IBRANI 10:27 - Susula Malalaok Hehelu Palak Ma Hehelu Beuk

²⁷ Ela ka'da esa mesa-mesak-kana soaneu ita, fo nde tasasale matak to Manetualain naketu-nala'din, ma ha'i nasa-melu na, neukose ana hotuheni basa hataholi fo mana la'ba nana!

IBRANI 10:27 ပူးပေါင်းရင်းမြစ်များ

MAZMUR 21:9

Neukose Ana foo la'iesak musun-nala, ma Ana ho'u-na basa hataholi fo lakamuu-lakadau neu.

YESAYA 26:11

Manetualain, O maheheleaom, fo huku O musum-ma, tehu ala ta bubuluk fa. Nemen-na fo, ala hapu mamaek nai lelek lita O susue-lalaim ba'eneu O anam-mala. Nemen-na fo mate-mopo la'iesak-kasa, hu kande hoholo-lalanek fo O sadian ba'eneus.

YESAYA 33:14

Hataholi masala-masingok manai Sion-na, ala dele bengge'be no bibii-namatauk-ka. Lafa'da lae, “Manetualain nakeketun-na, sama leo ha'i pilak-ka, losa dodoon-na. Ade fafa'kama, hapu hataholi nakatatakak nai ha'i fo, manatao namate-namopok ndia dalek do ta?”

YEREMIA 4:4

Hei laun Yehuda ma laun Yerusalem-mala lemin! Ho'u mahele emi hehelu-balataam moo Au, fo emi Manetualaim-ma, ma fe hehelik o aoinam-ma neu Au. Metema ta, soona neukose Au nasa-melung ana lua ponu-ponu fo nana'a, sama leo ha'i-a, fo su'di see boe, ana ta hapu taonisa fan. Neukose basa sila-la, tuni-la emi, nanahu emi tatao-nono'i mangalaum-mala.”

YESKIAL 38:19

Ma no nasa manalua ponu-ponuk-ka, neukose Au fe nasanene'da mahelek, ae nai faik ia, neukose hapu dae manggengo matuaina, nai nusa Israel-la.

DANIAL 5:6

Mata-panan fula ma ana bii nanseli, nalosa lungulangan-na dele ngge'be-ngge'be.

HOSEA 10:8

Uma sosongo-tatangok manai pupuku-pupukuk nai Betel fo hataholi Israel-la mamana sene-do'ok neu sosongo-tatangok-ka, neukose nanatao nakalulutuk. Dila-nggauk ma na'u-la, neukose ala moli nai sila mei tunu-hotun. Boema neukose, laloo lapane'e neu letek-kala lae, “Mapaluni-mala ami leona!” ma laloo neu pupukuk-kala lae, “Tuni-mala ami leona!”

YOEL 2:30

Neukose Au tao manada'di beuk ba'uk-ka nai lalai ma daebafak-ka. Neukose hapu nado'do-napauk, ha'i pilak ma ha'imasu bubuak.

NAHUM 1:2

Manetualain ta nau hataholi nakasusu'dik no fan, hataholi manala'ban-nana, tao leo bee-o ana hapu huhukuk No nasa-meluk nanseli, Ana balas nape'da dalen-na neus.

ZEFANYA 1:18

Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.

ZEFANYA 3:8

Tehu manea besa-besa! Mahani ka'da fain-na losa, Au fo'a apadeik da'di leo manakalaak. Nana, Au aketu basa, soaneu aloo akabubua leoina-la, ma nusa-nusak-kala, fo Au po'a Au nasa melung neus. Neukose, Au ha'i nasa melung-nga, na'a heni basa daebafak-ka lala'en-na.

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

BILANGAN 16:35

Boema Manetualain fe ha'i mai, de na'a naputu la'iesak hataholi ka natun dua limahuluk fo, manatunu-hotu boomenik sila-la.

MATEOS 13:42

nanatu'uk leo la'o mana pila lo'a-lo'a ka dalek leu; fo nai ndia neukose ala kii-makaleleu ma ala doidoso.

MATEOS 13:50

Basa soona, ala tapa hataholi mangalauk sila la leo tasi ha'ik dale neu, fo ala kii-makaleleu ma ala doidoso lai ndia.”

MATEOS 25:41

Basa ndia boema, neukose Manek ndia nafa'da hataholi manai boboa kii na nae, ‘La'o heok meme ia mai, hei hataholi mangalau kala lemin! Masok leo ha'i mana mate ta ka dalek meu, te mamanak ndia nanasadia basak soaneu nitu a no basa lima ein lala'ena!

