IBRANI 10:35 - Susula Malalaok Hehelu Palak Ma Hehelu Beuk

³⁵ Hu ka nde ndia, de boso ketu namahehena ma, nana metema emi mamahele mahele, soona hapu ngga'di matua ina soaneu ndia!

IBRANI 10:35 ပူးပေါင်းရင်းမြစ်များ

MAZMUR 19:11

Manetualain hoholo-lalanen, belin-na lena heni lilopilas isik-ka makeen-na lena heni fanioe isik-ka.

MATEOS 10:32

“Metema see manaku nai lea matan nae, Au ana mana tungang ndia soona, neukose Au boeo manaku hataholi ndia, nai Au Amang manai nusa so'da ka matan boe.

MATEOS 10:42

Ba'eneu see fo ana fe hataholi matasi'da-matasaik fo Au ana mana tungang esa ninu, leomae ka'da oe makasufuk boe, soona mamahele leona te, neukose tao leo bee o, ana sipo ngga'di na!”

MATEOS 5:12

Nabi makahulu kala boeo, ala fepa-li'us sama leo emi boe. Mamahoko ma hika-setelee leona, nanahu Lamatua ka sadia basa ngga'di matua ina nai nusa so'da ka, soaneu emi so.”

LUKAS 14:14

Neukose o nanaba'e-palak, nana hataholi sila la, neukose ala ta hapu balas o malole ma fa. Neukose o malolem ndia Manetualain nde bala sana, nai lelek hataholi malole la nanatao naso'da falik neme mamate sa mai.”

1 KORINTUS 15:58

Hu ndia tolano-tolanoo susue-lalai ngala lemin! Ela leo bee na, emi balakaik ma matea-mahele. Maue-male'di makandoo soaneu Lamatua ka no te'e-te'ek, nana emi bubuluk mae, hata fo emi tao-no'in soaneu Lamatua ka, ta palsuma fa.

EFESUS 3:12

No namahehelek neu Kristus, ma da'di esa ton de, Ana ta kena-ka'i ita, soaneu deka to Manetualain no namahele te'e-te'ek.

IBRANI 10:19

Naa, tolano-tolanoo ngala lemin, neme Yesus mamaten ndia mai, de besak ia ita tapalani masok leo Kama Malalao-malalau ka dalek teu.

IBRANI 11:26

Musa name'da, nae beli na ba'u na seli soaneu hapu nakamumulu-nakamamaek hu ka nde Mane Mana Fe So'dak fo Manetualain heluk ndia, neme hapu basa nusa Masi ra hata-haton lala'ena mai, nana Musa namahena ngga'di fai makabui ka.

IBRANI 2:2

Ata nusa so'da kala lafa'da ita bei-ba'i kai nala hala hehelu ka, memak tete'e ka la'en, ma hataholi fo ana ta tunga do nakalala'o kana fa soona, neukose ana sipo huhukuk nandaa no tatao-nono'in.

IBRANI 3:14

Ita basa-basa tala nde bee na, tolanoo mana sanga enok esa to Kristus, sa'di losa mate'e na, ita ho'u tahehele ita namahehelen fo ita tanuun nai makasososa na.

IBRANI 3:6

Tehu Kristus lilineka da'dileo Anak fo nde nataa Manetualain Uma na. Ma ita ia nde Manetualain Uma na, metema ita manggate tahele ma tamahele tahele soona ita hapu hata fo ita tamahena ka.

IBRANI 4:14

Hu ndia de, ita muse ho'u tahehele neu ita manaku namahele ka. Nanahu ita tanuu Imam Matua ina esa, ba'u na seli, fo Ana masok basa losa leo Manetualain mata na neu so. Ndia nde Yesus, fo Manetualain Ana na.

2 YOHANIS 1:8

Hu ndia de manea matalolole, fo boso nalosak emi mamopo hata fo, ami tao-no'i basan neu emi ndia. Sanga enok, fo ela emi hapu sipo la'iesak emi ngga'di ma neme Manetualain mai.