IBRANI 12:24 - Susula Malalaok Hehelu Palak Ma Hehelu Beuk

²⁴ Emi mai masasale matak mo Yesus, fo Lelete soaneu hehelu-balataa beuk ndia. Emi masasale matak mo daa nanapisi ka, fo malole na lenaheni Habel daa na.

IBRANI 12:24 ပူးပေါင်းရင်းမြစ်များ

KEJADIAN 4:10

Boema, Manetualain nae, “Tao le'e de, o tao tatao-nono'ik fo maneni bibii-namata'uk ndia? O fa'dim-ma, daan-na naloo bou-bou neu Au, neme dae lain mai, sama leo halak esa noke balas.

KELUARAN 24:8

Boema Musa ho'in-na daak manai bokol sila-la dalek, de ana pisin neu laun-na. Nae, “Daak ia, tao natea-nahele hala-heheluk fo Manetualain hengenee-balataan no emi tunga paletan-nala.”

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

IMAMAT 1:5

Basa soona, muse ta'ti sapi ndia nai Lalaa Temak-ka lelesun-na, bafan-na. Imam-imam fo Harun tititi-nonosin-nala, muse tunu-hotu daan-na soaneu Manetualain boema pisi daak ndia neu mei tunu-hotuk-ka boboan haas, fo nai Lalaa Temak-ka lelesun-na matan-na.

MATEOS 23:35

Hu ndia de neukose emi nanahukuk, nana kanisak fo, emi tao-no'in soaneu hataholi sala ta kala, mulai neme kanisak soaneu Habel fo hataholi sala tak ndia, losa kanisak soaneu Berekia anan Zakharia, fo emi taomisan nai Manetualain Uma na no mei tutunu-hohotu ka tala'da.

MATEOS 26:28

Nana Au daang ia daak hehelu-balataak, daak fo nanapo'a henik soaneu fe do'o do ampon neu hataholi ba'u sala-singon.

MARKUS 14:24

Basa ndia boema Yesus nae, “Ia nde bee na Au daa nga, fo ana pakunisa Manetualain hehelu-balatan, daak fo nanapo'ahenik soaneu hataholi ba'u ka.

LUKAS 11:51

mulai neme kanisak neu Habe la ma losa kanisak neu Zakharia fo kanisak sila ana da'di nai mei tutunu-hohotu ka no Manetualain Uma na tala'da. Mamahele leona. Te hataholi lelek besak ia la, tao leo bee o neukose nanahuku kala, hu ka nde basa dede'ak sila la.

LUKAS 22:20

Leondiak boe, la'a basa boema Ana fe nggala angol ndia neu ana manatunga nala ma nae, “Nggalas ia nde bee na Manetualain hehelu beu na, fo nanapaku nisak ninik Au daa nga, daak fo nanapo'ahenik soaneu emi.”

GALATIA 3:20

Na, muse hapu hataholi dua laheluk, fo besa ka paluu hataholi mana makalala'ok esa. Tehu Manetualain ta paluu hataholi mana makalala'ok fa, nanahu Ndia mesa kana nde naketu.

1 TIMOTIUS 2:5

Nana, hapu ka'da Manetualain esa mesa kana, ma hapu ka'da hataholi esa mesa kana nde da'di hataholi tala'dak, soaneu Manetualain no hataholi daebafa ka, fo nde Kristus Yesus.

IBRANI 10:22

Hu ndia de mai fo ata deka to Manetualain no dale ndoos, ma namahehelek fo matea-mahelek; no dalek fo nanatao nalalao-nalalafu basak neme dale nameme'da masalak, ma no ao paak fo nanabalisik ninik oe fo neu isi ka.

IBRANI 11:28

Hu ka nde namahehele ka, de Musa tao Paskah ma ana fe paleta, fo pisi daak neu hataholi Israe la uma nala lelesu na, fo sue ka nde Ata nusa so'da manini Mamate sa, ana boso taonisa hataholi Israe la ana ulu nala.

IBRANI 11:4

Hu ka nde namahehele ka, de Habel fe Manetualain, tutunu-hohotuk fo malole lenaheni Kain tutunu-hohotun. Nanahu namahehelen ndia, de Manetualain sipok Habel da'dileo hataholi fo malole, nana nananitak nae, Manetualain sipok tutunu-hohotun. Habel maten so, tehu hu ka nde namahehele na, de ana bei kola-kola losa besak ia.

IBRANI 13:20

Manetualain tao naso'da falik basa ita Lamatuan Yesus neme mamate sa mai so. Hu ka nde mamaten ndia, de besak ia Ana da'di Mana Foo Matua Ina, ba'eneu ita, fo nde bi'ilopo nala. Mamaten ndia boeo, Ana pakunisa hehelu-balataa manaketu basa tak fo Manetualain taon no ita.

IBRANI 7:22

No enok ia boe, de Yesus da'di bua nape'dak soaneu hehelu-balataak esa, malole na lena bai.

IBRANI 8:13

No hehelu-balataa beuk esa nananafa'dak de Manetualain tao hehelu-balataak fo makasososak ndia, namalasi ma ana palaa so, ma hata beek fo namalasi soona, neukose no lai-laik ana sapu-lalo.

IBRANI 8:6

Tehu besak ia, Yesus hapu bela-ba'u Ima ma, ndela-sa'an lenaheni imam-imam sila la bela-ba'un. Nanahu hala heheluk fo Ana ito-ato nai Manetualain no hataholi daebafa ka tala'da, nde bee na hala heheluk fo malole na lena, nanahu tunga hala heheluk soaneu dede'ak fo malole na lena.

IBRANI 8:8

Tehu Manetualain hapu basa salak nai hataholi kamahehele nala, de nalosa Manetualain nafa'da nae, “Mafandendelek, neukose losa fai na te, neukose Au tao hehelu-balataa beuk, o leoina Israe la, ma no leoina Yehuda la.

IBRANI 9:15

Hu ndia de, Kristus da'di lelete neu hehelu beuk esa, fo ela ita fo Manetualain nalo basa ka, hapu baba'e-papala mana ketu basa tak, fo Manetualain helu ka. Basa sila la ala da'di, hu ka nde hataholi esa mamate na, fo nde Kristus. Fo no Kristus mamaten ndia, de Ana soi-tefa na hataholi a neme sala-singon, fo ala tao-no'in nai lelek fo ala bei pake hehelu-balataa makasososak ndia.

IBRANI 9:19

Makasososa na, Musa nafa'da Manetualain paleta kasanahulu na neu hataholi Israe la. Basa ndia boema, Musa ho'i na sapi a daa na, ma bi'i hii mane a daa na, de ana sese'do kana no oe, de basa boema, ana pisin neu Manetualain Susula hoholo-lalanen, ma neu basa hataholi Israe la. Ana pisi ninik na'u esa na'de, hisop doo na, ma bi'ilopo pila balanggeo ka, bulu na.

IBRANI 9:21

Basa boema, Musa pisi bana daa ndia, neu Lamatua ka Uma Lopo na, ma basa bua lo'as fo ala paken soaneu ala hule-haladoi ka boe.