IBRANI 10:7 - Susula Malalaok Hehelu Palak Ma Hehelu Beuk

⁷ Soona Au afa'da ae ‘Au nde ia, ou Manetualain! Au mai soaneu Au tao-no'i O hihii-nanaum, sama leo nanasulak basak la'eneu Au, nai Susula Malalaok dale so.’ ”

IBRANI 10:7 ပူးပေါင်းရင်းမြစ်များ

KEJADIAN 3:15

O ma inak ndia, neukose esa musu no esa, ma tititi-nonosin ma o tititi-nonosim, neukose esa musu no esa. Neukose tititi-nonosin, tutu lakabebelak o langam-ma, ma neukose, o kaan neu sila eitingan-nala.”

EZRA 6:2

Tehu susula liik la'eneu dede'ak ndia, ta hapun neme Babel fa, te hapun nai kota Ahmeta, fo nai nusa Media. Susula liik ndia, nanasulak nai susulan-nanalunuk esa dalek, de liin-na nae leo ia,

AMSAL 8:31

Au amahoko-setelee nai daebafak-ka poin-na, ma ame'da amahoko nai hataholi daebafak-ka tala'da.

YESAYA 50:5

Manetualain fe au malelak; au ta la'ban, do lepos la'oela fan.

YEREMIA 36:2

“Ho'im-ma susulak nanalunuk esa, fo sulak-kana nai ndia basa hata fo Au afa'da basan neu o la'eneu Israel ma Yehuda, ma la'eneu basa leoina lala'en-na. Sulak ma laiesak Au hala-kokolang ndek lelek Au kokolak makasososang neu o-a nai manek Yosia paletan-na tepo-lelen-na losa faik ia.

YESKIAL 2:9

Basa boema, au ita limak esa, ana look-kana leo au mai. Nai limak ndia dalek, hapu susula nanadikuk,

YESKIAL 3:1

Manetualain nafa'da nae, “Hai, hataholi daebafak fo, manasapu-manalalok-konei, mu'a susula nanadikuk ia leona, boema muu leona, fo kokolak-kana neu hataholi Israel-la.”

YOHANIS 4:34

Tehu Yesus nafa'das nae, “Au nana'a-nininung nde Au tunga Hataholi mana madenu Au a, hihii-nanaun, boema Au tao akababasak ue-le'dis fo Ana fen neu Au a.

YOHANIS 5:30

“Au ta hapu tao-no'i hata esa boen, tunga Au hihii-nanau mesang-nga fa. Te Au aketu-ala'di tunga ka'da Manetualain paleta na. Boema Au nakeketu nga matetuk, nana Au ta tunga Au hihii-nanau mesa nga fa, te Au tunga Amak fo manamadenu Au a, hihii-nanaun.

YOHANIS 6:38

Nanahu Au eme nusa so'da ka mai, fo Au ta tao-no'i tunga ka'da Au hihii-nanau mesa nga fa, te Au tao-no'i tunga Amak fo manamadenu Au a, hihii-nanaun.