IBRANI 12:25 - Susula Malalaok Hehelu Palak Ma Hehelu Beuk

²⁵ Hu ndia de, masanene'dak fo boso nalosak emi ta nau mamanene Ndia fo mana kokolak neu emi a. Sila fo ta nau lamanene Ndia fo mana maik leo daebafa ka mai, ma nanduku-nalosak halak maneme Manetualai na mai, ana ta bisa nalai fa. Mu'da hata no ita ia fo mana mamanene Ndia fo mana kokolak neme nusa so'da ka mai a. Metema ita ta nau tamanene fan soona, hapu nai bee ita bisa taladeak!

IBRANI 12:25 ပူးပေါင်းရင်းမြစ်များ

1RAJA-RAJA 12:16

Lelek laun-na bubuluk lae manek-ka ta nau namanene fas boema ala eki ma lafa'da lae, “Tafaduli beek neu Dauk ma tititi-nonosin-nala! Sila beita tao lita hata esa boen soaneu ita fa. Laun Israel-la lemin, mai fo ita fali te'u tala! Neme na fo ana ito-ato ndia aoinan-na mesak-kana!” Boema laun Israel-la fali Leona,

2TAWARIKH 7:19

Tehu metema o ma o laum-mala la'olena Au hoholo-lalaneng ma Au paletang-ngala boema sene-do'ok neu lamatua daebafak fe'ek-kala,

KELUARAN 16:29

Mafandendelek, te Au fe emi faik esa soaneu hahaeaom-mala. Hu ndia de, neu fai ka 6-na, Au fe emi nana'ak dai, soaneu faik dua dalen-na. Neu fai ka hitun-na, hataholi-la esa-esak, muse nahele nai uma, fo ta bole kalua fa.”

KELUARAN 20:22

Manetualain paleta Musa fo nafa'da leoina Israel-la nae, “Emi mita basa tao leo beek, de Au, fo Manetualain, kokolak no emi neme lalai mai so.

AMSAL 1:24

Au aloo basa emi so, tehu emi tipa au hala naloloong-nga, ma emi ta nau taoafik neu fan.

AMSAL 1:32

Hataholi fo malelan-na ta dai fa, neukose maten, ma hataholi dudu'a-aafi taak-ka, neukose nakalulutuk, nanahu ana ta taoafik neu fa.

AMSAL 13:18

Hataholi fo, ana ta nau nanoli fan-na, ana da'di nuu-taa hata-taak ma nananakadadaek; tehu hataholi fo, ana taoafik neu nanoli-nafa'dak-ka, neukose nanafe ha'da-holomata.

AMSAL 15:32

Hataholi fo, ana ta nau nanoli-nafa'da fan-na, ta fe ha'da-holomata neu aoinan-na fa; tehu hataholi fo, ana sipo kekena-kaka'ik-ka, ana da'di hataholi dale malole.

AMSAL 8:33

Sipok ma nanoli-nafa'dak fo da'di manatee-tenok, o boo pela-ngalin.

YESAYA 48:6

Basa Au dede'a nafa'da elang, fo o mamanenek-kala, ala da'di so; o muse manaku, mae Au hala-kokolang sila-la, la'en. Besak ia, Au tui-benga dede'a beuk-kala, nanabibila-babaak-kala, fo o beita bubuluk-kana fa.

YESAYA 64:9

Da'di boso mamanasa manseli, ou Manetualain, boso boe mafandele seluk ami sala-singom; mete leona, te ami ia, O anam.

YEREMIA 11:10

Sila tao sala-singok fo nanatao basak neme sila bei ba'i-kain-nala fo ala ta nau lamahele neu Au fa, de sila lamahele neu lamatua daebafak fe'ek, ma ala ta nau tunga Au paletang-nga fa. Leomae Israel ma Yehuda la'olena hehelu-balatak, o Au tao basan neu sila bei ba'i-kain-nala.

YESKIAL 5:6

Tehu, Yerusalem ta sipok Au paletang-nga fa, te se'kona ndia mangalaun-na lenaheni leoina fe'ek-kala, lena-lenak langabatun-na lenaheni basa nusaina manai boboa-kaisun-na. Yerusalem la'olena Au paletang-ngala, ma ana ta nau tunga Au hoholo-lalaneng fa.”

ZAKHARIA 7:11

Tehu, Au anang-ngala langa batu, de ta nau lamanene makandondook fa, ma ala suleketu di'idoon-nala, fo ela boso lamanene.

BILANGAN 32:15

Metema emi lepos masadea Manetualain, soona neukose Ana po'ilotak leoina ia, laleu-lalaak dook-ka seluk nai moo solokaek-ka, fo emi nde tataom, sila momopo-mamaten ndia!”

MATEOS 17:5

Petrus bei kola-kola te, ko'a fulak bubuak esa fula elu-elu ana poti nalas, ma hala ka nananamanemek neme ko'as ndia dalek mai nae, “Ia nde Au ana susue nga. Nandaa no Au dale nga. Mamanene neun!”

MATEOS 8:4

Boema Yesus nafa'dan nae, “Mafandendelek! Boso tui hataholi esa boen. Tehu besak ia mu leo ima ma mu fo moken nafa'da nae, tete'e ka o hai so. Basa ndia soona, fe tutunu-hohotuk tunga Musa paleta na, fo ana da'di buti esa soaneu hataholi la bubuluk lae, te'e-te'e o lea-hai so!”

