IBRANI 11:34 - Susula Malalaok Hehelu Palak Ma Hehelu Beuk

³⁴ ala taolisa ha'i manapila lo'a-lo'a ka, ala di'oheni tafaina mamai na; ao nala tapandoes, tehu ala da'di balakaik; lapalani nai musu dale, nalosa ala sengi leoina manamai la solda'du nala.

IBRANI 11:34 ပူးပေါင်းရင်းမြစ်များ

1RAJA-RAJA 19:1

Mane Ahab-pa tui saoinan Izebel, basa hata fo Elia taon so, boeo tao leo beek de Elia taonisa basa Baal-la nabin-nala.

1RAJA-RAJA 19:3

Elia bii, boema nalai fo sueka boso taolisan. Elia no atan-na leu leo Bersyeba fo nai Yehuda. Nai naa, ana la'oela atan ndia,

2RAJA-RAJA 6:1

Faik esa boema, Elisa nanoli nabi-la, ala haladoi neu Elisa lae, “Ita mamana leleon-na, makabi'anak nanseli!

2RAJA-RAJA 6:32

Boema, manek-ka nadenu hataholi esa, la'o nakahuluk-kana, leo Elisa uman neu. Faik ndia, Elisa nai uma, ma lasi nggolok de'u bee, lai ndia boe. Manek-ka nadenu hataholi-a, ana beita losa fa te, Elisa nafa'da lasi nggolok sila-la nae, “Taoafik leona! Te tou kanisak ndia, nadenu hataholi taonisa au. Metema, hataholi ndia losa soona, kena lelesu-a neu, fo boso po'ilotak-kana, leo dalek mai. Te tao leo bee-o, manek-ka nakabuik.”

AYUB 42:10

Ayub hule-haladoi basa ba'eneu tia-lai ka telun-nala boema, Manetualain taon-nan, namasu'i seluk. Ana fen namasu'i diku la'i dua, neme su'i makahulun-na mai.

AYUB 5:20

Metema, la'a-ndoes mangalau soona, neukose ta mate o no la'as-sa fa. Metema natee-natatik-ka, ka'bo-ka'bo soona, o nee-nee lino-lino neme mamates-sa mai.

MAZMUR 124:7

Ita sama leo manupui fo po'i henin neme hataholi manamakahihi'ik-ka, hihi'in-na mai, ketu heni hihi'ik ndia so, de po'i heni ita!

MAZMUR 144:10

O fe manek-kala sesengik, ma O soi-po'i O atam Dauk.

MAZMUR 6:8

Au matang-nga keluha'bu, nanahu dale he'dik-ka, ma nasalalalok, nanahu au musung-ngala.

MAZMUR 66:12

O po'ilotak musu-a heheta-aa'i ami; ami la'ok tunga faa, ma ha'i-a tala'da. Tehu besak ia, O moo ami leo mamana tetu-temak-ka neu.

KELUARAN 18:4

Ana foi ana ka dua-na, na'de Eliezer nanahu Musa nafa'da nae, “Manetualain fo au bei-ba'i kaing-ngala sene-do'ok-ka, tulu-fali au so, ma Ana soi-tefa-nala au, nalosa manek Masir-ra ta taonisa au fa.”

YESAYA 43:2

Metema, o lena tunga oe dale soona, neukose Au sama-sama o o, neukose, o ta bolo nai, o toto'a-tataam dale fa. Metema, o la'ok tunga ha'i dale soona, neukose ha'i-a, ta na'a naputu o fa, Soso'ba-susu'di mabelaina-la, neukose ta tao soe o fa.

YEREMIA 26:24

Tehu besak ia, Ahikam fo Safan anan-na baba'e-papala tutulu-fafalin de, au, Yeremia, ta nanafek lo laun-nala leu fo soaneu tao lisa au fa.

LUKAS 21:24

Hapu nggelok neukose nanataonisak ninik tafaina, hapu nggelok neukose lon da'dileo hataholi nanahukuk leo hataholi nusa-namon. Hataholi fo ta nalelak Manetualai na, neukose ala heheta-aa'i Yerusalem losa basa faik fo Manetualain naketu basan soaneu sila.”

1 PETRUS 4:12

Tolanoo susue-lalai ngala lemin! Besak ia emi doidoso manseli, nanahu emi bei nanaso'ba-su'dik. Tehu emi boso dodoo mae, nono ka bai de, hata matua ina esa, ana da'di neu emi.

HAKIM-HAKIM 15:8

Basa boema, ana sapun-nalas no ta pake dale susue-lalaik fa, de ana taonisa hataholi makadotok. Basa ndia boema, ana la'o, de ana leo nai leak esa dalek, nai pupuku batu esa nai Etam.

SEMUEL SUSULAK-KA ESAN-NA 18:11

Saul dodoo nae, “Au tee, tee ia neu Dauk, fo sapi selik-kana losa papala!” Boema ana tee, tee ndia la'i dua leo Dauk neu, tehu Dauk hapu sili henin.

SEMUEL SUSULAK-KA ESAN-NA 19:10

Boema, Saul sanga enok, fo ana tee nakanete Dauk no papala. Tehu Dauk sili henin, nalosa tee ndia tola papala. Boema Dauk nalai, fo ela naso'da.

SEMUEL SUSULAK-KA ESAN-NA 20:1

Boema Dauk nalai neme Nayot fo deka no Rama mai, de neu leo Yonatan neu, boema natanen nae, “Te au sala beek? Au tao tatao-nono'i mangalauk beek so, ma au tao sala-singo beek soaneu o amam, nalosa ana nau taonisa au?”