IBRANI 12:9 - Susula Malalaok Hehelu Palak Ma Hehelu Beuk

⁹ Ita tanuu amak nai daebafa ka. Ana nanoli ita, ma ita fe ha'da-holomata neun. Naa, muda hata no ita Ama samanen manai nusa so'da ka bai, tao leo bee o ita muse takatele neun, fo ela ita taso'da.

IBRANI 12:9 ပူးပေါင်းရင်းမြစ်များ

AYUB 12:10

Ndia nde, ito-ato basa mahahaek lala'en-na, so'dan-na; Ndia nde koasa, hataholi daebafak-ka ani hahaen-na.

KELUARAN 20:12

Fe ha'da-holomata neu emi amam ma emi inam, fo ela emi tetu-temak, ma teu manalu nai nusak fo Au fen neu emi-a.

AMSAL 30:17

Hataholi fo, ana hakinonoli ina-aman fo lamalasi so, nandaa tapan leo deak neu, fo manupui kaa, ana tutu matan-na, fo manupui kaka'ka, na'a popolan-na.

PENGKHOTBAH 12:7

Neukose ita aopaan-na ana fali, fo ana da'di afu nai daebafak-ka. Neukose ita ani hahaen-na, ana fali leo Manetualain neu. Ndia nde manafe-ka, fo da'di leo baba'e-babatik.

YESAYA 38:16

Ou Manetualain, fe au aso'da inik O dede'a-kokolam, ma O tatao-nono'i ma, nemen-na fo, au aso'da ka'da soaneu O.

YESAYA 42:5

Amak Manetualain nakadada'dik, ma nakapepela lalai-a; Ana nakadada'dik daebafak-ka, ma basa manamolik manai lain lala'en-na. Ana fe hataholi daebafak-ka, ani hahae maso'dak ma samanek. Ana nanduku-nalosak hala heheluk ia, neu atan-na.

YESAYA 45:10

Soe ba'eneu hataholi fo, nafa'da ina-aman nae, “Tao le'e de, au nanabongik leo iak?”

YESAYA 57:16

Au ta fe salak neu Au anang-ngala, losa dodoon-na fa; Au ta amanasa akandondoo henin fa, fo ela ala manggate lakandoo, te se'kona, Au nde fes maso'dak-ka.

YESKIAL 22:7

Nai o laum-ma dalek, ta hapu hataholi esa boen fo, ana fe ha'da-holomata neu ina-aman fa. O ke'di-ndiu hataholi nusa dea-la, ma o ho'i nanalak, nai faluina anamaak-kala fai susan-na dalek.

IMAMAT 19:3

Hataholi-a esa-esak, muse fe ha'da-holomata neu ina-aman, ma taoafik neu fai Sabat-ta, sama leo hata fo Au paletan. Au nde emi Manetualain.

ZAKHARIA 12:1

Manetualain hala hehelun la'eneu Israel nde ia. Manetualain fo nakapepela lalai-a, ma nakadada'dik daebafak-ka, boema manafe maso'dak neu hataholi daebafak-ka, nafa'da nae,

MALEAKHI 1:6

Manetualain Fo Manakoasa, nafa'da basa imam-mala nae, “Ni'iana esa, ana fe ha'da-holomata neu aman, ma malalau-maoono esa, ana fe ha'da-holomata neu ndia tuan-na. Au ia, emi Amam; tao le'e de, emi ta fe ha'da-holomata neu Au fa? Au ia, emi malangam-ma; tao le'e de, emi ta bii-mamata'u neu Au fa? Emi makamumulu-makamamaek Au, tehu emi matane mae, ‘No enok leo bee ka, ami makamumulu-makamamaek O?’

BILANGAN 16:22

Tehu Musa no Harun senek, de lafa'da lae, “Ou Manetualain, O nde fe maso'dak neu basa hata maso'dak lala'en-na. Metema ka'da hataholi esa mesak-kana nde nasala-nasingo soona, ade O mamanasa basa hataholi Israel-la lala'en-na do?”

BILANGAN 27:16

“Ou Manetualain, fo manafe maso'dak neu basa maso'dak lala'en-na, au dokodoe, fo matu'du hataholi esa, soaneu nauli-nalanga leoina ia;

LUKAS 18:2

Yesus nae, “Nai kota esa hapu manamaketu-mala'dik esa, ana ta bii Manetualain ma ta nafaduli neu su'di see a boen.

LUKAS 18:4

Faik de'ubee dale na, manamaketu-mala'dik ndia ana ta nau tulu-fali inafalu ndia fa. Tehu mate'e na manamaketu-mala'dik ndia dodoo nae, ‘Leomae au ta bii Manetualain ma au ta afaduli neu su'di see a boen,

YOHANIS 3:6

Tunga ao paa ka soona, hataholi daebafa ka inan no aman nde bongi nana, tehu tunga samane ka soona, hataholi a nanabongik neme Manetualain Dula Dale na mai.

HATAHOLI 2:30

Manetualain helu basa Dauk pake sosoo-susupak nae, neukose Ana so'u mane Dauk-ka tititi-nonosin esa da'di manek. Nana Dauk ia nabi ndia boe, de ana bubuluk dede'ak ndia. Hu ndia de, ana bubuluk basa hehelu-balataak sila la.

ROMA 1:3

Hala Malole ndia, ana tui la'eneu Manetualain Anan, fo ita Lamatuan Yesus Kristus. Fo tunga hataholi daebafa ka hahapu na soona, Yesus Kristus ndia nde bee na Dauk tititi-nonosin,

ROMA 9:3

nanahu au tolanoong fo leoina esa lo au. Nana hu ka nde sila de, au nau Manetualain soo-supa au ma nanabingaba'ek neme Kristus mai.

ROMA 9:5

Sila nde bee na, ita bei-ba'ikai nala, tititi-nonosin. Tunga ao paak soona, Kristus da'di neme sila leoina mai. Kristus dema lenaheni basa-basas. Koa-kio Manetualain losa dodoo na! Amin.

ULANGAN 27:16

‘Nanasoo-supak ba'eneu hataholi fo, ana ta fe ha'da-holomata neu ina-aman fa, boema ana po'ilotak-kasa laleu-lalaak.’ Hataholi Israel-la, lataa lae, ‘Tete'ek-ka!’ ‘Amin!’

YAKOBIS 4:10

Ela leo bee na, emi makaloe-makadae ao ma, nai Amak Manetualain matan, fo besa ka Ana so'u namadedema emi.

YAKOBIS 4:7

Hu ndia de, makaluku-makatele neu Manetualain, ma laban Nitu a, fo ela Nitu a nalai la'oela emi.

1 PETRUS 5:6

Hu ndia de, makaloe-makadae ao ma, nai Manetualain lima mabe'i-balakai na dae, fo ela fai na losa soona, Ana tao namadedema emi.

NINITAK 22:6

Boema ata nusa so'dak ndia nafa'da au nae, “Dede'ak ia la tete'e ka ma hapu nananamahelek. Amak Manetualain fo manafe Dula Dale na neu nabi la, nadenu basa ata nusa so'da na soaneu natu'du ata nala hata fo no lai-laik muse ana da'di.”