IBRANI 8:9 - Susula Malalaok Hehelu Palak Ma Hehelu Beuk

⁹ Ta sama leo hehelu balataak fo Au taon no sila bei ba'i kai nala, nai lelek fo Au hela-noles kalua leme nusa Masi ra mai. Ala ta lilineka neu hehelu-balataak fo Au taon no sila fa; hu ka nde ndia de, Au ta afaduli fas.

IBRANI 8:9 ပူးပေါင်းရင်းမြစ်များ

KEJADIAN 19:16

Lot dalen-na naba'e. Tehu Manetualain kasian seluk-kana; hu ndia de, fui ka dua-nala, lalala'o Lot no saon-na, boema anan duas, fo ala kalua leme kota ndia mai.

AYUB 8:20

Tehu, beita la'i esa fo, Manetualain la'oela hataholi manalilinekak-ka fa, ma beita la'i esa boen, fo Ana ta tulu-fali hataholi malelesik-ka fa.

MAZMUR 105:43

Boema, Ana hela-nole anan-nala, no namahoko-seteleek, ma hataholi hehelen-nala no eeki-natadalek.

MAZMUR 77:20

O la'ok tunga lii lain, O la'ok feo tasi maloaina, tehu O ei mamanam-ma, ta nananitak fa.

MAZMUR 78:57

Ala lalelesi sama leo bei-ba'i kain-nala de ta bisa namahele fas, sama leo kokouk fo, ana peko so.

KELUARAN 32:8

Ala la'ok sala leme Au paletang-ngala mai so. Ala tao sapi nanadoki-dulak neme lilopilas nananatanoek-ka mai, boema ala sene-do'ok neun ma ala tunu-hotu fen tutunu-hohotuk. Lafa'da lae, ndia nde sila-lamatuan fo mana no sila kalua leme Masir mai.

KELUARAN 34:10

Manetualain nafa'da Musa nae, “Besak ia, Au tao hehelu-balataak o leoina Israel-la. Nai sila matan, neukose Au tao manada'di beuk, fo leoina manai daebafak-ka beita la'iesa fo ala tao hain. Basa leoinak-kala, neukose lita manada'di beuk fo Au taok-kala, nana Au, Manetualain neukose tao hata esa neni bibii-namata'uk nanseli ba'eneu emi.

KIDUNG AGUNG 8:5

See manamaik neme moo solokaek-ka mai ndia, nasalai dean-na neu inaana susuen-na? Au fafae afo'a o nai ai apel-la huun-na, nai mamanak fo o nananailuk ma nanabongik.

YESAYA 40:11

Sama leo manafoo esa, Ana nakaboboi bana-manun; Ndia mesak-kana, nde tao nakabubuas-sala. Ana ko'o bi'ilopo ana-la, Ana nakalala'ok inan-nala, no dale mangana'uk.

YESAYA 41:13

Nana Au Amak, fo o Manetualaim-ma, ho'u o lima konam-ma; Au afa'da ae, ‘Boso bii, te neukose Au tulu-fali o.’ ”

YESAYA 51:18

Neme o laum-mala mai, ta hapu manahela-nole o, ma neme hataholi manaleo lo o-a, ta hapu manahela-nole o fa.

YESAYA 63:9

Ndia mesak-kana, nde lu'a-lepa sila toto'a-tataan-na. Manetualain ta haitua hataholi nadedenuk, do lima boboa konan-na fa; Ndia mesak-kana, nde soi-po'is-sala, nanahu susue-lalain, ma dalek-kasian-na. Ana nakabobois tataas esa, neme makahulun eli mai.

YEREMIA 31:32

Tehu nakeketuk ndia ta sama leo Au tao nakeketuk neu sila bei ba'ikai manamaten-nala nai lelek Au lea-nole fali kasa kalua leme Masir mai-a. Leomae Au sama leo Sao touk ba'eneu sila, tehu ala lilii-babau Au hehelu-balatang neu sila.

RATAPAN 4:16

Manetualain ta taoafik neu anan-nala so'on; Ndia nde tao tapasasalas-sala, ma Ana tao-na hataholi ta fe ha'da-holomata neu imam-mala so'on; basa mauli-malangan-nala, dale susue-lalai tak-kala.

YESKIAL 16:59

Manetualain Fo Mademaina, nafa'da nae, “Neukose Au tao o, nandaa no o tatao-nono'im, nana o malelesi o soo-supam, boema o la'olena, Au hehelu-balataang no o.

AMOS 5:22

Metema emi meni tutunu-hohotu bana ma tutunu-hohotu gandum soona, neukose Au ta sipo fa. Au ta nau sipo emi bana-manu maaom, fo emi fen neu Au da'dileo tunu-hotu mole-dame fa.

MALEAKHI 2:13

Ma emi tatao-nono'i fe'em-ma nde ia. Emi tao mahenu Manetualain mei tunu-hotun nenik luuoe; emi kii ma makaleleu, nanahu Manetualain ta nau sipok emi tutunu-hohotuk so'on.

MARKUS 8:23

Boema Yesus ho'u na hataholi pokek ndia lima na de nalala'on leo kota deak neu. Basa boema, Yesus mu'di ape neu hataholi ndia mata na. Boema Ana tao lima na neu hataholi ndia mata na de natanen nae, “Ade besak ia o hapu mita hata esa so do beik?”

HATAHOLI 13:11

Besak ia meten te, neukose Lamatua ka huku-doki o! Neukose o da'di pokek, fo o ta mita le'do mata na, nai faik de'ubee dale na.” No hatematak ndia boe, Elimas name'da makamamasu nggeo ka potiketu mata na de nalosa ana la'ok nafangganggao sanga hataholi fo ana helan.

HATAHOLI 7:36

Musa ia nde hela-nole leoina Israe la kalua leme Masir mai, ninik ana tao manda'di beuk, ma dede'a matuaina la neme Masir, neme Tasi Pila sa, ma neme mo maloa teuk hahulu dale na.

HATAHOLI 9:8

Boema Saulus fo'a napadeik de nalaak mata na, tehu ana ta hapu nita hata-hata so'on. Da'di ala ho'u lima na fo lalala'on leo kota Damsyik-ka dalek neu.

GALATIA 4:24

Dede'ak ia, taon da'di nakasasamak esa. Ina kaduak sila la, nde bee na, sama na leo hehelu-balataak dua: fo esa da'di neme Lete Sinai mai fo nde Hagar; ana nala nanabongik da'dileo ata.

ULANGAN 29:1

Dede'a-kokolak hehelu-balataak ia-la nde, no Manetualain paletan-na de, Musa taon no leoina Israel-la, nai lelek bei leme dae Moab-pa. Hehelu-balataak sila-la, nalupa tatamak neme hehelu-balataak fo Manetualain taon no leoina Israel-la, neme Letek Sinai-a.

ULANGAN 29:12

Emi Manetualain-ma, Ana tao hehelu-balataak no emi, de emi basa-basam-mala makabubuan-na i ia, soaneu pa'a mahele hehelu-balataak ndia, ma emi sipo emi bela-ba'um-mala.

ULANGAN 29:25

Soona, natataan-na nae, ‘Hu kande, ala ta nau sipok, sila bei-ba'i kain-nala Manetualain, hehelu-balataan fa; hehelu-balataak fo, Ana taon ba'eneu sila, nai lelek nos kalua leme Masir mai.