IBRANI 10:38 - Susula Malalaok Hehelu Palak Ma Hehelu Beuk

³⁸ Ma Au hataholi kamaheheleng fo ndo sa, neukose namahele ma naso'da; tehu metema hapu nai sila tala'da ala fali deak, soona neukose Au ta sue fan.”

IBRANI 10:38 ပူးပေါင်းရင်းမြစ်များ

2 SEMUEL 22:22

Au tunga Manetualain paletan-na, ma au ta lepos asadea, au Manetualaing-nga fa.

MAZMUR 147:11

Manetualain namahoko neu hataholi kamahehelek-ka, neu hataholi fo, namahena nalele neu susue-lalain.

MAZMUR 149:4

Manetualain dalen-na nahiik anan-nala; Ana fe hataholi dale taidaek-ka, ana sengi.

MAZMUR 5:4

Nana au hule-haladoi ka'da neu O, ou Manetualain, mamanene au dokodoeng-nga, nai fai fafain-na. Fafai-fafain-na, au uni au tunu-hotung ma au ahani o natataam-ma, ou Manetualain.

MAZMUR 85:8

Matu'du leon, mae O sue-lai mahele ami, ou Manetualain, fe ami so'da-molek, neme O mai.

YESAYA 42:1

Manetualain nafa'da nae, “Au atang fo, Au tia-to'ban-na, nde ia, Au hataholi heheleng fo nandaa no Au daleng-nga. Au fe basa Au koasang-nga neun so, soaneu neni ndoos ma matetuk-ka, ba'eneu leoinak-kala esa-esak.

YESKIAL 18:24

Tehu metema, hataholi malole esa, ana ta tao tatao-nono'i malole so'on, boema ana mulai tao tatao-nono'i mangalauk, ma tatao-nono'i nanamaluak lala'en fo, hataholi mana tao tatao-nono'i mangalauk-kala biasa tao-no'in; ade, hataholi ndia, neukose naso'da nahele do? Ta! Neukose, lafandele heni basa tatao-nono'i malolen sila. Neukose maten, hu kande sala-singon, ma ana ta lilineka neu Au fa.

YESKIAL 3:20

Metema hataholi malole esa, ana tao sala-singok, fo Au fen nasasalematak no soe-a, de neukose maten, te metema o beita fen nasanene'dak fa. Neukose ana mate, nanahu sala-singon, de naukose Au ta afandele tatao-nono'i malolen-nala fa. Tehu neukose Au oke natataak neme o mai, la'eneu hataholi ndia mamaten-na.

YESKIAL 33:13

Bole da'di, Au aheluk basa, Au sanga fe hataholi malole-a naso'da, tehu metema ana mulai tao sala-singok, nana namahena neukose ana hapu so'dak, nanahu makahulun-na, ana tao tatao-nono'i malole soona, ana dudu'a sala ndia. Au ta afandele ndia tatao-nono'i malole makahulun sila-la fa, de neukose maten, nanahu sala-singon-nala

HABAKUK 2:4

Mafandendelek te, hataholi mangalauk-ka, neukose ta naso'da fa, tehu hataholi manatao tunga Manetualain hihii-nanaun-na, neukose naso'da, nanahu ana lilineka neu Manetualain.”

ZEFANYA 1:6

Neukose, Au tao amopo-amate sila, fo ala ta mai leo Au mai fa, do loke Au hehela-nonoleng, ma sila fo manala'o ela Au, ma ala ta nau tunga Au so'on.”

MALEAKHI 1:10

Manetualain Fo Manakoasa, nafa'da nae, “Malole lenak, Au Umang-nga lelesun-na nanakenak, nana sosoa-ndandaan ta la'iesak-kana, emi mapila ha'i nai Au mei tunu-hotung lain. Au ta hii emi, ma Au ta nau sipok emi tutunu-hohotum fa.

MATEOS 12:18

Nae, “Ia nde bee na, Au Atang fo nanahele ka, Hataholi fo Au sue-lai ka, ma nandaa no Au dale nga. Neukose Au fen, Au Dula Dale nga, Neukose ana tui-benga Au nakeketu ndo nga neu basa leoina la.

MATEOS 13:21

Tehu halak ndia ta nahuu-naoka nai dale nala dalek fa, nalosa ana ta hapu nakatatakak nala doo ka fa. Leondiak ala hapu doidosok, susa-soe, ma fefepa-lili'uk, nanahu dede'a-kokolak sila la, tutika ala fali deak leona.

ROMA 1:17

Hu ka nde Hala Malole ndia de, Manetualain natu'du eno na tao leo beek, fo hataholi daebafa ka tututin no Manetualai na, ana da'di malole falik; eno na nde, tamahele Manetualain neme makasososa na losa mate'e na. Dede'ak ndia nandaa no Susula Mala lao ka isi liin nae, “Hataholi fo namahele Manetualain, ma tututi-nanaton no Manetualain malole falik soona, neukose hataholi ndia hapu maso'da ka!”

GALATIA 3:11

Ta hapu hataholi esa boen, malole falik no Manetualain, hu ka nde ana tao tunga agama hoholo-lalanen fa. Dede'ak ndia nananafa'da basak nai Susula Malalaok dale nae, “Ka'da hataholi fo namahele neu Manetualain, nalosa tututi-nanaton no Manetualai na malole falik soona, neukose naso'da!”

1 TESALONIKA 2:15

Hataholi sila la nde taolisa, Lamatuak Yesus ma nabi la, boema ala fepa-li'u ami a. Ala musu lo basa hataholi la de, Manetualain ta hiis maka ndondook fa.

IBRANI 10:39

Ita ia, ta nde hataholi kamahehelek fo mana fali deak, ma mana la'ok sala enok fa. Nasafali na ita nde bee na, hataholi kamahehelek fo tamahele neu Manetualain, ma nanasoi-tefak.

YAKOBIS 5:6

Emi huku ma, emi taomisa hataholi sala ta kala, tehu ala ta laban emi fa.

1 YOHANIS 2:19

Kristus musu noon sila la nde, hataholi mana la'oela ita, fo memang tunga ndo na soona, ita hataholin ta sila fa. Nana metema ita hataholin sila soona, tao leo beeo, lakabubua lahele lo ita. Tehu ala la'oela ita, fo ela ana da'di nafafa'dak esa nae, tete'e ka ita hataholin ta sila so'on.