IBRANI 5:8 - Susula Malalaok Hehelu Palak Ma Hehelu Beuk

⁸ Yesus nde bee na, Manetualain Anan, tehu leomae leondiak boeo, Ana nanoli nakatele tunga doi-doson.

IBRANI 5:8 ပူးပေါင်းရင်းမြစ်များ

YESAYA 53:5

Tehu nakahina, hu kande ita sala-singon, ma nanafepak nenik ue hu kande ita tatao-nono'i mangalaun-na. Nanahukuk, fo ela ita nanasoi-tefak, nanahu ue-a leen-nala, de ita nantao nalea-nahaik.

MATEOS 3:15

Tehu Yesus nae, “Neme na fo basa sila lala'ena, ala da'di. Nanahu no enok ndia de, ita tao tatetu Manetualain hii-nanaun.” Boema Yohanis salani Yesus leona.

YOHANIS 10:18

Ta hapu hataholi esa boen, hapu ho'i fali kana neme Au mai fa. Nana Au fen tunga Au hihii-nanau mesa nga. Au anuu koasa soaneu Au feheni Au maso'da nga, ma anuu koasa soaneu ho'i fali kana. Bela-ba'uk ndia, Au sipon neme Ama ka mai.”

YOHANIS 15:10

Makanaema emi makalala'ok Au paleta nga, ma emi ho'u mahele Au susue-lalaing sama na leo Au ho'u ahele Ama ka susue-lalain, hu ka nde Au akalala'ok paleta nala.

YOHANIS 4:34

Tehu Yesus nafa'das nae, “Au nana'a-nininung nde Au tunga Hataholi mana madenu Au a, hihii-nanaun, boema Au tao akababasak ue-le'dis fo Ana fen neu Au a.

YOHANIS 6:38

Nanahu Au eme nusa so'da ka mai, fo Au ta tao-no'i tunga ka'da Au hihii-nanau mesa nga fa, te Au tao-no'i tunga Amak fo manamadenu Au a, hihii-nanaun.

FILIPI 2:8

Nakaloe-nakadae ao ina na, boema naso'da tunga Manetualain paleta na, losa Ana mate neme ai nggangek lain.

IBRANI 1:2

Tehu nai le'do fai mate'ek ia, Ana kokolak no ita tunga Ana na. Tunga Anan ia nde, Manetualain nakadada'dik lalai ma daebafa ka no basa oe isin lala'ena. Ma Manetualain naketu basa, nae Anan ndia boeo nde nanuu hak nanuu basa hata lala'ena.

IBRANI 1:5

Beita la'iesa fo Manetualain nafa'da nae leondiak neu ata nusa so'dak esa boen nae, “O nde Au Ana nga; nai faik ia dale na, Au da'di O Amam.” Beita la'i esa boen, fo Manetualain nafa'da nae leo ndia la'eneu ata nusa so'dak bee boe nae, “Neukose Au da'di ndia Aman, ma neukose Ana da'di Au Anang.”

IBRANI 1:8

Tehu neu Anan ndia, Manetualain nafa'da nae, “O nde bee na Manetualain, ma neukose O paleta da'dileo Manek neme doon losa dodoo na! Neukose O nde koasa ma paleta no matetu na.

IBRANI 3:6

Tehu Kristus lilineka da'dileo Anak fo nde nataa Manetualain Uma na. Ma ita ia nde Manetualain Uma na, metema ita manggate tahele ma tamahele tahele soona ita hapu hata fo ita tamahena ka.