IBRANI 5:7 - Susula Malalaok Hehelu Palak Ma Hehelu Beuk

⁷ Nai lelek fo Yesus naso'da neme daebafak ia, Ana hule-haladoi, ma dokodoe no ngganggasik ma kikiik neu Manetualain fo nabe'i soi-tefa nalan neme mamate sa mai. Ma hu ka nde nakatele neu Manetualain no ha'da-holomata henuk neu Manetualain, de Manetualain namanenen.

IBRANI 5:7 ပူးပေါင်းရင်းမြစ်များ

MAZMUR 22:24

Koa-kion leon, hai hataholi kamahehelek-kala lemin! Mamatutua-mamademan leon, hai Jakob tititi-nonosin-nala lemin! Sene-do'ok neun leon, hai basa Israel tititi-nonosin-nala lemin!

MAZMUR 69:1

Soaneu mauli-malanga nakameek-ka. Tunga nakameek: Laisona Se'ba. Neme Dauk mai.

MAZMUR 88:1

Nakameek. Tei dalek Korah Kokoa-kikion. Soaneu mauli-malanga nakameek-ka. Tunga nakameek: Mahalat Leanot. Heman fo hataholi Ezrahi, nakamee nanolin-nafa'da.

YESAYA 49:8

Manetualain nafa'da nan-nala nae, “Nai lelek, Au daleng-nga nau soona, neukose Au ataa; nai Au fai soi-tefang-nga, Au tulu-fali emi. Au asulu-ahapa, ma Au anea emi, ma Au tao emi da'di, hehelu-balataak ba'eneu leoinak-kala Au ta abebeu nusak mananee-nee lino-linok-ka da'di dae pusaka fo nanaleok.

YESAYA 53:11

Hu ndia de, Manetualain nafa'da nae, “Name'da basa doidosok-ka soona, neukose naua-nanale, ma dalen-na, name'da namahokok. Au atang ndia, nde nandaa no Au daleng-nga, ana lu'a-lepa basa, hataholi makadotok huhukun-na so; hu no hataholi ndia de, neukose Au fe do'o do ampon neus.

YESAYA 53:3

Ita takadadaek-kana, ma ta deka to fan, hataholi fo henuk no doidosok-ka, ma biasa ana lu'a-lepa he'di-laus. Hataholi esa boen, ta nau mete fan, ma ita boeo, ta nau taoafik neu fan.

IMAMAT 2:2

Muse nenin leo imam-imam fo Harun tititi-nonosin-nala neu. Imam malalau-maoonok-ka muse ho'in-na ha'desopuk ndia nafanggetek esa, no mina setun-na, ma boomenin-na lala'en-na, fo tunun nai mei tunu-hotuk lain, fo da'di leo ta'du-tana, nae basa-basan lala'en-na, nanatunu-hotuk basak soaneu Manetualain so. Tutunu-hohotu nana'ak ndia boon-na, nandaa no Manetualain dalen-na.

MATEOS 27:46

Li'u telu le'donoso na boema Yesus nalo napane'e nae, “Eli, Eli lama sabakhtani?” fo sosoa na nae, “Ou Au Manetualaing, ou Au Manetualai nga, tao le'e de O la'oela Au?”

MATEOS 27:50

Basa boema Yesus nalo napene'e seluk, boema ketu hahae na.

MARKUS 15:34

Li'u telu le'donoso na boema, Yesus nggasi napane'e nae, “Eloi, Eloi, lama sabakhtani?” fo sosoa na nae, “O Au Manetualai nga, Ou Au Manetualai nga, tao le'e de O la'oela Au?”

MARKUS 15:37

Boema Yesus nggasi tutika maten.

LUKAS 23:46

Boema Yesus nggasi napane'e nae, “Ama! Au fe Au ao paa samaneng leo O limam dale neu!” Ana kokolak basa nae leondia boema maten.

YOHANIS 1:14

Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.

YOHANIS 11:35

Tutika Yesus ki.

YOHANIS 11:42

Au bubuluk O mamanene Au tunga faik, tehu Au afa'dak ia, soaneu hataholi fo manai ia la, fo daenga ela lamahele lae, O nde madenu Au a.”

YOHANIS 17:1

Yesus kokolak basa nae leondia boema, nanganalo leo lalai neu de nae, “Amak, besak ia fai na losa so. De mamatutua-mamadedema O Ana ma leona, fo ela O Ana ma boeo, namatutua-namadedema Ama ka.

