IBRANI 11:6 - Susula Malalaok Hehelu Palak Ma Hehelu Beuk

⁶ Tehu ta no namahehele ka fa soona, ta hapu hataholi esa boen hapu tao namahoko Manetualain dale na. Nana hataholi fo manamai neu Manetualai na muse namahele nae, tete'e ka hapu Manetualain, ma nae Manetualain ana fe babalak neu hataholi fo mana sanga nana.

IBRANI 11:6 ပူးပေါင်းရင်းမြစ်များ

KEJADIAN 15:1

Basa ndia boema, Abram hapu ninitak, de namanene Manetualain nafa'dan nae, “Boso bii, Abram, te neukose, Au asulu-ahapa o neme soe-a mai, ma Au fe o ngga'di matuaina.”

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

AYUB 21:14

Te se'kona, lafa'da basa Manetualain lae, “Dook-ka meme ami mai, fo la'o leona! Ami ta mafaduli, ma ami ta nau taoafik neu O dudu'a-dodoom tetee-tutu'dan, ba'eneu ami so'dam-ma fa.”

MAZMUR 106:24

Basa boema, ala ta nau sipok nusak mana'ahiik ndia fa, Nanahu, ta lamahele neu Manetualain hehelu-balataan fa.

MAZMUR 119:10

Au sanga enok no dale katematuak, fo au alelak O, boso po'ilotak au singo eme O paletam-ma mai.

MAZMUR 58:11

Nita hataholi mangalauk-ka nanahukuk, hataholi dale ndoos-sa namahoko-setelee, ma ana safe ein-na, nai hataholi malelesik-ka daan dale.

MAZMUR 73:28

Tehu ba'eneu au soona, malole-na seli, au nai Manetualain boboan-na, Au tao Manetualain, da'di au mamana nasulu-nahapang, fo ela au hapu tui-benga tatao-nono'in lala'ena.

MAZMUR 78:22

nana, ala ta lamahele neu Manetualain, ma neu koasan fo manasoi-tefan-nala fas.

MAZMUR 78:32

Leomae leondiak boe, anan-nala lasala-lasingo lakandoo, Ana tao manada'di beuk-kala, tehu ta lamahele fa.

AMSAL 11:18

Hataholi mangalauk-ka nanalan-na nde been-na, nanala manataik, hataholi manatao malole-a, nanalan-na nde been-na, nanala matetuk.

AMSAL 8:17

Au sue lai sila fo lahik neu au; manasanga au-a, neukose latongo lo au.

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

YESAYA 7:9

Israel balakain-na, ta lena neme Samaria, fo Efraim nusan-na polon-na, ma Samaria balakain-na, ta lena neme Manek Pekah mai fa. Metema emi ta mamahele te'e-te'e neu Au fa soona, tao leo bee-o, emi ta bisa makatatakak fa.”

YEREMIA 2:31

Hai hataholi Israel-la lemin, mamanene Au hala-kokolang ia-la. Ade Au da'di hai moo solokaek ba'eneu emi, do sama leo dae fo makahatu kiu-kiuina so do beik? Tehu tao le'e de, emi mafa'da, mae emi nau maso'da no aoloak, ma ta nau fali seluk leo Au mai fa?

BILANGAN 14:11

Manetualain nafa'da Musa nae, “Hataholi ia-la, la'ban Au losa faihi'da? Losa faihi'da seluk bai, fo hataholi ia-la ta nau lamahele Au fa, leomae Au tao basa manada'di beuk makadotok nanseli, nai sila matan so?

BILANGAN 20:12

Tehu Manetualain fe Musa no Harun nasanene'dak nae, “Hu kande emi namahehelem neu Au-a, beita dai soaneu matu'du Au koasang fo malalao-malalafung-nga, nai leoina Israel-la matan-na, de neukose emi ta mauli-malangas losa ala masok leo nusak fo, Au helu fen neu sila fa.”

MATEOS 11:26

Fo ndia nde nandaa no, Ama ka dale na.”

MATEOS 5:12

Nabi makahulu kala boeo, ala fepa-li'us sama leo emi boe. Mamahoko ma hika-setelee leona, nanahu Lamatua ka sadia basa ngga'di matua ina nai nusa so'da ka, soaneu emi so.”

MATEOS 6:16

“Metema emi oka ao mala soona, boso fe mata-panam bee male, sama leo hataholi mana dea-dale kala fo mata panan bedae, fo sue ka nde hataholi la litas soona, lae sila oka ao nala. Mafandendelek te, ala sipo la sila ngga'di na nde ndia so.

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

MATEOS 6:5

“Metema emi hule-haladoi soona, boso sama leo hataholi mana dea-dale kala. Ala hii ka'da lapadeik leu uma mamaso kala dalek, ma leu leo eno kaba'e kala soona, besa ka ala hule haladoi. Ala tao leondiak fo sue ka nde hataholi la lita. Mafandendelek leona te, ala sipo basa sila ngga'di na nde ndia so.

MARKUS 16:17

Fo ana da'di buti esa nae, sila lamahele soona neukose ala usiheni dula dale mangalau kala ninik Au na'de nga. Neukose ala kokolak lalelak dede'ak fo ala ta lalela kana fa.

