IBRANI 10:24 - Susula Malalaok Hehelu Palak Ma Hehelu Beuk

²⁴ Ma ela leo bee na ita esa taoafik neu esa, fo ela ita hapu esa fe manggatek neu esa soaneu sue-lai nonoo hataholi ka, ma tao-no'i dede'a-dede'a malole.

IBRANI 10:24 ပူးပေါင်းရင်းမြစ်များ

MAZMUR 41:1

Soaneu mauli-malanga nakameek. Dauk kokoa-kikion-na.

AMSAL 29:7

Hataholi malole-a, ana bubuluk hataholi tapandoes-sa hak-ka, tehu hataholi mangalauk-ka, ta dodoo nala fan.

HATAHOLI 11:29

Boema basa Yesus hataholi mana tungan sila la, lalahalak fo ala haitua fe basa tolanook manai Yudea la tutulu-fafalik. Sila esa-esak haitua tunga hahapu na.

ROMA 11:4

Boema Manetualain nafa'da Elia nae le'e? Manetualain nae, “Au hele basa Au hataholing lifun hitu so. Hataholi sila beita songo-tango lita Nitu Baal la fa.”

ROMA 12:15

Mamahoko mo hataholi manamamahoko kala, ma kii mo hataholi manakii kala.

1 KORINTUS 10:33

Maso'da sama leo au leona. Au sanga enok, fo au tao amahoko basa hataholi lala'ena dale na, nai basa hata lala'ena dalek, ta no dudu'ak soaneu aoina ka paluu na mesa kana. Au dale tutu'u nga nde bee na ka'da, fo ela sila nanasoi-tefak.

1 KORINTUS 9:22

Nai hataholi fo namahehele nala beita matea-mahele kala tala'da soona, au boeo tao sama leo hataholi fo namahehele na beita matea-mahelek fa, fo ela au bisa helas da'di Kristus ana manatungan. Dede'a keke'u na, au da'di su'di bee ka soaneu basa hataholi la, fo ela no enok leo bee ka boe, au bisa soi-tefa ala sila nggelok.

2 KORINTUS 8:8

Au ta paleta emi fo emi tao dede'ak ia fa. Tehu ka nde natu'du nae, hataholi fe'e kala manggate lanseli tulu-fali nonoo hataholi nala de au boeo nau bubuluk, emi susue-lalaim losa nai bee so.

2 KORINTUS 9:2

Au bubuluk emi mahiik manseli tulu-fali, de au amatutua-amadedema basa emi neu hataholi manai Makedonia la so. Au afa'das ae, neme teu maneu ka, tolanook fo namahehelek esa fo manaleo nai Korintus nai nusak Akhaya, laheheleaon basa soaneu fe tutulu-fafalik so. Naa, te'e-te'e emi manggatem ndia, nafofo'a sila ba'u ka manggate na boe.

GALATIA 5:13

Tolanoo kala nananalo basak, soaneu da'di hataholi ao loak so. Tehu emi boso pake emi ao loam ndia, fo tao makandoo su'di bee ka, fo emi mahiik tao-no'in. Dede'a nasafali na, emi muse masue-malai ao, ma esa nalalau-naoono esa.

GALATIA 5:22

Dede'a nasafali na nae, metema Manetualain Dula Dale na hela-nole hataholi soona, buna-boan nde: ala lasue-lalai ao, ala lamahoko-setelee, ala lanuu dale mana tesa-tamak, ala ta haelai lamanasa, ma ha'da-tataon malole, ala malole lo hataholi fe'ek, ala lilineka,

GALATIA 5:6

Hu ka nde, metema ita da'di esa too Kristus soona, tunga do ta tunga suna ta fa o, ta hata-hata fa. Fo paluu nanseli a, nde ka'da tamahele Kristus, fo dede'ak ndia, nananitak nai ita susue-lalain neu hataholi fe'e ka.

GALATIA 6:1

Tolano-tolanoo ngala lemin! Metema emi mita hataholi esa tao sala-singok soona, ela leo bee na emi mana maso'da nai Manetualain Dula Dale na dale ka, hela-nole hataholi ndia fo ana fali ma'in leo eno ndo sa mai. Tehu muse emi tulu-fali hataholi ndia no dale nakaloe-nakadaek, ma manea fo daenga emi boso tu'da leo tatao-nono'ik ndia dalek meu.

KOLOSE 3:16

Ela leo bee na, Kristus nanolin fo henuk no baba'e-papala ka, ana susi leo emi dalem dale neu. Ela leo bee na, esa nanoli esa, ma esa nanoli-nafa'da esa no dudu'a-aafi matetu-mandaak. Makamee nakamee Mazmur, ma kokoa-kikiok, boema makamee hataholi kamahehele kala nakamee nala; makamee soaneu Manetualain ma moke makasi neun nai emi dalem dale.

1 TESALONIKA 5:11

Hu ndia de, ela leo been-na emi esa nanoli-nafa'da esa, ma esa natetea-nahehele esa, sama leo besak ia, emi tao ka.

2 TESALONIKA 3:9

Ami tao leondiak, nana ta hu ka nde ami ta manuu hak soaneu ami makaseti emi fo tulu-fali ami fa te, hu ka nde ami nau da'di natutu'duk esa soaneu emi.

1 TIMOTIUS 6:18

Mafa'das fo latu'du tatao-nono'i malole nala nai basa dede'ak lala'ena dalek ma ala nau tulu-fali hataholi.

TITUS 2:4

fo daenga no enok ndia, sila hapu lanoli-lafa'da ana fe'oana kala, fo ala sue-lai saotou na ma ana nala,

TITUS 3:8

Dede'ak ia, memak tete'e ka la'en. Au nau o taoafik neu dede'ak ia la, fo ela hataholi fo lamahele neu Manetualai na, te'e-te'e ala sanga enok soaneu ala tao-no'i tatao-nono'i malole ma masosoa-ndandaak soaneu basa hataholi lala'ena.

IBRANI 13:1

Ela leo bee na emi masue-malai ao mahele, da'dileo tolano-tolanook fo namahehelek esa.

IBRANI 13:3

Mafandendelek leona te, hataholi manai bui dale la, nono'ka bai emi boeo nai bui dale sama-sama mos. Ma hataholi-hataholi fo ala tao su'dibebe'i ka lo sala, ela leo bee na emi mafandeles, nono'ka bai ala tao emi leondiak boe.

IBRANI 3:13

Da'di fo ela sala-singo ka boso ke'dindiu na hataholi esa boen nai emi dalek, nalosa ana la'ban Manetualain, ela leo bee na emi esa nanoli-nafa'da esa tunga faik, beidai ita bei taso'da nai lelek, fo nananafa'dak nae, “Faik Ia”, nai Susula Malalaok dale.

1 YOHANIS 3:18

Ana ngala lemin! Ita boso sue-lai hataholi, ninik ka'da ita bafa lou na, do ninik ka'da hala-kokolak mesa kana. Te ela leo been-na, ita sue-lai tinik susue-lalai matetu ka, fo ita tatu'dun nai ita tatao-nono'in dalek.