IBRANI 4:16 - Susula Malalaok Hehelu Palak Ma Hehelu Beuk

¹⁶ Hu ndia de mai leona, fo no tene henuk, ata teu tataa Manetualain, fo Ana paleta no dale malole ndia. Neukose Manetualain sue-lai ita, ma Ana ba'e-pala ita, fo ela ita hapu tutulu-fafalik nandaa neu fai na.

IBRANI 4:16 ပူးပေါင်းရင်းမြစ်များ

1 TAWARIKH 28:11

Basa ndia boema, Dauk fe gambar soaneu Manetualain Uman-na, gudang-ngala, basa Kaman-nala, ma Kama Malalao-malalafuk nanseli-a, mamanak soaneu fe do'o do ampon neu sala-singok-ka.

YESAYA 27:11

Metema ndanan-nala lamatuu, fo la'dis soona, inak-kala ala mai ko'o lenis fo ala taos da'di ai ha'i. Leoina ndia, ta nalelak hata-hata fa, de sila Manetualain fo, mana makadada'dik-kana, neukose ta sue-lai fas.

IMAMAT 16:2

nae, “Manduku-malosak neu o tolanoom Harun, mae ka'da neu faik fo nananaketuk-ka, besak-ka ana bole masok leo Kama Malalao-malalafuk nanseli-a dalek neu, kama ndia, nanata'da fe'ek nenik tema lelesu, nanahu, nai mamanak ndia nde Au atu'du Au aoinang-nga nai ko'as manai Peti Hehelu-balataak-ka lain. Metema Harun la'olena paleta ndia soona, neukose maten.

EFESUS 2:18

Hu ka nde Kristus da'di lelete de, ita basa-basa – tala nau hataholi Yahudi do hataholi ta Yahudi – boe hu ka nde Manetualain Dula dalen fo kisak ndia de, ita hapu deka to Ama ka.

EFESUS 3:12

No namahehelek neu Kristus, ma da'di esa ton de, Ana ta kena-ka'i ita, soaneu deka to Manetualain no namahele te'e-te'ek.

IBRANI 13:6

Hu ndia de, ita tapalani tafa'da tae, “Au Lamatua nga nde bee na, au manatulu-faling, de au ta bii fa. Hata fo hataholi daebafa ka, hapu tao-no'in neu au?”

IBRANI 3:6

Tehu Kristus lilineka da'dileo Anak fo nde nataa Manetualain Uma na. Ma ita ia nde Manetualain Uma na, metema ita manggate tahele ma tamahele tahele soona ita hapu hata fo ita tamahena ka.

IBRANI 7:19

Agama Yahudi hoholo-lalanen, ta hapu tao na basa hata esa boen, da'di matetu-mandaak fa. Hu ndia de besak ia, namahenak esa nanafek neu ita, fo malole na lena; no enok ndia, fo ita hapu deka to Manetualain.

IBRANI 7:25

Hu ka nde ndia de, soaneu losa dodoo na, Yesus hapu soi-tefa na hataholi-hataholi fo ana mai neu Manetualai na, tunga Ndia, nana naso'da losa dodoo na, soaneu Ana dokodoe neu Manetualain, ba'eneu hataholi sila la.

IBRANI 9:5

Nai Peti ndia lain, hapu mahahae mali'dak dua, fo duas da'di neu ta'du esa nae, Manetualain nai mamanak ndia. Mahahae kaduak sila la, li'da nala lakapepela ketu basa Peti ndia tatana na, fo sala-singo kala nanafe do'o do ampon nai mamanak ndia. La'eneu dede'ak ia, besak ia ita beita hapu tafa'da mangalele'do dede'ak ndia fa.

1 PETRUS 2:10

Makahulu na Manetualain hataholi kamahehelen ta emi fa, tehu besak ia emi da'di Manetualain hataholi kamahehelen so. Makahulu na Manetualain ta sue-lai emi fa, tehu besak ia, Ana sue-lai emi so.