LUKAS 12:31

Tehu emi muse sanga enok makahuluk, fo ela Manetualain paleta emi so'da ma soona, neukose fe'ek sila la boeo Manetualain fen neu emi.”

LUKAS 6:35

Tunga ndo na ta leondiak fa! Nasafali na, emi muse sue-lai emi musu no ma, ma tao malole neus. Emi muse fe hataholi tona emi hatam, ma boso mamahena hapu fali kana. Metema leondiak soona, neukose emi ngga'di ma matua ina, ma neukose emi da'di Manetualain Fo Mademaina, ana nala. Nana Manetualain dale na malole neu hataholi fo ta noke nalelak makasi ma neu hata fo mangalau ka boe.

YOHANIS 14:6

Boema Yesus nae, “Au nde enok soaneu emi malelak Manetualain, fo emi hapu maso'da. Hataholi esa boen, ana ta hapu neu leo Ama ka neu fa, metema ta no Au fa.

YOHANIS 8:24

Hu ndia de, Au afa'da emi te, neukose emi mate nai emi sala-singo mala dalek. Boema memak neukose emi mate nai emi sala-singo mala dalek, metema emi ta mamahele, ‘Au Nde Ndia, fo lafa'da lae, AU NDE NDIA.’ ”

ROMA 10:14

Tehu tao leo beek fo hataholi a hapu nalo neu Lamatua ka, metema ala beita lamahele fa? Ma tao leo beek fo sila hapu lamahele Lamatua ka, metema sila beita lamanene la'eneu Lamatua ka fa? Boeo tao leo beek fo sila hapu lamahele Lamatua ka, metema ta hapu hataholi manatui-benga fa?

GALATIA 5:6

Hu ka nde, metema ita da'di esa too Kristus soona, tunga do ta tunga suna ta fa o, ta hata-hata fa. Fo paluu nanseli a, nde ka'da tamahele Kristus, fo dede'ak ndia, nananitak nai ita susue-lalain neu hataholi fe'e ka.

IBRANI 11:26

Musa name'da, nae beli na ba'u na seli soaneu hapu nakamumulu-nakamamaek hu ka nde Mane Mana Fe So'dak fo Manetualain heluk ndia, neme hapu basa nusa Masi ra hata-haton lala'ena mai, nana Musa namahena ngga'di fai makabui ka.

IBRANI 3:12

Tolano-tolanoo ngala lemin! Masanene'dak, fo boso nalosak nai emi dalek, hapu hataholi esa dale na mangalauk ma namahehelen ta, nalosa ana fali deak ma nadook ao ina na neme Manetualain fo maso'da ka!

IBRANI 4:2

Nanahu Hala Malole ndia nanatui-benga basak neu ita, sama na leo neu sila boe. Tehu halak ndia sosoa-ndandaan ta ba'eneu sila. Nana, lelek lamanene halak ndia, ala ta nau lamahele fa.

IBRANI 4:6

Da'di sila nde lamanene makasososa halak la'eneu Hala Malole ndia, neukose ta masok leo mamana hahae aok ndia fa, nana ala ta lamahele fa. Metema leondiak soona, dede'a na mangale'dok so, nae hapu hataholi fe'e kala nde bole masok mamana hahae aok ndia.

IBRANI 7:19

Agama Yahudi hoholo-lalanen, ta hapu tao na basa hata esa boen, da'di matetu-mandaak fa. Hu ndia de besak ia, namahenak esa nanafek neu ita, fo malole na lena; no enok ndia, fo ita hapu deka to Manetualain.

IBRANI 7:25

Hu ka nde ndia de, soaneu losa dodoo na, Yesus hapu soi-tefa na hataholi-hataholi fo ana mai neu Manetualai na, tunga Ndia, nana naso'da losa dodoo na, soaneu Ana dokodoe neu Manetualain, ba'eneu hataholi sila la.

2 PETRUS 1:10

Hu ndia, tolano-tolanoo ngala lemin! Boetai sanga enok seluk, fo ela Manetualain nalo ma Ana hele nahele emi ndia, boetai natea-nahele. Metema emi tao tungan leondiak soona, neukose emi ta fali deak so'on.

2 PETRUS 1:5

Hu ndia de, sanga enok te'e-te'e, fo ela emi mamahele mahele Kristus, ma emi namahehelem ndia, tia-saka selu kana no so'da malolea. Fe'ek neme so'da malole ndia mai, emi muse da'di hataholi malelak,

2 PETRUS 3:14

Hu ndia, tolanoo susue-lalai ngala lemin! Nai lelek fo emi mahani Faik ndia, emi muse sanga enok te'e-te'e, fo emi so'da ma malalaok ma sala-singo tak nai Manetualain matan, Boema makaboboi emi tututi-nanatom no Manetualai na fo, malole nahele.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

RUT SUSULAN-NA 2:12

Sa'di leo been-na, Manetualain balas basa o dale malolem lala'en-na. Sa'di leo been-na, o sipo hata fo nandaa Israel Manetualain-na Ana fen neu o, nanahu o mai fo masulu-mahapa neun!”