IBRANI 6:7 - Susula Malalaok Hehelu Palak Ma Hehelu Beuk

⁷ Da'e fo mana musi oe u'dak fo nasi'a u'da na kona neu lain, boema nakamomolik bubu'u palusa fo masosoa-ndandaak soaneu hataholi mana bubu'u-palusa nana, Manetualain ba'e-pala dae ndia.

IBRANI 6:7 ပူးပေါင်းရင်းမြစ်များ

KEJADIAN 1:11

Manetualain kokolak seluk nae, “Ela leo been-na, dae-a, ana kalua basa hata manamolik lala'en-na, fo nde ai fo, naboa ai de'e mata-matak-kala, ai maboa mata-matak-kala.” Boema, ana da'di leona.

KEJADIAN 27:27

Lelek Yakob deka soaneu de'in boema, Isak de'i hapu Esau bua papaken-na boo na, boema ana baba'e-papalan. Isak nae, “Au anang-nga boo na mala'dahiik sama leo mook fo Manetualain ba'e-pala basan, boo na.

MAZMUR 126:6

Hataholi neu sele-nggali, bini-ngges nai tinan-na no luuoen-na titi boto-boto soona. Neukose losa fain-na te, ana fali no neni tinan-na buna-boan no nakameek ma namahoko-seteleek.

MAZMUR 24:5

Hataholi ndia nde, neukose Manetualain ba'e-palan ma soi-tefan, ma Manetualain nafa'da nae, hataholi ndia salan ta.

YESAYA 44:3

Nana, neukose Au fe oe leo dae tuuk-ka neu, ma Au fe lee-la, ala faa lai dae tokotik-kala. Neukose, Au fe Au koasang-nga, neu o tititi-nonosim, ma Au fe o upu-anam, baba'e-papalak.

YESKIAL 34:26

Neukose Au fes baba'e-papalak, ma Au fes loak, fo ala leo lai Au pupuku malalao-malalafung-nga, boboa-kaisun. Metema ala paluu u'dan soona, neukose Au fes.

HOSEA 10:12

Au afa'da ae, ‘Hai, Israel! Ta'ti tina beuk soaneu o, fo sele-nggali bini-ngge ndoos ma matetuk, fo ketu-kolu baba'e-papalak, fo buna-boak neme o susue-lalaim te'e-te'e neu Au-a. Nana fain-na losa, o sanga Au, fo o Manetualaim-ma. Neukose Au mai, fo Au akona fe o, Au u'da baba'e-papalang.’

IMAMAT 25:21

Nai teu ka neen-na dalek, neukose Manetualain ba'e-pala dae-a, nalosa buna-boan dai soaneu teuk telu.

MALEAKHI 3:10

Meni la'iesak emi tunu-hotum, baba'ek esa neme 10 mai, leo Au Umang-nga neu, fo ela hapu nana'a-nininuk sasi kao-kao nai naa. Fola Au, soona neukose emi mita, mae Au soi heni basa lelesu nusa so'dak-ka, fo Au ba'e-bati emi nenik hata malole lala'en-na.

MATEOS 7:8

Nanahu see noke soona, neukose ana sipo; see sanga soona, neukose ana hapu; ma see dedelu lelesu a soona, neukose lelesu a nanasoik.

2 TIMOTIUS 2:6

Hataholi mana tao tina osi esa, ana puselaipana no ue-le'din soona, ndia nde nanuu haak, hapu bubu'u-palusan buna boan.

YAKOBIS 5:7

Hu ndia, tolano-tolanoo ngala lemin! Boso haelai mamanasa losa Lamatua ka fai mamai na. Mete mitak hataholi mana tao tina osi esa, nahani losa dae oen nini fen buna boa kabelik. Ana ta haelai namanasa fa, te nahani nahele u'da oe faa ka ma u'da oe timu a.