IBRANI 6:13 - Susula Malalaok Hehelu Palak Ma Hehelu Beuk

¹³ Lelek fo Manetualain helu neu Abraham, Ana soo-supa, nae neukose Ana tao natetu hata fo Ana helu ka. Ma hu ka nde ta hapu hata fo dema lena neme Ndia mai, soona Manetualain soo-supa ninik na'de na mesa kana.

IBRANI 6:13 ပူးပေါင်းရင်းမြစ်များ

1 TAWARIKH 16:16

Ana tao hehelu-balataan ndia no Abraham, de basa boema no Isak,

KELUARAN 32:13

Mafandendelek O atam Abraham, Isak ma Yakob. Mafandendelek mae O maheluk pake sosoo-susupak soaneu O fe sila tititi-nonosin de'u nduuk manai lalai, boeo mafandendelek mae O fe la'iesak dae fo O heluk ndia, fo neukose ana da'di sila tititi-nonosin pusakan losa dodoon-na.”

YESAYA 45:23

Au helu basa so, de Au hehelung-nga, neukose ta hela falik-kana fa; Au soo inik Au na'deng-nga: Basa hataholi-la, neukose ala senek nai Au matang, ma laheluk nai sila dede'an-na dalek, soaneu lilineka neu Au.

YEREMIA 22:5

Tehu metema emi ta tao tunga Au paletang ia fa soona, Au soo-supa ae, neukose uma manek ia ana da'di batu-ai madodok. Au, Manetualain, nde manakokolak-ka.

YEREMIA 44:26

Tehu besak ia mamanene hata fo Au afa'dan neu emi, hai hataholi Israel manai Masir lemin; Au, Manetualain, soo-supa unik Au na'deng-nga fo matua-madema de Au ta po'i emi pake Au na'deng-nga soaneu tao naheluk esa so'on. Emita bole mafa'da mae, ‘Au soo-supa unik Manetualain fo maso'dak-ka!’

YEREMIA 49:13

Au soo-supa emi nenik Au na'deng-nga mesak, neukose kota Bozra ana da'di mamana nakabibiik fo nana la'o elak. Neukose hataholi-la hika ma ala pake na'den-na da'di huhukuk. Basa nusa titia-tatain-nala da'di nakalulutuk losa dodoon-na. Au, Manetualain nde manakokolak-ka.”

YESKIAL 32:13

Neukose Au taoisa o bana-manum nai lee-la su'un-na, fo sila mamana ninu oen-na. Nau hataholi do bana-manu boe, neukose ala ta tao kelupua lee sila-la oen-na so'on.

MIKHA 7:20

Soaneu O anam-mala, fo Abraham ma Yakob tititi-nonosin, neukose O matu'du O lilinekam ma O susue-lalaim fo ta nanuu too-lane ndia, sama leo hata fo makahulun eli O helu basan neu ami bei-ba'i kaim-mala so.

LUKAS 1:73

Ana soo-supa no Abraham fo ita aman, ma Ana helu soaneu Ana soi-tefa na ita teme ita musu no nala mai, fo ela ita talalau-taoonon boso no bibii-namata'uk,

GALATIA 3:15

Tolano-tolanoo ngala lemin! Malole lenak au pake nakandandaak neme ita maso'da mandoo fai na mai. Metema hataholi esa, naheluk no hataholi esa, fo ala paku lisa hala heheluk ndia soona, ta hapu hataholi esa boen, tao nakamate hala heheluk ndia, do tama seluk dede'a beuk neu hala heheluk ndia.

GALATIA 3:18

Nanahu metema Manetualain fe fee na, namahena neu agama hoholo-lalanen soona, fe feek fo Ana helu ka, ta nde ndia fa. Nana hu ka nde Manetualain helu basan neu Abraham de, tao leo bee o Ana fen neu.

ULANGAN 1:8

Au, fo Manetualain helu basa, Au fe dae ndia neu emi bei-ba'i kaim Abraham, Isak ma Yakob no basa sila tititi-nonosin-nala. Da'di, meu fo mangatuu-ma, dae ndia leona.’ ”