ROMA 8:3

Hata fo agama hoholo-lalanen ta hapu tao nala fan, hu ka nde ita hataholi daebafa ka tapandoe na, Manetualain tao basan so. Manetualain sengi sala-singo ka koasa na nai hataholi daebafa ka ha'da-tatao na dalek, ninik Ana haitua Ana na mai no heheo-hihilun sama na leo hataholi daebafa masala-masingo ka, fo Ana kokaheni sala-singo ka.

GALATIA 4:4

Tehu losa fai na nandaa te, Manetualain nadenu Ana na mai leo daebafa ka mai. Inak esa naso'da nai agama hoholo-lalanen dalek, nde bongi ni'iana ndia.

1 TIMOTIUS 3:16

Ta hapu hataholi esa boen, hapu nalelesi nae, basa nanolik fo Manetualain natu'du kala nde bee na, tete'e ka: Natu'du ao ina na, sama leo hataholi daebafa ka. Manetualain Dula Dale na nafa'da nae, ndoos, boema basa ata nusa so'da kala litan. Tutui na, nanatui-bengak nai basa nggileo-bobongi kala tala'da, boema basa daebafa ka lamahelen, ma nanaso'uk leo nusa so'da ka neu.

IBRANI 10:10

Yesus Kristus tao-no'i Manetualain hii-nanaun, nde Ana fe aoina na da'dileo tutunu-hohotuk so. Ana tunu-hotu aoina na, ka'da la'iesa mesakana, soaneu losa dodoo na. No enok ndia Ana tao nalalao-nalalafu ita basa-basa tala neme sala-singo ka mai.

IBRANI 10:5

Hu ndia de, nai lelek fo Kristus mai leo daebafa ka mai a, nafa'da Manetualain nae, “O ta mahiik tutunu-hohotuk ma fee feek fa; nasafali na nae, O sadia basa ao paak ba'eneu Au so.

IBRANI 11:7

Hu ka nde namahehele ka, de Manetualain nafa'da Noh, la'eneu dede'ak fo neukose ala da'di nai fai makabuin; fo ana ta hapu nita fan. Noh tunga Manetualain paleta na, nalosa ana tao na ofak esa, de neu makabui na boema, nananitak ana soi-tefa nan sama-sama no uma isi nala. No enok ndia, daebafa ka nanahukuk, tehu Noh mesa kana, hu ka nde namahehele na de nananafa'dak neme Manetualain mai, da'dileo hataholi fo malole.

IBRANI 12:28

Hu ndia de ela leo bee na, ita toke makasi neu Manetualain, nanahu Ana fe ita nusak esa ta nanggengo fa. Ela leo bee na, ita toke makasi ma sene-do'ok neu Manetualain no ha'da-holomata ma bibii-namata'uk, tunga enok fo mesa kana nahii kana.

IBRANI 13:20

Manetualain tao naso'da falik basa ita Lamatuan Yesus neme mamate sa mai so. Hu ka nde mamaten ndia, de besak ia Ana da'di Mana Foo Matua Ina, ba'eneu ita, fo nde bi'ilopo nala. Mamaten ndia boeo, Ana pakunisa hehelu-balataa manaketu basa tak fo Manetualain taon no ita.

IBRANI 2:14

Hu ndia de, basa hataholi fo noken nae anak ndia, nde bee na mahahae hataholi daebafak fo hapu maten, soona Yesus mesa kana sama hataholi sila, ma leo naso'da nai ha'da-tatao hataholi daebafa ka dalek. Ana tao leondiak, fo ela no mamate na, Ana hapu tao nakalulutuk Nitu fo mana koasa mamate sa.

1 YOHANIS 4:3

Tehu metema hataholi esa, ana ta sipok Yesus fa soona, hataholi ndia ta nanuu Manetualain Dula Dale na fa. Te hataholi ndia nanuu Kristus Musu noo na dula dale na nde ndia. Tolano ka mamanene basa lae, neukose dula dalek ndia, ana mai, de besak ia, ana mai nai daebafa ka so.

2 YOHANIS 1:7

Hataholi mana ke'dindiuk ba'u ka, ala tapasasala leo basa daebafa ka lala'ena leu so. Hataholi sila la nde ta nau sipok Yesus Kristus mai hai neme daebafa ka, boema ta lamahele, Ana da'di hataholi daebafak fa. Hataholi matak leo sila kala, hataholi mana ke'dindiuk, fo Kristus Musu No nala nde hataholi sila la.