IBRANI 2:13 - Susula Malalaok Hehelu Palak Ma Hehelu Beuk

¹³ Yesus boeo nafa'da nae, “Neukose Au tao Au namahehena nga neu Manetualain.” Ma nafa'da boe nae, “Au nde ia, sama-sama o ni'iana-ni'iana fo O fe basan neu Au a so.”

IBRANI 2:13 ပူးပေါင်းရင်းမြစ်များ

KEJADIAN 33:5

Lelek Esau nita basa inak-kala ma ni'iana sila-la boema, natane nae, “O moo hataholi ia-la, see sila?” Yakob nataa nae, “Au anang sila-la. Manetualain fe basa ni'iana sila-la neu au so.”

KEJADIAN 48:9

Yusuf nataa nae, “Au anang ia la, fo Manetualain fen neu au nai dae Masir ia.” Yakob nae, “Fes mai deka loo au, fo ela au fes baba'e-papalak.”

2 SEMUEL 22:3

Manetualain sama leo kota musu matea-mahelek au mamana nasulu-nahapang. Au Manetualaing-nga, sama leo lete batu, au mamana hahaeaong. Sama leo babaa fanak, fo ana babaa au, ma nanea au, fo ela au nee-nee lino-lino tataasesa.

MAZMUR 127:3

Ni'iana-la nde bee-na, Manetualain baba'e-babatin sila, tete'ek-ka, ni'iana sila-la, ni'iana baba'e-babatik.

MAZMUR 16:1

Dauk kokoa-kikiok. Ou Manetualain, manea au leona, nana au asulu-ahapa neu O.

MAZMUR 18:2

Au sue-lai O, ou Manetualain, O de been-na au be'i-balakaing!

MAZMUR 91:2

bole nafa'da neu Manetualain nae, “O nde au manamasala'eng, ma manamasulu-mahapang-nga, au Manetualaing, fo au amahele neu ka'da O.”

YESAYA 12:2

Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

YESAYA 53:10

Manetualain nde nahiik, nae ana doi-doso-a, ma ana fe aoinan-na neu, fo da'di leo tutunu-hohotuk fo, sala singok hapu do'o do ampon. Boema, neukose teun-na namanalu, fo nita tititi-nonosin, Neukose Manetualain hihii-nanaun nanatao natetuk, tunga ndia.

MATEOS 27:43

Namahele Manetualain, ma nafa'da nae Manetualain Anan Ndia. Naa, mai fo ata mete su'di kana, tete'e ka besak ia Manetualain nau soi-tefa nan do ta!”

YOHANIS 10:29

Au Ama nga, Ana fe basa-basas mai Au, lenaheni basa hata lala'ena. Ta hapu hataholi esa boen, ana loso ninis leme Ama ka liman dale mai fa.

1 KORINTUS 4:15

Nana au nde dadi emi amam, leomae da'dileo hataholi salanik, fafa'ka ma emi hapu mesen lifun sanahulu so. Nai emi maso'dam fo da'di esa mo Kristu sa dale ka, au nde da'di emi amam, nana au uni fe emi Hala Malole la'eneu Kristus.