IBRANI 12:11 - Susula Malalaok Hehelu Palak Ma Hehelu Beuk

¹¹ Memak nai lelek fo ita nanananoli ka, huhukuk ndia ta nandaa no ita dale na fa, tehu nini ka'da dale he'dik mesa kana. Tehu basa ndia soona, ba'eneu ita fo nanananoli basa ka, huhukuk ndia tao na ita taso'da tunga Manetualain hihii-nanaun, ma nini buna-boa so'da-molek neu ita.

IBRANI 12:11 ပူးပေါင်းရင်းမြစ်များ

KEJADIAN 21:11

Sara nonoken ndia, taon-na Abraham dalen-na, ta tesa-tama makandondook fa, nanahu ndia anan Ismael boe.

MAZMUR 118:18

Manetualain fepa-li'u nanggae au so, tehu Ana ta fe au leo mamates-sa neu fa.

MAZMUR 119:165

Hataholi manasue-lai O hoholo-lalanem-ma, nee-nee lino-linok ma tetu-temak, ma ta hapu hata napanggengge fas.

MAZMUR 89:32

metema ala ta taoafik neu, Au nakeketung-nga, ma ala ta ho'u lahele, Au nakaneneteng-nga fa soona,

AMSAL 15:10

Hataholi manatao tatao-nono'i mangalauk-ka, neukose nanatao doidosok; ma hataholi fo ana ta nau ka'i fan-na, neukose maten.

AMSAL 19:18

Manoli matalolole o anam-mala, bei dai hapu namahehenak; metema ta soona, sosoan-na nae, o mahiik o anam-ma mamaten-na.

YESAYA 19:22

Neukose Manetualain nanoli leoina Masir-ra nenik fefepa-lili'uk, tehu basa soona, neukose Ana tao nalea-nahais. Neukose ala fali ma'is leo Manetualain mai, ma neukose Ana namanene huhule-haladoin-nala, boema Ana fes lelea-hahaik.

YESAYA 32:17

Basa hataholi-la, neukose tao hata fo la'en, nalosa hapu so'da-molek ma tetu-temak losa dodoon-na.

ROMA 14:17

Nana metema Manetualain paleta hataholi esa so'da na soona, hata fo na'a do nininun ndia, ta paluu so'on. Fo paluu ka nde hataholi ndia tunga Manetualain hihii-nanaun, dale na tesa-tama, ma ana sipo namahokok fo Manetualain Dula Dale na ba'e fe nana.

2 KORINTUS 4:17

Ma to'a-tataa bibianak fo ami la'ola'din soaneu ba'ihanak mesa kana ia, neukose nabuna-naboa fe ami ua-nale matuaina nanseli ma manaketu basa tak. Ua-nalek ndia ba'u lena nanseli, metema takasasama kana no toto'a-tataak ndia.

2 TIMOTIUS 4:8

De besak ia, Manetualain sadia basa au, bua palsen na so. Neu Fai Mate'e ka te, neukose Lamatuak fo Mana maketu-mala'di matetuk ndia, Ana fe bua palsen ndia neu au, nana au so'da nga malole no Manetualain. Ta ka'da au mesa nga sipo bua palsen ndia fa, tehu basa hataholi fo lahiik ma mana mahani Lamatua ka mamain ndia boeo.

IBRANI 12:10

Ita ina aman fo manai daebafa ka, lanoli ita ka'da nai faik fo nanuu too-lane. Tehu Manetualain nanoli ita soaneu ita malole na, fo ela ita da'di malalaok sama-sama ton.

IBRANI 5:14

Nana'a-nininu balakai ka nde bee na, soaneu hataholi touinak a nana nanuu malela ba'u fo ana hapu mete kofe'ek, bee ka nde malole, ma bee ka nde mangalau ka.

1 PETRUS 1:6

Hu ndia de, ela leo bee na emi mamahoko, leomae besak ia, soaneu fai nggenggelok esa mesa kana, emi dale ma muse he'di sa, nanahu emi la'oladi soso'ba-susu'di mata-mata kala.

2 PETRUS 2:14

Ala ta pela malua no tao sala-singo ka fa, ma ala hii mete inak no mata mana koteok. Ma hataholi fo besa ka namahele, fo namahehele na beita natea-nahele fa soona, leu fufu'di-oodo kasa. Hataholi sila dale nala, lateme no tenepeta ka so. Hataholi sila la nde bee na, hataholi nanasoo-supa basa kala so!