IBRANI 9:10 - Susula Malalaok Hehelu Palak Ma Hehelu Beuk

¹⁰ Nanahu basa ito-atok sila la, nandaa no ka'da nana'a-nininuk, ma tao nalalao ao mata-mata kala mesa kana. Basa sila la ka'da nakanenete ao paak, fo nanapakek ka'da losa fai na Manetualain tao nabebeun.

IBRANI 9:10 ပူးပေါင်းရင်းမြစ်များ

KELUARAN 29:4

Madenu Harun no anan-nala mai leo Au Lalaa Temang-nga lelesun-na mai, fo ala safe-saa aoinan-nala.

KELUARAN 40:12

Basa ndia soona, madenu Harun no anan-nala mai leo Lalaa Temak lelesun-na mai, fo ala safe aoinan-nala.

YESKIAL 4:14

Tehu au ataa ae, “Awi, Manetualain Fo Mademaina! Neme au bei anang-nga mai, losa besak ia, au beita tao anggenggeo au aoinang-nga, nenik au u'a bana mates popolan-na, do bana fuik-kala la'a ela paa-la fa. Au beita u'a ita nana'ak fo, nanakena-ka'ik-ka.”

IMAMAT 13:58

Metema, safe basa buas ndia, boema mopo pulu po'ok manai buas ndia dulan-na soona, muse safe seluk buas ndia, besak-ka buas ndia balisi.

IMAMAT 16:24

Boema, muse nadiu oe nai mamanak esa nanahele hehelik, fo ana pake ndia papaken-na. Basa ndia soona, muse ana kalua, fo ana tunu-hotu tutunu-hohotuk soaneu ndia mesak-kana sala-singon, ma leoina Israel-la sala-singon hapu do'o do ampon

IMAMAT 16:4

Basa soona, Harun muse taoafik neu nakanenetek-kala nde ia. Ana beita masok leo Kama Malalao-malalafuk nanseli-a dalek neu fa te, muse nadiu oe, boema ana pake papake imam-ma, fo nde ba'du, lopo ei keke'uk, kalikee ma fefeo langak, fo basa sila-la nanatenuk neme temak abalutu-a mai.

IMAMAT 22:6

No enok mata beek ndia boe, imam esa da'di nanggenggeo soona, manggenggeok nahele losa le'do tenak. Ma le'do tenak basa so, tehu metema ana beita nadiu oe fa soona, ana beita bole na'a nana'ak fo nanatunu-hotuk soaneu Manetualain fa.

BILANGAN 6:3

ta bole ninu angol ma ala-lalu fa. Ta bole ninu ala-lalu matak leo beek fo taon neme angol-la boan-na, do ai boa fe'ek-kala mai. Ta bole na'a angol boa mamatak do tuuk fa, do su'di beek fo taon neme ai angol-la mai; ta bole na'a de'en-na do pe'dun-na boen.

MARKUS 7:4

Ala asa lini beek neme pasa ka mai soona, ala safe lakahuluk hata ndia dei, fo besa ka la'an. Ala ho'u lahele bei ba'ikai nala nakanenete fe'en ba'u ka, fo nde nakanenetek la'eneu, safe nggalaas, safe mango, ma safe lou-laa liti la.

GALATIA 4:9

Tehu besak ia, emi malelak Manetualain so, do la'e selu kana bai soona, Manetualain nalelak emi so. Naa, tao le'e de emi nau fali seluk leo dula dale daebafak ia la, fo tapandoes ma nuu taa-hata tak sila meu? Tao le'e de emi nau da'di ata seluk neu dula dalek sila la bai?

EFESUS 1:10

Dale tutu'u nafufunin ndia nde, fo ela basa hata lala'ena, nau basa hata manai nusa so'da ka do manai daebafa ka, ala da'di esa, fo Kristus da'dileo malangan. Ma fai na losa soona, neukose Manetualain tao nakababasak basa dede'ak sila la.

EFESUS 2:15

Agama Yahudi a hoholo-lalanen no paleta nala ma nakanenete nala, Kristus lose henis, fo daenga leoina ka duak sila la, ala da'dileona esa, hataholi nala beuk, fo ala da'di esa loon. No enok ndia de, Kristus nakadada'dik mole-dame a.

ULANGAN 21:6

Boema, kota manadekak nanseli ndia, lasi nggolon-nala lala'en-na, muse safe liman-nala nai sapi ndia lain,

ULANGAN 23:11

Le'do-a sanga tenak soona, ana muse nadiu oe, fo le'do-a tenak soona, ana bole masok fali leo uma ofu dale neu.

KOLOSE 2:16

Hu ndia de, boso po'ilotak hataholi fe salak neu emi la'eneu nana'a-nininuk, do la'eneu feta bula beuk, la'eneu fai Saba ta, ma la'eneu agama fai malole fe'e-fe'e nala.

IBRANI 10:22

Hu ndia de mai fo ata deka to Manetualain no dale ndoos, ma namahehelek fo matea-mahelek; no dalek fo nanatao nalalao-nalalafu basak neme dale nameme'da masalak, ma no ao paak fo nanabalisik ninik oe fo neu isi ka.

IBRANI 13:9

Boso po'ilotak nanoli matabeu mata-matak lala'ena, ala tao latofa-latalak emi. Ita dale na, muse nananatetea-nahehelek ninik Manetualain dale malole na, fo ndia nde malole a. Boso hu ka nde nananaketuk neme ito-atok la'eneu nana'a-nininuk. Hataholi fo makahulu na ala tunga nakanenetek sila la, ala ta hapu sosoa-ndandaan fa.

IBRANI 2:5

Ata nusa so'da kala ta hapu koasa neme Manetualain soaneu ala paleta daebafa beuk fo neukose ana mai, fo nde daebafak fo besa ka ita kokola kana ia.

IBRANI 6:2

do nanoli pokok la'eneu oe salani ka, do la'eneu lalaa lima ka neu hataholi, do la'eneu mate so, te taso'da falik, do la'eneu huhukuk fo mana ketu basa ta ka.

IBRANI 6:5

Sila bubuluk neme sila maso'da mandoo fai na mai, nae Manetualain dede'a-kokolan ndia malole, ma lame'da lita baba'e-babati henuk no koasa neme le'do fai fo manamai ka.

IBRANI 7:12

Naa, metema nagatutuu imam-imam mala nasafali soona, agama Yahudi a hoholo-lalanen boeo, muse nasafali.

IBRANI 7:16

Ndia nanaso'uk da'di imam, ta no nakanenete-nakanenete hataholi daebafa ka fa, te tunga so'da na, fo manakoasa ma ta hapu mate'e na fa.

IBRANI 9:1

Hehelu-balataa makasososa ka nanuu mamaso-kasasi nakanenete nala, ma la'eneu mamana hule-haladoik fo hataholi daebafa ka tao ka boe.