IBRANI 6:19 - Susula Malalaok Hehelu Palak Ma Hehelu Beuk

¹⁹ Ita namahenan ndia, sama leo naka fo nana pa'ak dema na seli nai oe dale, ma nalupa hoho'u matea, ma nee-nee-lino-linok, ba'eneu ita so'da na. Namahenak ndia, ana tola seli tema maloa manai Kama Malalao ka, nai Manetualain Uman manai nusa so'da ka.

IBRANI 6:19 ပူးပေါင်းရင်းမြစ်များ

MAZMUR 39:7

so'dan-na sapu-lalo sama leo salaok-ka. Ana nakalupu ka'da hata fo, sosoa-ndandaan ta; ana nakaduduluk hata-heto, tehu ana ta bubuluk see kande pake-nggao-nana fa.

MAZMUR 42:11

Au daleng-nga nakalulutuk, nanahu musu-a hakinonolin-na. Ala latane lakandoo lae, “O Manetualaim-ma, nai bee?”

MAZMUR 42:5

Au daleng-nga he'dis-sa, metema au afandele fai makahulun-na, lelek au u leo Manetualain Uman sama-sama o hataholi makadotok, fo tao fai malole. Au la'ok nai hataholi fo langanongo-a uluk no eeki-natadalek ma nakamee kokoa-kikiok.

MAZMUR 43:5

Tao le'e de, au daleng-nga he'dis-sa, ma ta tesa-tama fa? Au amahena neu Manetualain, boema neukose au oke makasi seluk neun, neu au Manetualaing-nga ma au manasoi-manatefang-nga.

YESAYA 12:2

Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

YESAYA 28:16

Hu ndia de, Manetualain Fo Mademainan-nafa'da nae leo ia, “Neukose, Au tao uma latek fo, matea ma mahelek nai Sion; batu bu'uk kabelik esa, fo nanasulak nai batu ndia nae, ‘See fo namahehelena matea-mahelek soona, neukose ana ta nau kala fa.’

IMAMAT 16:15

Basa ndia soona, Harun muse do'do bi'ihiik soaneu tutunu-hohotuk, fo hataholi Israel-la sala-singon hapu do'o do ampon. Muse neni bi'ihiik ndia daan-na leo Kama Malalao-malalafuk nanseli-a dalek neu, fo ana pisin neu Peti Hehelu-balataak-ka tatanan-na uluk, ma neu Peti uluk, sama leo ana tao basan nenik sapi mane-a, daan-na so.

IMAMAT 16:2

nae, “Manduku-malosak neu o tolanoom Harun, mae ka'da neu faik fo nananaketuk-ka, besak-ka ana bole masok leo Kama Malalao-malalafuk nanseli-a dalek neu, kama ndia, nanata'da fe'ek nenik tema lelesu, nanahu, nai mamanak ndia nde Au atu'du Au aoinang-nga nai ko'as manai Peti Hehelu-balataak-ka lain. Metema Harun la'olena paleta ndia soona, neukose maten.

ZAKHARIA 9:12

Fali leon, hai hataholi nanafook-kala lemin, besak ia, emi manuu namahehenak so. Fali me'um-ma leo emi mamana nasulu-nahapam meu, Neukose Au ba'e-pala ahele emi. Mamanene leona: Neukose Au ba'e-pala emi diku la'i dua nanahu basa doidosok lala'en, fo emi la'ola'din.

MATEOS 27:51

Boema temak nanalonak nai Manetualain Uman dale a, ta'ti ba'en neu biak dua neme lain losa dae. Boema daebafa ka nanggengo, ma lete batu la hea ba'es.

HATAHOLI 23:6

Paulus nita hataholi mana maketu-mala'dik sila la, nggelok hataholi Saduki, ma nggelok hataholi Farisi. Hu ndia de, nafa'da mana maketu-mala'di sila la nae, “Tolano-tolanoo ngala lemin! Au ia hataholi Farisi, fo tititi-nonosi Farisi. Au nanaketu-nala'dik nai ia nana, au amahele hataholi mana mate kala neukose laso'da falik.”

HATAHOLI 27:29

Boema ala bii, neukose ofa ka hala neu batupiak lain de lakona naka kahak manai ofa ka bui na leo tasi oe dale neu. Boema lamahena sa'di leo bee fo mangale'do lai-lai leona.

HATAHOLI 27:40

Boema ala ke'diketu naka la tali nala de lakabobolok henis leo tasi dale leu. Ma ala se'iheni tali fo ala pa'an neu ofa ka uli nala. Basa boema ala hela laa manai ofa langa neu fo ela ani na nini ofa ka leo tasi su'u na neu.

