IBRANI 10:37 - Susula Malalaok Hehelu Palak Ma Hehelu Beuk

³⁷ Nanahu nai Susula Malalaok dale nanasulak nae, “Ka'da ba'ihanak seluk mesa kana, soona Ndia fo neukose mana maik ndia, neukose no lai-laik ana mai. Neukose, Ana ta nakamama'ak mamai na fa;

IBRANI 10:37 ပူးပေါင်းရင်းမြစ်များ

YESAYA 26:20

Hai Au leoinang-ngala lemin, masok leo emi umam dale meu leona, fo kena lelesu-a neu. Ke'ke lalai muu ndia, losa Manetualain nasa-melun tenak.

YESAYA 60:22

Nakalenak teidalek fo, anak nanseli, ma nuu taa-hata taak-ka, neukose ana da'di leoina matuaina, ma mabe'i-balakaik. Au fo Manetualain neukose no lai-laik, tao hata esa nandaa no fain-na.”

MATEOS 11:3

“Ama nde bee na nde hataholi fo neukose Ana mai tunga Manetualain hala hehelu na, do ami muse mahani seluk hataholi fe'ek bai do?”

LUKAS 18:8

Mamahele leona! Te neukose no lai-laik, nasala'e dede'a nala! Tehu metema Ana Hataholi ka mai soona, ade bei natongo no hataholi fo namahele neun nai daebafak ia do ta?”

FILIPI 4:5

Ela leo bee na, basa hataholi la hapu lita emi heheo-hihilu malole ma. Nanahu ta doo ka so'on te, neukose Lamatua ka, ana mai so.

IBRANI 10:25

Ela leo bee na ita takabubua sama-sama tahele, ma boso pela-bale sama leo hataholi fe'e kala. Lena-lenak ita muse lilineka tatetea-tahehele aok, nanahu ita bubuluk tae ta doo ka so'on te, neukose Lamatua ka ana mai so.

2 PETRUS 3:8

Tehu tolano-tolanoo ngala lemin! Boso mafandele heni dede'ak esa nde ia nae, tunga Lamatua ka mata memete na soona, faik esa, sama leo teuk lifun esa a'eneu Lamatua ka. Duas matak esa.

2 PETRUS 3:9

Amak Manetualain ta nakamama'ak fe hata fo Ana helu basa ka fa, leomae hataholi nggelok laedaenga leondiak. Dede'a nasafali na, Ana ta hae lai namanasa emi fa nana, Ana ta nau mate-mopo emi esa boen. Ana nau fo ela basa hataholi lala'ena, ala tuka tei-sale dale bee no'u leme sala-singo nala mai.

NINITAK 22:20

Ndia fo manamanduku-malosak basa hala heheluk ia la nae, “Tete'e ka, neukose Au mai no lai-laik!” Amin! Mai leona, ou Lamatuak Yesus!