MATEOS 3:10

Taka nanasadia basak soaneu ala lo'oheni ai huuna no basa oka nala lala'ena so. Metema ai bee ta naboa boa malole fa soona, neukose nanalo'o henik, fo ala tapan leo ha'ik dale neu.

MATEOS 3:12

Ana ho'u ooko a nai liman dale, fo ana da'i-eeko gandu ma losa balisi. Nadai gandum neu kala leo sokan dale neu, tehu gandum nala kala soona, ana hotuhenis nai ha'ipila manamate ta ka dalek.”

MATEOS 8:29

Duas kalua leme lea-luak manai lates sila la dalek mai, de ala nggasi lae, “Manetualain Anan O, de O sanga tao ami le'e ia? Ade O sanga tao doidoso ami, leomae fai na beita losa fa do?”

LUKAS 16:24

Boema hataholi kamasu'ik ndia nalo bou-bou nae, ‘Ama Abraham! Sue-lai au dei. Madenu Lasarus dope lima ku'u na leo oe dale neu, boema ana mai fo nakadoe au maa nga dei. Te au doidoso anseli nai ha'ipilak ia dalek!’

LUKAS 19:27

Ma besak ia mo au musu noong fo ala ta nau au da'di sila mane na, leo ia mai. Taomisa la'iesa kasa nai au matang!’ ”

LUKAS 21:26

Hataholi daebafa ka neukose ala bii lini mamate momopon lasasale matak lo hata fo neukose ana da'di nai daebafak ia lala'ena, nana basa mana koasa lalai maloa ta latetu-landaa so'on.

LUKAS 23:30

Nai lelek ndia nde neukose hataholi a nafa'da lete kala nae, ‘Mapaluni ma ami leona!’ Ma neu pupuku kala lae, ‘Mapaluni mala ami leona!’

YOHANIS 5:29

soona ala kalua leme late sala dalek mai. Hataholi manatao-no'i malole a, neukose ala fo'a fo laso'da. Tehu hataholi manatao-no'i mangalau ka, neukose ala fo'a, fo ala sipo huhuku nala.”

ULANGAN 32:43

Hai, leoinak-kala lemin, koa-kio Manetualain anan-nala, nana Manetualain huku basa hataholi fo, manataonisas-sala so. Ana balas nape'da dalen-na, neu musun-nala, tehu Ana fe do'o do ampon neu anan-nala.”

IBRANI 12:25

Hu ndia de, masanene'dak fo boso nalosak emi ta nau mamanene Ndia fo mana kokolak neu emi a. Sila fo ta nau lamanene Ndia fo mana maik leo daebafa ka mai, ma nanduku-nalosak halak maneme Manetualai na mai, ana ta bisa nalai fa. Mu'da hata no ita ia fo mana mamanene Ndia fo mana kokolak neme nusa so'da ka mai a. Metema ita ta nau tamanene fan soona, hapu nai bee ita bisa taladeak!

IBRANI 12:29

Nana ita Manetualain ndia, sama leo ha'i fo manahotu naputu ka.

IBRANI 2:3

Muda hata no so'dak-molek matua ina, fo nanananduku-nalosak tunga hala heheluk ndia bai! Metema ita ta taoafik neu so'da-molek ndia fa soona, tao leo bee o, neukose ita ta tatapo'i teme huhukuk ndia mai fa. Nanahu Lamatua ka mesa kana nde makasososa po'a-benga so'da-molek ndia, ma hataholi fo lamanene makasososa nana, ala fe basa buti ndo na neu ita so.

IBRANI 9:27

Manetualain naketu basa, hataholi daebafa ka mate ka'da la'iesa, fo basa ndia soona, Manetualain naketu-nala'di hataholi sila tatao-nono'in.

YAKOBIS 5:3

Emi lilopila lilofulam, lulutu ka na'a basas; neukose lulutu na, ana da'di sakasii, fo ana laban seluk emi, fo na'aheni emi ao paa ma, sama leo ha'i a. Emi pe'da madodou hata-heto, nai le'do fai fo sanga basa nana.

NINITAK 20:15

Hataholi fo na'de na ta nanasulak nai Susula Hataholi Maso'da ka dalek, nanatapak leo tasi ha'ik dale neu.

SEMUEL SUSULAK-KA ESAN-NA 2:25

Metema, hataholi nasala neu hataholi daebafak soona, Manetualain nasala'en; tehu metema hataholi nasala-nasingo neu Manetualain soona, see kande tulu-falin-nana?” Tehu, ala ta lafaduli sila aman Eli, nanoli-nafa'dan fa, nana Manetualain naketu basa soaneu taonisas so.