IBRANI 13:11 - Susula Malalaok Hehelu Palak Ma Hehelu Beuk

¹¹ Bana daa fo nanatunu-hotuk da'dileo tutunu-hohotuk soaneu sala-singo kala hapu do'o do ampo na, imam matua ina ninin leo Kama Malalao-Malalafu ka neu, tehu bana ndia ao na nai pandopo manai sila la dae too na deak.

IBRANI 13:11 ပူးပေါင်းရင်းမြစ်များ

KELUARAN 29:14

Sapi mane ndia paan-na, loun-na ma ganggaen-na, muse tunus nai mamana oofuk-ka deak. Ndia nde da'di tutunu-hohotuk soaneu basa imam-mala sala-singon hapu do'o do ampon.

YESKIAL 43:21

Basa soona, ho'i-ma sapi mane fo, soaneu sala-singok hapu do'o do ampon ndia, fo tunun nai mamanak fo nananaketu basak so, fo nde nai Manetualain Uman-na, mamana malalao-malalafun-na, deak.

IMAMAT 16:27

Sapi mane ma bi'ihiik, soaneu tutunu-hohotuk fo sala-singok hapu do'o do ampon, fo neni daan-na leo Kama Malalao-malalafuk nanseli-a dalek, soaneu tutunu-hohotuk fo sala-singok hapu do'o do ampon-na, muse tunun nai mamana ofu-a deak. Muse tunu la'iesak bana ka duak-kala loun-nala, paan-nala, ma tei-aten-nala.

IMAMAT 6:11

Basa ndia soona, muse ana nggati heni bua papaken-na, fo neni afu ndia leo mamana ofu-a deak neu, leo mamanak fo nanahele hehelik soaneu afu ndia so.

IMAMAT 6:30

Tehu bana soaneu feta sala-singok manafe doo do ampon-na, ho'i-la daan-na seli, fo lenin leo Kama Malalao-malalafuk dale neu, muse tunu naputu la'iesak-kana, fo ta bole na'a fan.

IMAMAT 9:11

Tehu, ana tunu bana ndia paan-na, ma loun-na nai mamana oofuk-ka deak.

IMAMAT 9:9

Harun anan-nala leni bana ndia daan-na leo Harun neu, boema ana dope limaku'un-na leo daak ndia dalek neu, de ana losen neu mei tunu-hotuk-ka susulan-nala, nai mei-a bu'un haas. Basa ndia boema, ana pisi daa lenak-ka leo mei tunu-hotuk-ka sosolon dale neu.

BILANGAN 19:3

Fe sapi ndia leo Imam Eleazar-ra neu. Muse neni bana ndia leo mamana oofuk-ka deak neu, fo tatin nai imam-ma matan.

BILANGAN 19:7

Basa soona, imam-ma muse safe bua papaken-na, ma nadiu oe. Basa ndia soona, ana masok leo lalaa oofuk dale neu, tehu bei nanggenggeo losa le'do tenak.