IBRANI 7:27 - Susula Malalaok Hehelu Palak Ma Hehelu Beuk

²⁷ Ana ta sama leo imam matua ina fe'e kala fa, fo tunga faik, muse ala fe tutunu-hohotuk nakahuluk nana sila sala-singo nala, fo besa ka soaneu hataholi kamahehele kala sala-singon. Tehu Yesus fe tutunu-hohotuk ka'da la'iesa mesa kana, soaneu losa dodoo na, nai lelek Ana tunu-hotu ao ina na mesa kana, da'dileo tutunu-hohotuk.

IBRANI 7:27 ပူးပေါင်းရင်းမြစ်များ

YESKIAL 43:19

Ka'da imam fo, leme Zadok neme leo Lewi-a, tititi-nonosin, nde bole mai leo Au matang mai, fo ala tao mamasok. Au, Manetualain Fo Mademaina, nde fe paleta ndia. Fes sapi maneanak esa, soaneu tutunu-hohotuk fo, sala-singok hapu do'o do ampon.

IMAMAT 16:11

Harun tunu-hotu, ma ana do'do basa sapi mane-a, soaneu tutunu-hohotuk neu ndia no teidale-bobongin-nala sala-singon hapu do'o do ampon,

IMAMAT 16:15

Basa ndia soona, Harun muse do'do bi'ihiik soaneu tutunu-hohotuk, fo hataholi Israel-la sala-singon hapu do'o do ampon. Muse neni bi'ihiik ndia daan-na leo Kama Malalao-malalafuk nanseli-a dalek neu, fo ana pisin neu Peti Hehelu-balataak-ka tatanan-na uluk, ma neu Peti uluk, sama leo ana tao basan nenik sapi mane-a, daan-na so.

IMAMAT 16:6

Harun muse tunu-hotu sapi mane esa, soaneu tutunu-hohotuk neu ndia no teidale-bobongin-nala sala-singon hapu do'o do ampon.

ROMA 6:10

Kristus mate soaneu sala-singo ka. Kristus mamaten ndia, ana da'di ka'da la'iesa, losa dodoo na. Boema Kristus maso'dan besak ia, nde been-na naso'da soaneu Manetualain.

EFESUS 2:22

Hu no maso'dak fo da'di esa no Kristu sa de, emi boeo nananafofo'ak sama-sama no hataholi fe'e kala, da'di uma esa soaneu Manetualain; fo Manetualain no Dula dale na, leo lai ndia.

EFESUS 5:2

Ela leo bee na, susu'e ka koasa emi so'da ma, sama leo Kristus boeo, Ana sue-lai emi. Ana fe heni ao ina na soaneu ita, da'dileo tutunu-hohotu kaboominik esa fo ana tao namahoko Manetualain dale na.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

IBRANI 5:1

Imam matua ina, nanahelek neme hataholi kamahehele kala tala'da mai, ma nanaso'uk soaneu nalalalau-naoono Manetualain da'dileo hataholi kamahehele kala lima boa kona na. Bela-ba'un nde, ana tunu-hotu fe Manetualain, fee-feek ma tutunu-hohotuk soaneu sala-singo kala nanafe do'o do ampon.

IBRANI 5:3

Ma hu ka nde tapandoen ndia de, metema ana fe tutunu-hohotuk, soona ta ka'da hu ka nde hataholi kamahehele kala sala-singo nala fa, te huka nde ndia sala-singo nala boe.

IBRANI 8:4

Leo uni ka, nai daebafak ia soona, neukose Ana ta da'di imam fa, nana hapu imam, soaneu ana fe tutunu-hohotuk, fo nananoke nakasetik nai agama Yahudi a hoholo-lalanen dale.

IBRANI 9:12

Kristus masok leo Kama Malalao Malalafuk manai uma lopo ndia dalek, ka'da la'iesa mesa kana, soaneu losa dodoo na. Nai lelek ndia, Ana ta nini bi'i mane daa, do sapi ana daa soaneu tutunu-hohotuk fa, tehu nini daa na mesa kana, ma no enok ndia, Ana soi-po'i ita losa dodoo na.

IBRANI 9:14

Naa, metema bi'i daa no sapi daa, ala hapu tao balisi hataholi a neme sala-singon mai soona, muda hata no Kristus daa na bai! Tunga Dula Dale mana ketu basa ta ka, de Kristus tunu-hotu aoina na da'dileo tutunu-hohotu matetu-mandaak soaneu Manetualain. Kristus daa na, ana tao nalalao ita dale na, neme agama ito ato mana da'di taan ndia mai, fo ita hapu talalau-taoono Manetualain fo maso'dak dia.

IBRANI 9:25

Imam matua ina Yahudi la, tunga teuk soona, ala do'do lini bana esa daa na, fo ala masok leo Kama Malalao-Malalafuk ndia dalek leu. Tehu Kristus ta neu tunu-hotu fali-fali no ao ina na, nai ndia fa.

IBRANI 9:26

Hu ka nde metema leondiak soona, dede'ak ndia sosoa na nae, Kristus doidoso fali-fali, mulai neme daebafak ia da'di makasososa na mai so. Tehu besak ia, ita bubuluk, nai fai makabuin ia, Ana mai ka'da la'iesa, de Ana loseheni ita sala-singon, ninik Ana tunu-hotu aoina na.

IBRANI 9:28

Leondiak boe Kristus nanatunu-hotuk ka'da la'iesa, soaneu Ana loseheni hataholi ba'u sala-singon. Neukose Ana mai seluk nai kala'i dua na, tehu Ana ta mai naketu-nala'di dede'a sala-singok fa, te Ana mai soi-tefa hataholi mana mahani mamai na.

IBRANI 9:7

Imam mana masok leo uma lopo ndia kama mate'e na neu a, ka'da imam matua ina mesa kana. Teuk esa soona, ana leo kama ndia dalek, ka'da la'i esa. Neu soona, nini bana daa, fo ana tunu-hotu fe Manetualain, soaneu ndia sala-singon, ma soaneu hataholi kamahehelek see, fo ta name'da fa te ana tao sala-singok so.