ROMA 4:16

Da'di, Manetualain hala hehelun ndia, tunga ka'da namahehelek neu Manetualai na. Dede'ak ndia ana da'di bua pepe'dak esa soaneu basa Abraham tititi-nonosi nala nae, Manetualain fe hiik hala-hehelun ndia neu sila; ta ka'da neu sila fo manatunga agama Yahudi hoholo-lalanen mesa kana fa, tehu neu sila fo lamahele neu Manetualain sama leo Abraham namahele Manetualain boe. Nana Abraham nde bee na, ita basa-basa tala ama salanin ndia.

ROMA 4:18

Abraham ka'da namahena ma namahele nakandoo, leomae ta hapu namahehenak so'on. Hu ndia de ana da'di amak neu leoina makadotok. Sama na leo nanasulak nai Susula Malalaok dale nae, “Neukose o tititi-nonosim lamade'u-lamaba'u lanseli.”

ROMA 5:4

boema natea-nahele ka tao na hataholi a nakatatakak sosoba-susu'di ka; fo namahehena ka da'di neme ndia mai.

1 KORINTUS 13:13

Da'di soaneu hatematak ia, hapu dede'ak telu fo ita muse tao-no'i taheles fo nde: namahele ka, namahena ka, ma nasue-nalai ao ka. Neme dede'a ka teluk sila la, fo nanapaluu nanseli a nde, sue-lai hataholi fe'ek.

1 KORINTUS 15:58

Hu ndia tolano-tolanoo susue-lalai ngala lemin! Ela leo bee na, emi balakaik ma matea-mahele. Maue-male'di makandoo soaneu Lamatua ka no te'e-te'ek, nana emi bubuluk mae, hata fo emi tao-no'in soaneu Lamatua ka, ta palsuma fa.

EFESUS 2:6

Hu ka nde ita da'di esa to Kristus Yesus, de Manetualain tao naso'da falik ita sama-sama to Kristus, fo daenga ita paleta sama-sama ton nai nusa so'da ka dalek boe.

KOLOSE 1:27

Manetualain nau nafa'da salani nala nae, hala nafunin ndia, malole na seli soaneu hataholi daebafa ka lala'e na. Hala nafunik ndia nde: Kristus nai emi dalem dale. Dede'ak ndia sosoa na nae, tao leo bee o, emi mamahoko sama-sama mo Manetualain nai mamana mandela-masa'a na dalek.

KOLOSE 3:1

Emi nanatao naso'da falik sama-sama mo Kristus so. Hu ndia de, emi muse sanga enok soaneu emi hapu hata manai nusa so'da ka, fo nai bee Kristus paleta sama-sama no Manetualain.

2 TIMOTIUS 2:19

Tehu batu netes fo Manetualain nafofo'a ka, matea-mahelek, ta hapu hataholi nanggenggengok nala fan. Nanasulak nai batu netes ndia lain nae, “Lamatua ka nalelak Ndia hataholi nala,” boema “Hataholi fo nafa'da nae, Lamatua ka hataholin ndia, soona hataholi ndia, muse ana hahae tao-no'i tatao-nono'i masalak.”

IBRANI 4:16

Hu ndia de mai leona, fo no tene henuk, ata teu tataa Manetualain, fo Ana paleta no dale malole ndia. Neukose Manetualain sue-lai ita, ma Ana ba'e-pala ita, fo ela ita hapu tutulu-fafalik nandaa neu fai na.

IBRANI 9:3

Nai dalek, fo nai tema maloa kama kadua dea na, hapu kama esa nai ndia, fo ala foi kama ndia na'de, Kama Malalao-Malalafuk.

IBRANI 9:7

Imam mana masok leo uma lopo ndia kama mate'e na neu a, ka'da imam matua ina mesa kana. Teuk esa soona, ana leo kama ndia dalek, ka'da la'i esa. Neu soona, nini bana daa, fo ana tunu-hotu fe Manetualain, soaneu ndia sala-singon, ma soaneu hataholi kamahehelek see, fo ta name'da fa te ana tao sala-singok so.

1 PETRUS 1:3

Mai fo toke makasi neu Amak Manetualain, ma ita Lamatuan Yesus Kristus! Ana sue-lai na ita ba'una seli, hu ndia de, Ana fe ita so'da beuk ninik Ana tao naso'da falik Yesus Kristus neme mamate sa mai. Dede'ak ia, nini fe ita namahehena matea-mahelek.