HATAHOLI 7:35

Musa ia nde Musa fo leoina Israe la ta sipo kana fa, ma ala tipahenin ninik dede'a-kokola ka nae, ‘See ka nde so'u o da'di ami mauli-malangam, ma mana maketu-mala'di ma?’ Tehu mate'e na, ndia nde Manetualain nadenun fo ana da'di mauli-malangan, ma mana fe so'dak neu hataholi Israe la, ninik tutulu-fafalik neme ata nusa so'dak fo ana mai natongo non neme telaana mana pilak dale a.

ULANGAN 18:19

Neukose ana kokolak pake Au na'deng-nga, fo neukose Au huku su'di see fo, ana ta nau namanene fan.

ULANGAN 30:17

Tehu matema, emi ta tunga, ma emi ta nau mamanene fa, fo emi po'ilotak hataholi fe'ek, taon-na emi la'ok sala, fo emi sene-do'ok neu lamatua daebafak fe'ek-kala soona,

ULANGAN 4:36

Ana fe emi mamanene halan-na neme lalai mai, soaneu nanoli emi; Natu'du basa ha'i matuainan-na neu emi nai daebafak ia so, de ana kokolak no emi neme ha'i ndia dalek mai.

1 TESALONIKA 5:15

Manea matalolole, fo boso nalosak nggelok balas mangalauk neu nggelok. Sanga enok, fo daenga esa tao malole neu esa nakandoo, ma neu basa hataholi lala'ena.

2 TIMOTIUS 4:4

Neukose ala ko'o ketu di'idoo nala soaneu hata malole a, tehu ala pasak di'idoo nala neu tutui me'i-afe kala.

IBRANI 1:1

Nai lelek makahulu eli, la'i ba'u ka Manetualain kokolak no ita bei ba'i kai nala tunga nabi la ninik Ana pake eno mata-mata kala.

IBRANI 11:7

Hu ka nde namahehele ka, de Manetualain nafa'da Noh, la'eneu dede'ak fo neukose ala da'di nai fai makabuin; fo ana ta hapu nita fan. Noh tunga Manetualain paleta na, nalosa ana tao na ofak esa, de neu makabui na boema, nananitak ana soi-tefa nan sama-sama no uma isi nala. No enok ndia, daebafa ka nanahukuk, tehu Noh mesa kana, hu ka nde namahehele na de nananafa'dak neme Manetualain mai, da'dileo hataholi fo malole.

IBRANI 12:19

ala lasasale matak lo pupuu lii kala, ma hala liik matua ina la. Lelek hataholi Israe lala lamanene halak ndia, boema ala loke lanseli, fo ela halak ndia boso kokolak seluk no sila bai.

IBRANI 3:12

Tolano-tolanoo ngala lemin! Masanene'dak, fo boso nalosak nai emi dalek, hapu hataholi esa dale na mangalauk ma namahehelen ta, nalosa ana fali deak ma nadook ao ina na neme Manetualain fo maso'da ka!

IBRANI 3:17

Ma soaneu see ka nde, Manetualain namanasas losa teuk hahulu dale na? Soaneu sila fo lasala-lasingo fo ala tu'da, de mates leme mo maloa hetu?

IBRANI 8:5

Tatao-nono'ik fo ala tao-no'in da'dileo imam ndia, tunga ndo na ka'da dulak esa ma salaok esa neme hata fo manai nusa so'da ka mai. Ndia nananafa'da basak nakahuluk neme Manetualain neu Musa, nai lelek fo Musa nau napadedeik Manetualain Uma Lopo na. Manetualain nafa'da nae leo ia neu Musa, “Mafandendelek! Te basa sila la, muse o taon tunga natutu'duk fo nananatu'duk neu o neme letek lai na.”

YOSUA 22:15

Boema, ala losa leo Ruben, Gad ma leo Manasye manai nusa Gilead-ta, mamanan-na.

YOSUA 22:16

Boema no Manetualain, anan-nala lala'en-na na'den-na, lafa'da hataholi maneme leo Ruben, Gad ma leo Manasye sila lae, “Tao le'e de, emi tao dede'a mangalauk ia, soeneu Israel Manetualain-na? Hu kande, emi mesam-ma mafofo'a aom emi mei tunu-hotum-ma, de emi la'ban Manetualain! Emi ta tunga paletan-nala so'on!

1 PETRUS 1:22

Hu ka nde emi tao tunga Manetualain nanoli nala, de emi tao balisi emi ao ina mala, ma emi sue-lai hataholi fo emi namahehelek esa, no dale ndoos. Hu ndia de, ela leo bee na emi masue-malai ao no dale katema tuak.

NINITAK 19:10

Au bala u ata nusa so'dak ndia mata na, fo au sanga sene-do'o kana, tehu nafa'da au nae, “Bosok! Boso sene-do'ok neu au te sene-do'ok neu Manetualain! Nana au boeo ata sama leo o ma sama leo basa o tolanoom fo manaho'u lahele neu Yesus sakasii na!” Nana Yesus sakasiin ndia fe koasa neu Manetualain hataholi kamahehele nala, fo ala tui-benga Manetualain hala hehelu na.

NINITAK 22:9

tehu nafa'da au nae, “Bosok! Boso sene-do'ok neu au! Sene-do'ok neu Manetualain! Nana au boeo ata sama na leo o, ma sama leo o tolanoo nabi mala, ma basa hataholi manatao tunga hala-heheluk manai susulak ia dale ka!”