IBRANI 13:16 - Susula Malalaok Hehelu Palak Ma Hehelu Beuk

¹⁶ Boso mafandeleheni tao malole, ma matulu-mafali ao, nanahu ndia nde tutunu-hohotuk fo nandaa no Manetualain dale na.

IBRANI 13:16 ပူးပေါင်းရင်းမြစ်များ

MAZMUR 37:3

Mamahele neu Manetualain, ma tao-no'i hata fo malole-a, leo nai nusak ndia, ma makaboboi o aoinam-ma, no lilinekak.

MAZMUR 51:19

Tutunu-hohotuk fo ba'eneu Manetualain-na, nde been-na dalek fo nakalulutuk, dalek fo nakatele ma tuka tei-sale dalek-ka O ta tipa fan.

LUKAS 18:22

Yesus namanene dede'ak ndia boema nae, “Bei hapu seluk dede'ak esa fo o muse taon. Mase'oheni basa o hata-hetom lala'ena, fo fe doi na leo hataholi nuu ta-hata ta ka soona, neukose o hapu hata-heto nai nusa so'da ka. Basa ndia soona, mai fo tunga Au leona.”

HATAHOLI 10:38

Emi bubuluk mae, Manetualain hele basa Yesus fo Hataholi Nazaret ndia, boema Ana fen Dula Dale na, ma koasa na. Emi bubuluk basa boe, Yesus ndia, neu leo mamanak lala'ena, fo Ana tao malole; Ana tao nahai basa hataholi fo Nitu koasa nalas, nana Manetualain no kana.

HATAHOLI 9:36

Hapu inak esa nai Yope nade Tabita. Inak ia namahele Yesus. (Na'de na nai dede'a Yunani dale soona, Dorkas, fo sosoa na nae, nusa.) Ana tao ka'da tatao-nono'i malole tataas esa, ma ana tulu-fali hataholi nuu ta-hata ta kala.

ROMA 12:13

Tulu-fali ma tao matetu hataholi Salani fe'ek paluu na, ma sipok emi tolanoom fo namahehelek esa leo emi umam no namahokok, leomae emi beita malela kana fa.

GALATIA 6:10

Hu ndia de, metema bei hapu fai loak soaneu ita soona, ela leo bee na ata tao malole neu basa hataholi lala'ena, lena-lenak ba'eneu ita tolanoon fo, ita namahehelek esa.

GALATIA 6:6

Hataholi mana sipo Kristus nanoli na, ela leo bee na, ana tulu-fali ndia mese na, ninik hata malole beek fo ndia nanuun.

EFESUS 4:28

Hataholi fo ana biasa namanako, muse ana hahae namanako leona. Dede'a nasafali na, ana muse naue-nale'di, fo ana hapu tei-buin no matetu na, fo daenga ana hapu tulu-fali hataholi mana to'a-taa kala.

FILIPI 4:14

Tehu emi tulu-fali au nai au susa nga dalek so; ma hata fo emi tao no'in ndia, memak malole.

FILIPI 4:18

Au sipoalas te see ko na dai ma lena! Emi haitua fe au basa tutulu fafali kala, au sipo alas neme Epafroditus mai so. Besak ia, au hapu basa hata fo au paluu ka so. Emi fe feem sila la, sama leo tutunu-hohotu kaboo minik esa, fo ala fen leo Manetualai na neu de, Manetualain sipo nan no namahokok.

1 TESALONIKA 5:15

Manea matalolole, fo boso nalosak nggelok balas mangalauk neu nggelok. Sanga enok, fo daenga esa tao malole neu esa nakandoo, ma neu basa hataholi lala'ena.

2 TESALONIKA 3:13

Tehu ba'eneu emi soona, emi boso pela-malua tao-no'i tatao-nono'i malole a.

1 TIMOTIUS 6:18

Mafa'das fo latu'du tatao-nono'i malole nala nai basa dede'ak lala'ena dalek ma ala nau tulu-fali hataholi.

FILEMON 1:6

Au hule-haladoi fo ela leo been-na, ita hataholi kamahehele ka nakabuan ia, nini fe ita malelak ba'u ka soaneu basa baba'e-papalak fo ita tanuun, nanahu ita da'di esa to Kristus.

IBRANI 6:10

Ita Manetualain ta nde Manetualain fo ta mana tao tunga ndo na fa. Ana ta nafandele heni hata fo emi tao-no'i ba'eneu na fa, ma susue-lalaik fo emi matu'du neun, nai lelek tulu-fali tolano-tolanook fo namahehelek esa, nai makahulu na ma besak ia.

3 YOHANIS 1:11

Tolanoo susue ngo nei! Boso nanadulak neme hata mangalau ka mai, te nanadulak neme ka'da hata malole a. Hataholi mana tao malole a, hataholi ndia, Manetualain hataholin. Ma hataholi mana tao mangalau ka, hataholi ndia beita nalelak Manetualain fa.