IBRANI 6:4 - Susula Malalaok Hehelu Palak Ma Hehelu Beuk

⁴ Nanahu, hataholi mana fali dea basa ka, ta bisa hela-nole fali kana fa. Makahulu na sila nai mangale'dok maneme Manetualai na dalek, ma lame'da lita Manetualain baba'e-papalan so. Sila boeo, Manetualain Dula Dale na koasa nalas so.

IBRANI 6:4 ပူးပေါင်းရင်းမြစ်များ

IMAMAT 13:55

Boema, imam-ma muse palisak seluk-kana. Metema, pulu po'ok ndia ta sii dapa-dapa fa, tehu dulan-na bei mana-manan soona, buas ndia bei manggenggeok, de muse hotu henin, leomae pulu po'ok ndia ka'da nai buas ndia uluk, do nai dean-na.

IMAMAT 14:43

Metema, nggati basa uma ndia batun-nala, ma lose basa papala nanadaman-na, boema pelestel seluk-kana so, tehu ta'du-tana ndia da'di seluk,

BILANGAN 24:3

de ana kokolak hala nafa'da elak-ka nde ia nae, “Bileam, fo Beor anan-na, hala hehelun-na nde ia, hataholi mananitak esa, hala-kokolan

MATEOS 12:45

Boema ana fali de, nalo no seluk dula dale mangalauk hitu, mangalau nala lena heni ndia. Basa boema ala masok leo hataholi ndia dalek leu de ala leo leme ndia. Neu mate'e na, hataholi ndia ha'da tataon, mangalau ba'u lena heni makasososa na. Ha'da tatao matak leondia ka, ana da'di neu hataholi mangalauk besak ia la boe.”

MATEOS 5:13

“Emi ia masi daebafak. Metema masi ka masin ta soona, ade hapu tao namasi selu kana do? Masik ndia sosoa-ndandaan ta so, de ka'da tapahenin fo hataholi la heheta-aa'i lakalulutu kana.

YOHANIS 15:6

Metema see ta da'di esa nahele no Au fa soona, neukose nanatapahenik, sama leo ai ndana ka, fo namatuu. Neukose ala tao lakabubua ai ndanak leo sila kala, fo ala tapas leo ha'i dale neu, fo ala hotuhenis.

YOHANIS 3:27

Tehu Yohanis nafa'das nae, “Metema Manetualain ta fe hataholi daebafa ka hata esa boen, soona hataholi daebafa ka ta nanuu hata esa boen.

YOHANIS 4:10

Tehu Yesus naen nae, “Leo uni ka o bubuluk Manetualain baba'e-babatin, boema o bubuluk see nde mananoke o oe ia soona, tao leo bee o, o nde moke masafali hataholi ndia oe, soona neukose Ana fe o oe maso'da ka.”

YOHANIS 6:32

Boema Yesus nafa'das nae, “Mamahele leona: te Au Amang nde fe emi loti matetu ka neme nusa so'da ka mai, te ta Musa fa.

HATAHOLI 10:45

Hataholi Yope kamahehelek fo mana tunga Petrus ala, nde bee na hataholi Yahudi sila la. Basa-basas dodoo doa kana lita Manetualain fe Dula Dale na neu leoina fe'ek fo ta hataholi Yahudi la fa.

HATAHOLI 11:17

Da'di, dede'a na ana mangale'do nae, Manetualain fe hataholi ta Yahudi la baba'e-babatik matak esa, sama leo Ana fen neu ita, nai lelek fo ita tamahele Lamatuak Yesus Kristus. Hu ndia de, hapu nai bee, au kenaka'i Manetualain!”

HATAHOLI 15:8

Boema Manetualain fo mana bubuluk basa hataholi daebafa ka dale na, nafa'da basa nae, Ana sipok hataholi sila la. Nafa'da dede'ak ndia ninik Ana fe Dula Dale na neu hataholi sila la sama leo Ana fe basan neu ita so.

HATAHOLI 8:20

Tehu Petrus naen nae, “Soe ba'eneu o mo o doi ma! O maedaenga o hapu asa Manetualain baba'e-babatin ninik doik do?

ROMA 1:11

Nana au ahiik anseli atongo o emi, fo ela ita taba'e Manetualain Dula Dale na, ma baba'e-babatin fo enok ndia, au tao atetea-ahehele emi.

2 KORINTUS 4:4

Nitu lalais fo manakoasa daebafak ia, nde babaa ketu hataholi kamahehele tak sila la dudu'a-aafin. Ndia nde napanggengge sala, fo ela ala ta lita mangale'dok maneme Hala Malole la'eneu Kristus matua-mademan, fo nalupa Manetualain dula na.

