa ka ta nde tao nana fa; sosoa na nae, ta neme daebafak fo nananakadada'dik ia mai fa.

IBRANI 9:11 ပူးပေါင်းရင်းမြစ်များ

KEJADIAN 49:10

Neukose Yehuda ho'u aitete'e nusak-ka, neukose tititi-nonosin paleta losa dodoon-na. Neukose leoina-kala leni bea mai, ma ala senek ma lakatele nai matan-na.

MAZMUR 40:7

O ta hii tunu-hotuk, ma tutunu-hohotu nana'ak fa, o ta moke tutunu-hohotu nanatunuk ma tutunu-hohotuk fo, sala-singok nanafe do'o do ampon fa. Tehu O fe basa au di'idook fo au hapu amanene O halam-ma.

YESAYA 59:20

Manetualain nafa'da anan-nala nae, “Neukose, Au mai leo Yerusalem mai, fo soi-tefa emi basa-basam fo, manatukatei-saledale neme sala-singon-nala mai.

YEREMIA 33:8

Neukose Au tao balisis neme sala-singok fo ala tao basak-ka soaneu Au-a; sila sala-singon-nala ma tutu'da-momonun-nala neukose Au fes do'o-do ampong.

MALEAKHI 3:1

Manetualain Fo Manakoasa, nataa nae, “Neukose Au haitua Au hataholi nadedenung-nga ne'i, fo ana sadia enok ba'eneu Au. Boema no kaiboboik, Au, Manetualain fo emi sanga-ka, neukose, Ana mai leo Au Umang mai. Au hataholi nadedenung fo emi mahiik ana mai ndia, neukose ana mai, fo ana po'a-benga Au hehelu-balatang.”

MATEOS 11:3

“Ama nde bee na nde hataholi fo neukose Ana mai tunga Manetualain hala hehelu na, do ami muse mahani seluk hataholi fe'ek bai do?”

MATEOS 2:6

‘Hai, basa hataholi manai Betlehem, fo nai nusa Yehuda, Ade o nusa ma, ta nusa anak nanseli fa, Nanahu neme o hataholi mala dalek, neukose mauli-malangan esa, nanabongik, fo nasulu-nahapa Au hataholi Israel ngala.’ ”

MARKUS 14:58

“Ami mamanene hataholi ia nafa'da nae, ‘Neukose Au tao atu'u Manetualain Uman fo hataholi daebafa ka nde taon ia, fo basa faik telu soona, neukose Au apadedeik uma fe'ek esa, fo hataholi daebafa ka ta nde tao nana fa.’ ”

YOHANIS 1:14

Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.

YOHANIS 4:25

Boema inak ndia nafa'da Yesus nae, “Au bubuluk Manek Mana Fe So'da ka fo loken lae Kristus ndia, neukose Ana mai. De metema Ana mai soona, neukose nafa'da basa hata lala'ena neu ita.”

HATAHOLI 7:48

Tehu Manetualain Fo Madema Ina ndia, Ana ta nau leo nai uma fo hataholi daebafa ka tao ka fa; Nana nai nabi la susulan dale nanasulak nae leo ia:

2 KORINTUS 4:18

Nana ami ta paluu hata nananita ka fa, te ami paluu ka nde hata nananita ta ka dei. Hata nananita ka, nakatatakak ka'da ba'ihanak mesan, tehu hata nananita tak ndia matea-mahelek losa dodoo na.

2 KORINTUS 5:1

Nana ami bubuluk basa, uma fo nde ao paak fo ita leon nai daebafak ia, nanaofehenik soona, Manetualain sadia fe ita uma esa nai nusa so'da ka. Manetualain nde tao matan uma ndia de napadeik nahele losa dodoo na.

KOLOSE 2:11

Hu ka nde emi da'di esa mo Kristus de, emi nanasunat, tehu ta nanasunat ninik sunat fo hataholi daebafa ka tao ka fa, te neme sunat fo Kristus tao ka. Kristus fo manase'i po'i emi neme ha'da-tatao masala-masingo ka koasa na mai.

IBRANI 10:1

Agama Yahudi hoholo-lalanen ka'da fe dulak keluha'buk la'eneu dede'a malole manamai kala ta dula ndoos neme dede'ak sila la mai fa. Dede'ak sila la huu-huu na, ta nde hoholo-lalanek sila fa. Nana hoholo-lalanek sila la, ala ta hapu tao lalalao-lalafu hataholi manini tutunu-hohotuk neu Manetualai na fa, leomae tunga teuk hataholi ndia nini tutunu-hohotuk matak esa nakandoo.

IBRANI 12:27

Dede'a ka nae, “la'iesa seluk” natu'du nae, neukose basa daebafak fo nakadada'di kana, neukose Ana fae nanggenggengo kana ma Ana kekoheo kana, fo daenga ela ka'da hata manggengo ta kala.

IBRANI 13:14

Nana, nai daebafa ka ta hapu mamana leleok fo matea-mahelek soaneu ita fa. Nasafali na ita sanga mamana leleok fo manamai ka.

IBRANI 2:17

Ia sosoa na, nae Ana muse da'di sama no tolanoo nala nai basa dede'ak lala'ena dalek. Ma no enok ndia, Ana hapu da'di Imam matua ina fo mana lilinekak ma madale susue-lalaik. No lau-onon ndia, de hataholi daebafa ka sala-singo nala, hapu do'o do ampon.

IBRANI 3:1

Tolano-tolanoo kamahehelek esa fo Manetualain nalo basa kala lemin! So'ba dodoo matalolole la'eneu Yesus ia dei! Manetualain nadenu hehelin Ana da'di Imam Matua ina nai ita agama na dalek.

IBRANI 4:15

Ita Imam Matua inan ndia, ta nde imam fo ta hapu name'da nita ita tapandoe nala fa. Nasafali na, nanaso'ba-su'di basak, nai basa dede'ak lala'ena dalek, sama leo ita boe, ka'da Ana ta tao sala-singok fa!

IBRANI 7:1

Melkisedek ia, nde bee na manek neme Salem mai, neu Manetualain Imam Matua Inan nanseli. Lelek fo Abraham fali neme musu fo ana sengi basa mane-mane kala, Melkisedek mai solu kana, de ana fen baba'e-papalak.

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.

2 YOHANIS 1:7

Hataholi mana ke'dindiuk ba'u ka, ala tapasasala leo basa daebafa ka lala'ena leu so. Hataholi sila la nde ta nau sipok Yesus Kristus mai hai neme daebafa ka, boema ta lamahele, Ana da'di hataholi daebafak fa. Hataholi matak leo sila kala, hataholi mana ke'dindiuk, fo Kristus Musu No nala nde hataholi sila la.