IBRANI 10:33 - Susula Malalaok Hehelu Palak Ma Hehelu Beuk

³³ Hapu fai na emi nananakamumulu-nakamamaek, ma nanataok no ta malole nai lea matan. Boeo hapu fai na emi doidoso mo sila fo nanatao leondia ka.

IBRANI 10:33 ပူးပေါင်းရင်းမြစ်များ

MAZMUR 69:9

Au da'di sama leo, hataholi nusa dea ba'eneu au tolanoo-ka'a-fa'ding, sama leo hataholi deak ba'eneu au ka'a-fa'ding.

MAZMUR 71:7

Au so'dang-nga, da'di nana'dak ba'eneu hataholi makadotok, nana O nde, au manamasulu-mahapang fo, mabe'i-balakaik.

MAZMUR 74:22

Ou Manetualain, fo'a leona, fo masala'e O dede'am-ma! Nana nai fai katemak esa dalen-na, hataholi fo ta lamahele O fa, lakamumulu-lakamamaek O.

MAZMUR 79:12

Ou Manetualain, balas leoina sila-la, didikuk la'i hitu, nanahu sila nakamumulu-nakamamaen soaneu O-a.

MAZMUR 89:51

Ou Manetualain, mafandele, tao leo beek de, O atam ia, nananakamuu-nakadauk, au lu'a-lepa nakamumulu-nakamamaek neme leoina makadotok mai.

YESAYA 51:7

Hai Au leoinang-ngala lemin, mamanene Au leona, emi bubuluk hata fo la'en; Au nanoling-nga, nanape'dak nai o dalem dale. Metema, hataholi daebak-ka, hakinonoli o soona, boso bii, metema ala lakadadaek o soona, dalem-ma boso ba'ihana.

NAHUM 3:6

Au tao o da'dileo bua-lo'a nanamaluak, Au tapa heni o moo kadafuk-ka; Au tao o da'di buas, fo lanilun.

ZAKHARIA 3:8

Mamanene leon, hai Imam Matuaina Yosua, boeo emi, imam-imam fo manada'di Yosua nonoon-nala lemin, emi basa-basam-mala nde been-na, salaok neme emi maso'dam manamaim-mala, malole. Nai tepo-lelek ndia, neukose Au adenu Au atang fo loken lae, ‘Manabuku beuk’.

1 KORINTUS 4:9

Nana tunga au hahapu nga soona, ami hataholi nadedenuk fo Manetualain nakadada'dik basa ami dadi leo buas esa, fo lanilun nai hataholi daebafa ka ma ata nusa so'da kala matan. Ami sama na leo hataholi matasi'da-matasaik, fo laketu hukulisan nai lea matan, fo daebafa ka hika-natadale ami.

2 KORINTUS 12:10

Da'di au amahoko unik au tapandoe ngala. Au boeo amahoko, metema hu ka nde Kristus de au nakamumulu-nakamamaek, au la'ola'di toto'a-sosotak, nanausi-puuk, ma la'ola'di toto'a-tataak. Nana metema au tapandoe soona, nai lelek ndia nde au balakaik.

FILIPI 1:7

Memak la'e mamana na, au anuu dudu'a leondiak soaneu emi, nana emi basa-basa mala nai au daleng dale tataas esa. Boema hu ka nde emi boeo sipo baba'e-babatik fo Manetualain fen neu au a boe; nau besak ia, fo lelek au bei nai bui dale a, do nai lelek au nai bui a deak boe, au asala'e ma au ho'u ahele Hala Malole ndia.

FILIPI 4:14

Tehu emi tulu-fali au nai au susa nga dalek so; ma hata fo emi tao no'in ndia, memak malole.

1 TESALONIKA 2:14

Tolano-tolanoo ngala lemin! Dede'ak fo emi la'oladi ka, Manetualain hataholi kamahehelen manai Yudea, fo manda'di esa lo Kristu sa, ala la'oladin boe. Emi la'oladi doidosok neme emi hataholi mala mai seluk, sama leo Manetualain hataholi kamahehelen manai Yudea la, ala la'oladin neme hataholi Yahudi la mai.

2 TIMOTIUS 1:8

Hu ndia de, o boso bii-mae da'di sakasii la'eneu ita Lamatua na neu su'di see a, ma boeo boso bii-mae malelak au fo, hataholi nanahukuk, hu ka nde Lamatua ka. Te ela leo bee na, no Manetualain be'ibalakain de, o doidoso soaneu Hala Malole ndia.

IBRANI 11:26

Musa name'da, nae beli na ba'u na seli soaneu hapu nakamumulu-nakamamaek hu ka nde Mane Mana Fe So'dak fo Manetualain heluk ndia, neme hapu basa nusa Masi ra hata-haton lala'ena mai, nana Musa namahena ngga'di fai makabui ka.

IBRANI 11:36

Hapu nggelok nananakamumulu-nakamamaek, nanafiluk, nanapa'ak ninik namosina, ma nanataok leo bui dale leu.

IBRANI 12:4

Nana, nai ulepo'de soaneu la'ban sala-singo ka, emi beita la'iesa fo ulepo'de losa emi daa ma muse titihenin fa.

IBRANI 13:13

Hu ndia de mai leona, fo ata teu takaninin nai Pandopo manai sila la dae too na deak, fo tunga nananakamumulu-nakamamaek sama-sama ton.