2 KORINTUS 4:6

Manetualain fo nafa'da nae, “Ela leo bee na neme makahatuk dale mai, mangale'do ka tii,” Manetualain ndia nde nakatitiik mangale'dok ndia nai ita dalen dale, fo ela ita dudu'a-aafin da'di mangale'dok fo ita talelak matalolole Manetualain mandela-masa'an fo nandela-nasa'a neu Kristus mata-panan.

GALATIA 3:2

So'ba mafa'da su'dik au, dede'ak esa nde ia: Ade emi sipo Manetualain Dula Dale na, nanahu emi tao tunga agama hoholo-lalanen, do hu ka nde emi mamanene Manetualain Hala Malole na, boema emi mamahele Kristus do?

GALATIA 3:5

Manetualain fe Dula dale na neu emi, ma Ana tao mana da'di beu kala nai emi tala'da. Ade Manetualain fe basa sila la neu emi, hu ka nde emi tao tunga agama hoholo-lalanen do, hu ka nde emi mamanene Hala Malole ndia boema emi mamahele Kristus?

EFESUS 1:18

Au dokodoe neu Manetualain, fo ela Ana soi emi dudu'a-aafi mala, fo ana mangale'do; fo ela emi malelak hata fo emi mamahenan neme Manetualain fo mana maloo emi a. Fo ela emi boeo bubuluk, baba'e-papala mana'a hiik ma mana sasikao-kao ka, fo Manetualain sadia basan ba'eneu hataholi kamahehele nala so;

EFESUS 2:8

Manetualain sue-lai emi, hu ndia de Ana soi-tefa na emi, nanahu emi mamahele Yesus. Emi so'da-molem ndia, ta neme emi ue-osam buna-boan mai fa, te hu ka nde Manetualain baba'e-babatin. Da'di, ta hapu hataholi esa boen, fo ana koao la'eneu dede'ak ndia fa.

EFESUS 3:7

Manetualain fe au baba'e-babati hehelik fo nde bela ba'u ka soaneu au tao amaloloa Hala Malole ndia. Au sipo baba'e-babati hehelik ndia, tunga Manetualain koasan fo, ana tao-no'i nai au ao inang dale a.

EFESUS 4:7

Ita esa-esa na, sipo baba'e-babati hehelik esa, tunga hata fo Kristus fe nana.

1 TIMOTIUS 4:14

Boso mafandele henin fo pake Manetualain Dula Dale na fe o baba'e-babatin ndek lelek fo mauli-malanga salani kala lalaa lima nala neu o langam lai na, ma boso mafandele heni hata fo nabi la lafa'da elan soaneu o so'da ma.

2 TIMOTIUS 2:25

Hataholi ndia, muse nanoli hataholi mana lena-la'ba kala no mangana'uk; fo ela leo bee na, Manetualain fe hataholi sila la, fai loak soaneu ala tuka tei-sale dale leme sala-singo nala mai, fo lalelak nanoli ndo sa.

2 TIMOTIUS 4:14

Nana Aleksander fo tuka liti ndia, ana tao mangalauk ba'u ka la'eneu au so. De neukose Lamatua ka, Ana balas ana, nandaa no tatao-nono'in.

IBRANI 10:32

Mafandele emi ha'da-tataom tao leo beek nai fai maneu ka. Nai lelek ndia, Manetualain sa'a na nasalaa basa neu emi soona, emi ba'u ka doidoso. Tehu tunga-sanga mahele no makakaatimi.

IBRANI 2:4

Fe'ek neme ndia mai, Manetualain boetai tao natetea-nahehele hataholi sila tutui-bebengan, ninik Ana tao manda'di beu matak-mata kala, ma dede'a matua ina la, boema Ana baba'e fee-feek maneme Dula Dale ka, tunga hihii-nanau mesa na.

1 YOHANIS 5:16

Metema emi mita emi nonoo salanim esa, ana tao salak esa, leomae ta nini mamates fe fan, soona ela leo been-na, emi hule-haladoi neu Manetualain fo Ana fe hataholi ndia, maso'da matetu ka, ma mana ketu basa ta ka. Dede'ak ia nandaa no hataholi fo ana tao salak, te salak ndia ta nini mamates fe fan. Tehu emi boso hule-haladoi neu Manetualain, soaneu hataholi fo sala na nini mamates. Emi tao salak soona, hule-haladoi neu Manetualain.