IBRANI 13:6 - Susula Malalaok Hehelu Palak Ma Hehelu Beuk

⁶ Hu ndia de, ita tapalani tafa'da tae, “Au Lamatua nga nde bee na, au manatulu-faling, de au ta bii fa. Hata fo hataholi daebafa ka, hapu tao-no'in neu au?”

IBRANI 13:6 ပူးပေါင်းရင်းမြစ်များ

KEJADIAN 15:1

Basa ndia boema, Abram hapu ninitak, de namanene Manetualain nafa'dan nae, “Boso bii, Abram, te neukose, Au asulu-ahapa o neme soe-a mai, ma Au fe o ngga'di matuaina.”

1RAJA-RAJA 17:8

Basa boema, Manetualain nafa'da Elia nae,

MAZMUR 124:8

Ita tutulu-fafalin, ana mai neme Manetualain fo, manamakadada'dik lalai no daebafak-ka.

MAZMUR 146:3

Boso mamahena neu manakoasa daebafak, ma neu hataholi daebafak fo, ana ta hapu soi-tefa fa.

MAZMUR 27:9

boso mafuni meme au mai.” Boso mamanasa, ma tipa O atam-ma, nana O nde tulu-fali basa au so. Boso tu'u-tapa do la'oela au, ou Manetualain, fo au manasoi-manatefang-nga.

MAZMUR 33:20

Boema ita tamahena neu Manetualain, Ndia nde ita manatulu-falin, ma manamasala'en-na.

MAZMUR 40:17

Ela leo been-na, hataholi manasene-do'ok neu O-a, lamahoko ma setelee, ma hataholi manasue-lai so'da-molek neme O mai-a, lafa'da lakandoo lae, “Tete'ek-ka, Manetualain matua-madema!”

MAZMUR 54:4

Mamanene au dokodoeng-nga, ou Manetualain, sa'di leo been-na, O taoafik neu au hala-kokolang.

MAZMUR 56:4

Lelek au bii-amata'u-a, au amahena neu O.

MAZMUR 63:7

Lelek au akandondoo nai pepe'uk lain, au afandele neu O; le'odae katemak esa dalen-na, au dodoo-tatai neu O,

MAZMUR 94:17

Leo uni'ka, Manetualain ta tulu-fali au fa soona, tao leo bee-o, au lali leo hataholi manamatek-ka daebafan-na neu.

KELUARAN 18:4

Ana foi ana ka dua-na, na'de Eliezer nanahu Musa nafa'da nae, “Manetualain fo au bei-ba'i kaing-ngala sene-do'ok-ka, tulu-fali au so, ma Ana soi-tefa-nala au, nalosa manek Masir-ra ta taonisa au fa.”

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

YESAYA 41:14

Manetualain nafa'da nae, “Israel, boso bii, leomae o anak-ka, ma tapandoes. Au nde Manetualain, fo manatulu-fali o, Fo Israel Manetualain Malalao-malalafun nanseli-a, nde been-na, o manasoi-manatefam.

MATEOS 10:28

Boso bii neu hataholi kanisa ao paa ka, nana sila ta lanuu koasa, fo tao lisa samane ka fa. Bii neu ka'da Manetualain, fo nanuu koasa taonisa la'iesak emi ao paa samanem nai tasi ha'ik dale.

ROMA 8:31

Ade besak ia ita tae le'e bai? Metema Manetualain nok ita soona, see kande napalani laban ita?

EFESUS 3:12

No namahehelek neu Kristus, ma da'di esa ton de, Ana ta kena-ka'i ita, soaneu deka to Manetualain no namahele te'e-te'ek.

ULANGAN 33:26

“Hai Israel! Ta hapu lamatua daebafak fo, sama leo emi Manetualaim-ma fa; Ana la'ok seli lalai-a no ta hapu manamapanggenggek fa, ma Ana tola seli ko'as-sa, fo Ana tulu-fali emi.

ULANGAN 33:29

Maua-manalek ba'eneu o, hai Israel! Ta hapu leoina fo, Manetualain soi-tefa fas. Manetualain sama leo o tafainam-ma, ma o babaa fanam-ma; fo nasala'e o, ma Ana fe o sesengik. O musum-mala neukose ala mai fo ala dokodoe o dalek-kasiam-ma, ma neukose o heheta-aa'is.”

IBRANI 10:19

Naa, tolano-tolanoo ngala lemin, neme Yesus mamaten ndia mai, de besak ia ita tapalani masok leo Kama Malalao-malalau ka dalek teu.

IBRANI 4:16

Hu ndia de mai leona, fo no tene henuk, ata teu tataa Manetualain, fo Ana paleta no dale malole ndia. Neukose Manetualain sue-lai ita, ma Ana ba'e-pala ita, fo ela ita hapu tutulu-fafalik nandaa neu fai na.

SEMUEL SUSULAK-KA ESAN-NA 23:17

Yonatan nafa'dan nae, “Boso bii, te neukose o ta tu'da leo au amang liman dale neu fa. Ama bubuluk te'e-te'e nae, neukose o nde da'di mane Israel-la, ma nae neukose, au hapu kandela nangatutuuk nai o dae.”