IBRANI 6:16 - Susula Malalaok Hehelu Palak Ma Hehelu Beuk

¹⁶ Metema hataholi a soo-supa soona, ana soo-supa ninik hataholi fe'ek fo dema lena neme ndia mai, soona soo-supak ndia, ana tao nakamate basa nale'a-napilik lala'ena.

IBRANI 6:16 ပူးပေါင်းရင်းမြစ်များ

KEJADIAN 14:22

Tehu, Abram nataa nae, “Au soo nai Manetualain, Fo Mademaina, manamaka dada'dik lalai-a, ma daebafak-ka matan,

KEJADIAN 21:23

Hu ndia de, soo-supa nai ia, fo nai Manetualain matan, mae neukose, o ta tao mangalauk soaneu au, nau soaneu au anang-ngala, do au tititi-nonosing-ngala fa. Sama leo, au daleng-nga malole soaneu o, tao leondiak boe, soaneu au, ma soaneu nusak fo o leon ia.”

KEJADIAN 21:24

Boema, Abraham nae, “Hei, au soo-supa.”

KEJADIAN 31:53

Manetualain fo Abraham sene-do'ok-ka, ma au amang Nahor sene-do'ok-ka, neukose ana da'di manamaketu-mala'dik neu ita.” Boema Yakob soo nenik Manetualain, fo aman Isak sene-do'ok-ka na'den-na, fo ana tao natetu hehelu-balataan.

2 SEMUEL 21:2

(Hataholi Gibeon-nala, hataholi Israel ta sila fa; hataholi sila-la, nanalekek nai hataholi Amori bubuaanak esa dalek. Hataholi Israel-la laheluk basa, neukose lasulu-lahapas, tehu Saul sanga enok fo ana tao namopo-namates, nanahu ana dudu'a-dodoo ka'da hataholi Israel-la loo hataholi Yehuda-la paluun-nala.) Boema, Dauk naloo hataholi Gibeon sila-la,

KELUARAN 22:11

Soona ana muse neu leo mamanak makaluku-makatele neu fo ana soo pake Manetualain na'den-na, nae ndia ta namanako bana fo ala fen ana ho'un ndia fa. Metema memak ta namanako-na fan soona, manonuuk-ka, muse lu'a-lepa hutak ndia, ma hataholi mana makaboboi-a, ta paluu bae hutak fa.

GALATIA 3:15

Tolano-tolanoo ngala lemin! Malole lenak au pake nakandandaak neme ita maso'da mandoo fai na mai. Metema hataholi esa, naheluk no hataholi esa, fo ala paku lisa hala heheluk ndia soona, ta hapu hataholi esa boen, tao nakamate hala heheluk ndia, do tama seluk dede'a beuk neu hala heheluk ndia.

IBRANI 6:13

Lelek fo Manetualain helu neu Abraham, Ana soo-supa, nae neukose Ana tao natetu hata fo Ana helu ka. Ma hu ka nde ta hapu hata fo dema lena neme Ndia mai, soona Manetualain soo-supa ninik na'de na mesa kana.